http://www.elbrusoid.org Новое в теме Сабийлеге къонакъгъа, келгендиле джомакъла!!! форума на сайте Портал Эльбрусоида [www.elbrusoid.org] ru http://backend.userland.com/rss2 Sun, 10 May 2026 17:14:45 +0000 Сабийлеге къонакъгъа, келгендиле джомакъла!!! в форуме - ЗФ - Детский раздел.
ЁЛМЕЗЛАНЫ МУРАДИН


ОКЪА БЁРК
Къарачай-малкъар халкъ жомакъ

Узакъдамы, жууукъдамы,
Жашаудамы, жомакъдамы,
Эртте-эртте, бек эртте
Чыпчыкъчыкъ жашап болгъанды,
Анасыча, танг эрттен
Чорбатдан жырлап болгъанды.

Ол жайны бир кюнюнде,
Жубана тургъанынлай,
Оймакъчыкъ тапды кюлде,
Жуууна тургъанынлай.

Башына кийди аны,
Къууанды, кёлге къарап.
Бёркчюгю кюнде жана,
Башлады былай жырлап:

?Ханны кийиз бёркю,
Мени окъа бёркюм!
Ханны кийиз бёркю,
Мени окъа бёркюм!?

Хан анымы эшитир,
Хан алаймы элгенир,?
Къалтырай эринлери:
? Ой, бери, бери, бери!

Тийре хахайдан толду:
? Атабыз, о не болду?! ?
Деп, жетди кичи жашы,
Ийнагъы, кёзю-къашы.

Ызындан таматасы,
Жапсарады атасын:
? Ким эсе да мен аны
Ичинде къоймам жанын!
Кер агъачха терк керирме,
Бир уруп, минг ёлтюрюрме!..

Терекге ау атдыла да,
Чыпчыкъчыкъны тутдула да,
Келтире келип аны
Зинданнга къамадыла.
? Асмакъгъа ас! ? деп ханны
Жашлары къадалдыла.

? Чыпчыкъгъа тауукъ ёлюм!
Ичейим шорпасындан.
Алайсыз кенгмез кёлюм! ?
Деди хан шапасына.

Шапаны жокъ амалы,
Чыпчыкъны бойнун тартды.
Билмей эдиле ала
Не кюн келлигин артдан.

Чыпчыкъчыкъ, къаны бара,
Жырлады бютюн жарыкъ:

?Аман къанымы кстердннг!
Аман къанымы кетердинг!?

Хан къычырыкъдан къырады,
Шапасын ашыкъдырады.

Чыпчыкъ а, тюгю бара:
?Аман тюгюмю кетердинг!
Аман тюгюмю кетердинг! ?
Дейди, ачыудан жара.
Чыпчыкъчыкъны къазаннга
Атдыла да, ол ханнга,
Сау тийрени сагъайтып,
Жырлады, былайайтып:

?Сууугъем да, жылы этдинг!
Сууугъем да, жылы этдинг!?

Къан чабып кёзлерине,
Шапасын тюеди хан.
Чыпчыкъны сёзлерине
Ачыудан кюеди хан...

Жарлы чыпчыкъчыкъ бишди,
Алтын табакъгъа тюшдю.

Хан аны, жангыз къабып,
Эндирди тамагъындан.
Жанына тынчлыкътабып,
Къарады табагъына.

Шорпадан да уртлады.
Къызарып уууртлары:
? Арыгъанма, бир кесек
Солуюм,? деди,? жатып.
Чыпчыкъчыкъ бютюн да бек
Жырлады былай айтып:

?Ханны ичинде уя этдим!
Ханны ичинде уя этднм!?
Амалсыз болуп, базыкъ
Хан хыны-хуну турду:
? Жашларым, бирер къазыкъ
Алыгъыз! ? деп буюрду...

Хан кекирди, чачыкъды,
Чыпчыкъчыкъ чартлап чыкъды.

Ой да, бош турама деп,
Чыпчыкъны урама деп,
Керилип кичи жашы
Сермегенди атасын.
Абзырап, ханны башын
Тешгенди таматасы.

?Ханны кюлкюлюк этдим,
Жашларын бедишлик этдим!
Ханны кюлкюлюк этдим,
Жашларын бедишлик этдим!?-

Деп, учуп кетди чыпчыкъ,
Ол батыр къанатлычыкъ.

