Навигация

Elbrusoid.org

Словарь

Итли къонакъ джарашмаз.
Ойнаб айтсанг да, эслеб айт.
Джырчы джырчыгъа – къарнаш.
Келгинчи, къонакъ уялыр, келгенден сора, къонакъбай уялыр.
Билим къая тешер.
Аман адам этегингден тутса, кес да къач.
Ачыу алгъа келсе, акъыл артха къалады.
Босагъагъа джууукъ орун болса, ашыгъыб тёрге озма.
Юйлю уругъа ит чабмаз.
Аджаллыгъа окъсуз шкок атылыр.
Къан бла кирген, джан бла чыгъар.
Кёзню ачылгъаны – иги, ауузну джабылгъаны – иги.
Атлыны ашхысы, ат тизгининден билинир
Ашыкъгъан cуу, тенгизге джетмез.
Хата – гитчеден.
Иесиз малны бёрю ашар.
Бек анасы джыламаз.
Тойчу джашха къарама, къойчу джашха къара.
Окъуу – билимни ачхычы, окъуу – дунияны бачхычы.
Ётюрюк хапар аякъ тюбю бла джюрюйдю.
Ариуну – ауруу кёб.
Нёгер болсанг, тенг бол, тенг болмасанг, кенг бол.
Акъыл сабырлыкъ берир.
Ауругъанны сау билмез, ач къарынны токъ билмез.
Таякъ этден ётер, тил сюекден ётер.
Джарашыу сюйген – джалынчакъ.
Джылыгъа джылан илешир.
Адам бла мюлк юлешмеген эсенг, ол адамны билиб бошагъанма, деб кесинги алдама.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Тёзген – тёш ашар!
Чомартны къолу берекет.
Хансыз джомакъ болмаз.
Бети – къучакълар, джюреги – бычакълар.
Суу кетер, таш къалыр.
Эл ауузу – элек, анга ийнаннган – халек.
Оюмсуз атлагъан, аджалсыз ёлюр.
Бетинги сатма, малынгы сат.
Айныгъанлы алты кюн, тогъайгъанлы тогъуз кюн.
Суу ичген шауданынга тюкюрме.
Тёрени джагъы джокъ.
Ачыкъ джюрекге джол – ачыкъ.
Акъдан къара болмаз.
Башсыз урчукъ тюзюне айланмаз.
Эр абынмай, эл танымаз.
Ашхы адам – халкъ байлыгъы, ашхы джер – джашау байлыгъы.
Тюзлюк тас болмайды.
Ышармагъан – кюлмез, кюлмеген – къууанчны билмез.
Эрине къаргъыш этген къатын, эрнин къабар.
Этни бети бла шорпасы.
Джумушакъ сёз къаты таякъны сындырыр.