1980
15.06.2011 23:42:34, Бейбарс.]]> http://www.elbrusoid.org/forum/archive/messages/forum129/topic14900/message1069047/ http://www.elbrusoid.org/forum/archive/messages/forum129/topic14900/message1069047/ Wed, 15 Jun 2011 20:42:34 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Какая классная темка....

Вот вам считалочки.

Бир деген неди?-Биринчиде менме.
Эки деген неди?-Бир адамны эки кёзюдю.
Юч деген неди?-Юч къыл болмай къобуз согъулмаз.
Тёрт деген неди?-Тёртгюллемей ат чабмаз.
Беш деген неди?-Бир къолда беш бармакъ.
Алты деген неди-Алты къош бла сабан сюрген ач блмаз.
Джети деген неди-Джетегейле джети къат айланмай танг атмаз.
Джетиге дери ким айтмаз?


29.05.2011 00:43:59, Кергелен.]]> http://www.elbrusoid.org/forum/archive/messages/forum129/topic14900/message1069046/ http://www.elbrusoid.org/forum/archive/messages/forum129/topic14900/message1069046/ Sat, 28 May 2011 21:43:59 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Джомакъла
Биз кимлебиз?????
хааарииифлеее )))) *какая я умница*)))
11.11.2010 13:03:04, Рамла.]]> http://www.elbrusoid.org/forum/archive/messages/forum129/topic14900/message1069045/ http://www.elbrusoid.org/forum/archive/messages/forum129/topic14900/message1069045/ Thu, 11 Nov 2010 10:03:04 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Акъыллычыкъ
Кечирек кёрдюм соруунгу
01.04.2009 16:26:42, Девушка Гор.]]> http://www.elbrusoid.org/forum/archive/messages/forum129/topic14900/message1069044/ http://www.elbrusoid.org/forum/archive/messages/forum129/topic14900/message1069044/ Wed, 01 Apr 2009 13:26:42 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Акъыллычыкъ
акъылыма келген сегизинчи март, паранджангы тарт
01.04.2009 16:04:08, къарачайлы.]]> http://www.elbrusoid.org/forum/archive/messages/forum129/topic14900/message1069043/ http://www.elbrusoid.org/forum/archive/messages/forum129/topic14900/message1069043/ Wed, 01 Apr 2009 13:04:08 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Биз кимлебиз?????

01.04.2009 15:18:17, шагъыш этейим.]]> http://www.elbrusoid.org/forum/archive/messages/forum129/topic14900/message1069042/ http://www.elbrusoid.org/forum/archive/messages/forum129/topic14900/message1069042/ Wed, 01 Apr 2009 12:18:17 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Ийнанмагъан санасын,
Отуз сегиз - саныбыз.
Атыбыз да бар бизни,
Болмаса да джаныбыз.

Тизилгенбиз бир сафха,
Орнубузда турабыз.
Чакъырсала сабийле,
Къонакъгъгъа да барабыз.

Сёлеширге адамча
Болмаса да тилибиз,
Джалгъасагъыз бизни таб,
Ушакъ эте билебиз.

Кёб хапарла айтырбыз,
Иги болсагъыз бизге.
Хар къайда да, къачан да
Нёгер болурбуз сизге.

Биз кимлебиз?????
22.03.2009 20:31:04, Джомакъла.]]> http://www.elbrusoid.org/forum/archive/messages/forum129/topic14900/message1069041/ http://www.elbrusoid.org/forum/archive/messages/forum129/topic14900/message1069041/ Sun, 22 Mar 2009 17:31:04 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
1-чи классха баргъан сабийге 8-чи мартха бир назмучукъ табаргъа болушсагъыз а, къарачай-малкъар тилде керекди
01.03.2009 03:52:19, Акъыллычыкъ.]]> http://www.elbrusoid.org/forum/archive/messages/forum129/topic14900/message1069040/ http://www.elbrusoid.org/forum/archive/messages/forum129/topic14900/message1069040/ Sun, 01 Mar 2009 00:52:19 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Рамла
Иги таурух
21.02.2009 18:43:51, Акъыллычыкъ.]]> http://www.elbrusoid.org/forum/archive/messages/forum129/topic14900/message1069039/ http://www.elbrusoid.org/forum/archive/messages/forum129/topic14900/message1069039/ Sat, 21 Feb 2009 15:43:51 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Сау бол таурухунг ючюн да, ссылкангючюн да, энди боша заманымда ары кириб бу таурухланы окъурма-деб муратлыма
21.02.2009 15:49:23, всезнайка.]]> http://www.elbrusoid.org/forum/archive/messages/forum129/topic14900/message1069038/ http://www.elbrusoid.org/forum/archive/messages/forum129/topic14900/message1069038/ Sat, 21 Feb 2009 12:49:23 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Фатимат:

- Ким елтюрдю, не ёлтюрдю? - деп къайгъы болгъанды.

Жаш анга хапарны айтып ангылатханды. Харам жюрек къарт къуртханы да ёлюгюн жол тюбюне атып, экиси да сау кийикни да алып, юйге баргъанларында, къарындашла да келип, экисини къайгъыйсын эте тура эдиле. Хапарларын айтхандан сора, сау кийикни кёргюзтгенлеринде, бек уллу сейир болгъандыла.

Алай бла къарындашла артда, Фатиматчыкъны да адамгъа ышанмай, хар кюн сайын кичи жашны юйде къоюп, къалгъанлары уа уугъа жюрюп, ашап-жашап тургъандыла.

Алай ханны къатыны къуртханы не къадар сакъласа да, къуртха къайтып келмегенди. Елген къуртха къайры къайтып келлик эди.

Алай биягъы бир кюн, биягъы къыз ёлген болмазмы - деп, биягъы кюзгюге къарап:

- Ох, дунияда менден ариу жан болурму? - дегенде, анга жууапха кюзгюню артындан:

- Да сенден ариу а бир барды, сабийликден окъуна бир жиягъы айча, бир жиягъы кюнча жарытхан, Фатимат деп бир ёксюз къызчыкъды. Ма ол бюгюн да уллу агъачны ичинде, ариу ёзенни ортасында жети да къарындашха да эгечлик этип турады, - дегенди.

Ханны къатыны уа ачыудан ёлюп къала эди. Ассыры адыргы этгенинден, олтуруп жеринде чыдаялмай тохтагъан эди. Бар амалын тауусуп, аскерни жыйып, къурап, сау-утландырып, уллу агъачны ичинде ариу талада жашагъан къарындашла бла уруш этерге, сора Фатиматны ёлтюрюрге тебирегенди.

Бир эрттенликде танг бек ариу эди, кёкде бир да булут къалмагъан эди. Къарындашла уугъа барыргъа эртте тургъан эдиле. Бир къызыл чыпчыкъ а келип, аланы алларында къонуп, ?чу-уйт!? - деп жырлай эди.

Къарындашла аны эслеп: ?Не эсе да бир палах барды?, деп, уугъа да бармай, къошда къалгъан эдиле. Кичи жашны къараучу жерге жиберген эдиле. Ол барып, кесини эрттеден шагъырей болгъан, уллу бутакълы терекге минип къарагъанында, уллу аскер жетип келе эди. Жаш, эрлай тюшюп, артха къууулуп барып, аскерни келген хапарын айтханды. Олсагъат уруш кереклерин, шкок от, окъ тапханларын бир да къоймай къараучу жерге элтген эдиле. Хазырланып, аскерни аллын сакълай эдиле. Аскерни бек аллында ханны жашы келе эди. Къарындашла жетиси да шкок атаргъа жатхан эдиле. Фатиматчыкъ а алагъа керекли затны тапдырыргъа хазыр эди. Къарындашла аскерни, халкъны къырмаз ючюн, къан тёкмез ючюн, ёлтюрмез ючюн: ?Тохтагъыз, келмегиз, келсегиз да урлукъбуз?, деген магъанада, тамата къарындаш кёкге атдыргъан эди. Шкок атылгъан бла, асыры къоркъгъандан ханны жашыны къолундан тюшген эди, аскер да тохтагъан эди Ханны жашы аскерни арт жанына барып:

- Хахай, алгъа! - деп къычыра эди. Кеси да къоркъгъандан жеринден тепмей эди. Ол заманда аскер тебиреди, къарындашла жибермезден болдула. Уруш башланды.

Ханны жашы алгъаракъ секирип:

- Ой аманла, къан берип, къан алыу! - деп, халкъны алгъа къозутуп, кеси артха къачаргъа умут этгенлей, кичи къарындаш садакъгъа узалып:

- Да халкъны энтда да бир алда, - деп, атып тюз да мангылайындан уруп, атдан чюелтген эди. Аскер не бир да аямай кюрешсе да жерге бауурланып илишанлагъан жигитле аскерден бир къауумун къыргъан эдиле.

Аскерни къайтып келгенин кёргенде, хан эм аны къатыны ?къарындашланы, Фатиматны хорлап, ёлтюрюп келедиле?, деп, къууаннган эдиле. Алай, седиреген аскерни кёргенде уа, къууанчлары жиляугъа бурулгъан эди

Элде уллу бушуу болуп бир ыйыкъ тургъан эдиле Элде кёплени юйюне къан жаугъан эди. Кёплени юйюрлери жангыз кишилери, жангыз жашлары ёлюп, кёпле жиляу болгъан эдиле.

Къарындашла да, бир жиягъы айча, бир жиягъы кюнча жарытхан Фатиматчыкъны да сыйлы эгеч этип, уллу агъачны ичинде ариу талада ашап, жашап къалгъандыла.
21.02.2009 11:46:29, Рамла.]]> http://www.elbrusoid.org/forum/archive/messages/forum129/topic14900/message1069037/ http://www.elbrusoid.org/forum/archive/messages/forum129/topic14900/message1069037/ Sat, 21 Feb 2009 08:46:29 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Малкъар халкъ джомакъла

ФАТИМАТ

Эртте, бурун заманлада, бир элде бир ханны къатыны болгъанды. Ол къатын бир кюзгюге къарагъанды да:

- Дунияны башында менден ариу болурму? - дегенде, кюзгю артындан бир зат:

- Да сенден ариу а Фатимат деп ёксюз къыз барды; аны бир жиягъы айча, бир жиягъы уа кюнча жарытады, кеси да бу элде жашайды, - дегенди.

Ол ханны уа бир къуртхасы болгъанды да, ханны къатыны къуртханы чакъырып:

Бу элде бир къыз барды, ол къызны дуниядан къалай бла къоратайыкъ? Бир амал тап, - деп къысханды.

Къуртха:

- Да сен энди ?къыйын ауруйма? деп жат. Дарман дерле, сен а къуртхагъа айтыгъыз дерсе, ала манга келселе мен а: ?Бу элде Фатимат деп бир жиягъы айча, бир жиягъы кюнча жылтырагъан бир ёксюз къыз барды да аны къанындан бир тамычы келтирип ичирсегиз, сау боллукъду? десем, ала аны къоратырла, деп къуртха ол аман акъылны жарашдыргъан эди.

Ханны къатыны къыйын ауруйду, ёледи деп хапар чыкъды. Да дарман деп излегенлеринде, дарман устагъа къуртханы чакъыргъан эдиле.

Къуртха:

- Бу элде бир жиягъы айча, бир жиягъы кюнча жана, Фатимат деп ёксюз къыз барды да, ол къызны кесип, къанындан бир тамычыны келтирип ичирсегиз, сау боллукъду, - деди. Олсагъат хан къарауашларына элде ит ёлтюрюучюлени табаргъа, чакъырыргъа деп, буйрукъ береди.

Ит тутуучуланы чакъырдыла. Алагъа: ?Бусагъатдан ол айтылгъан къызны, Фатиматны кесип, къанындан бир тамычыны алып, келирге?, деп буюрду.

Ала терк окъуна элге жайылып, Фатиматны табып, элден бир жанына чыгъардыла. Фатимат бир зат да билмей эди. Ол къызчыкъны бетини нюрю асыры ариу тёгюлгенинден, ол асыры бек ариу жарытхандан, ала аны ёлтюрюрге кёзлери къыймай, Фатиматха былай айтадыла:

Да биз сени ёлтюрюрге келтиргенбиз, алай биз сени былайда ёлтюрмей къоябыз.

Экинчи бу элге, бу журтха келсенг а, сенден да жокъ бизге хайыр, бизден да жокъ санга хайыр, дегендиле.

Фатимат:

- Да сау болугъуз, сиз манга аллай бир жазыкъсындыгъыз эсегиз, бир да къоркъмагъыз, мен бу журтха аягъымы басдырмам, - деп, жол кёл алып кетди.

Ол да элден чыгъып кетгенлей, ит тутуучула олсагъат бир итни уруп ёлтюрюп, къанындан тамычы ол къатыннга элтген эдиле. Къатын къан тамычыны жалайды, къызны къаны сунуп:

- Ох, ох, - деп ахсынды. Еледи деп ауругъан къатын олсагъат окъуна сау болду.

Фатимат алайдан кетип, узакъ жол бара кетгенден сора бир уллу агъачны ичинде, бир ариу ёзенде, асыры кийик тюкден туман басханлай болуп, къошларыны башы да кийик териле бла жабылып, жети да къарындашны къошларына тюшген эди. Аны кёргенде, къарындашла бары бирден:

- Ма Аллах бизге эгеч берди, - деп Фатиматны сыйлы эгеч этип, къучакъладыла. Жети да къарындашны уа кеслери бла итлеринден сора, бир затлары жокъ эди. Алтысы алты итни да алып, уугъа кетиучю эдиле, кичи къарындаш а Фатиматха къарай, юйде къалыучу эди.

Бир кюн, ала да алай уугъа кетгенлей, Фатимат жети тюкеннге да кирип айланып, излеп бир ариу къумач табып, андан жетисине да башдан аякъ кийим этгенди. Да, ингирликде, кийимлерин алып, кеси да омакъ кийинип, къарындашларыны алларына баргъанда, асыры ариудан къарындашлары къыйналып таныгъан эдиле. Кийимле жашла-ны барысына да ёнчелеп этгенча болгъандыла. Барысы да кийимлерин кийгендиле. Фатиматны асыры бек сюйгенден ингирде уудан келселе: ?Фатиматха ким алгъа?, деп чабъш, къучакълаучу эдиле.

Ол быстырланы алай ариу этгенли уа бютюн да бек сюйюп, бютюн уллу тансыкълай эдиле. Алай, кёп заман тургъандан сора, биягъы ханны къатыны кюзгюге къарап:

- Ох, дунияда менден ариу болурму? - деп соргъанда, биягъы кюзгюню артындан бир таууш:

- Да сенден ариу бир барды, сабийликден окъуна бир жиягъы кюнча, бир жиягъы айча жарытхан бир ёксюз

къызчыкъ Фатимат деп, кеси уа уллу агъачны уллу ёзенде жети да къарындашха эгеч болуп турады, - деп жууаплагъанды.

Сора ханны къатыны къуртханы чакъырып, ачыуланып:

- Алыкъа да биягъы къыз ёлмегенди. Ма ол жерде жети да къарындашха эгеч болуп турады, - дегенинде, къуртха аны дуниядан къоратмай, экинчи бери къайтып келмезге айтып, чыгъып кетди. Къуртха, къарт къатын сыфатлы болуп, бара-бара кетгенди да ол къыз жашагъан жерлеге жете болурма, деп ишекли болгъанда, отунчукъла жыйгъан кибик эте баргъанлай, уугъа бара тургъан къарындашлагъа тюбегенди. Ортанчыларыны ити чабып, къуртханы таларгъа башлагъанды. Ортанчы айтханды:

- Таларгъа къоюгъуз, мени итим хатасызгъа тиймеучюдю дегенди, алай болгъанлыкъгъа, итни айырып, таларгъа къоймагъандыла. Къалгъанлары айтханларына ол да боюн салгъанды. ?Ма аллах бизге ана берди? деп, аягъын жерге жетдирмей, юйге элтген эдиле.

Къарындашла биягъы Фатиматны биягъыча сыйлы кёрюп, къууанып, жашай эдиле. Къуртха къатын Фатиматха бир аман зат къапдыргъанды. Фатимат артына аугъан бла ?энди ёлдю? деп, къууанып, ханны къатынына барып хапарын айтханды.

Ханны къатыны да къууанч этип, къуртха алай мажаргъаны ючюн, къуртханы жарагъанча ашатып, ичирип, жиберген эди. Бир белек заман жашагъандан сора ханны къатыны биягъы кюзгюге къарап:

- Дунияны башында менден ариу жан болурму? - дегенде, кюзгюню артындан бир зат:

- Да сенден ариу уа бир барды: сабийликден окъуна бир жиягъы айча, бир жиягъы да кюнча жылтырагъан ёксюз къызчыкъ, уллу агъачны ичинде ариу талада жети да къарындашха да эгечлик этип турады, - деп жууаплагъанды.

Ханны къатыны, ачыуланып, жюреги атылыргъа жетип, къуртхасын чакъырып:

- Сен ол къызны энтда да ёлтюрмегенсе, аны ёлтюрмей жашау жокъду! - деп къычырыргъа къалгъанды. Ол заманда къуртха:

- Не ёлюрме, не аны ахырын этерме, - деп, биягъы жерге тебиреген эди.

Биягъы къуртха эрттенликде, къарт киши сыфатда кийинип, къарындашланы уугъа барыр жолларъшда жетип, алайда тохтагъанды. Жол жанында жонгурчха жыйгъан кибик эте тургъанлай, анга къарындашла,бек кичилерин да юйде къоюп, уугъа бара тургъанлай, анга тюбегендиле. Ортанчыларыны итлери талап тебирегенди. Ортанчы: ?Эй, талама къоюгъуз , мени итим хатасыз адамгъа тиймеучюдю?, - деп къычыргъанды. Бирсиле уа, чабып, итни къыстап:

- Ма аллах берди, ата тапдыкъ, - деп къууанып, кеслерини биргелерине юйге элтгендиле. Эрттенликде къошну тёбен жанында бир оюлгъан жерчиги бар эди да, аны да ишлеп чыкъгъан эди. Да андан сора жашла бютюн да уллу къууаннган эдиле.

Бир кюн къартха ?Фатиматха да иги къарай тур? деп, кетген эдиле. Ала да уугъа озгъанлай, къуртха, ол Фатиматланы къатларында жашаучу къарт кибик, кесин алай сундуруп, Фатиматха:

- Сен мени танымаймыса, къызым? Мен ол сизни къатыгъызда жашаучу акъ сакъаллы кишиме да. Кел, юйге кетейик, мында нек тураса? - деп къызны алдап тебирегенди.

Ол кюн болмаса уа кичи жашны жаратылгъанлы аллындан кийик атламагъан эди. Алай, ол кюн а тюз да аллындан бир кийик къачып чыкъгъан эди. Кийик да къача, кичи къарындаш да къууа, уллу сыртладан ауа, уллу къолладан ёте, терен агъачха киргендиле. Кичи къарындаш аны, шкок бла да атмай, къууа кетип, агъач ичинде жетип, арт аягъындан тутханды. Жаралы болгъан кийикни, сыртына кётюрюп уллу агъачны ичинде бир гитче жолчукъ бла бара тургъанлай, бир адам аякъ таууш эшитип, кийикни да алай жатдырып, шкокну ичине да окъ салып, хазыр болуп тохтагъанды. Ол да алай тохтагъанлай, Фатиматчыкъ бла ?къарт аталары? инчге жолчукъгъа чыкъдыла. Алайгъа дери алда къуртха келген эди, алайда уа: ?Энди урайым да ёлтюрейим?, деп, артына ётген эди.

Аланы кёргенде, кичи къарындаш уллу сейирге къалгъанды Аланы аны тап иш болмагъанын жюреги ангылап, илишаннга къуртханы мангылайын тутдургъанды. Къуртха бетин да алгъасындырып: Фатиматны ёлтюрейим деп, къолуна бир уллу къазыкъ алгъанды. Сора урургъа къазыкъны ёрге кётюргенлей, къуртханы эрттеден илишаннга алып тургъан кичи къарындаш сампалдан басып, къызны ургъунчу къуртханы къаплагъанды. Билмей тургъанлай садакъ атылгъаннга Фатиматчыкъны да кюнча жаннган бетчиги, асыры къоркъгъандан акъ къагъытча агъаргъанды. Олсагъат кичи къарындаш кийикнн да алъш, жолгъа тюшюп, Фатиматчыкъны къатына баргъанында, Фатимат аны танып, къаты къучакълагъанды.
21.02.2009 11:44:17, Рамла.]]> http://www.elbrusoid.org/forum/archive/messages/forum129/topic14900/message1069036/ http://www.elbrusoid.org/forum/archive/messages/forum129/topic14900/message1069036/ Sat, 21 Feb 2009 08:44:17 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Эльберлени жауаплары:

1. Ётмек туурам. 2. Сюрме. 3. Сагъат. 4. Кёл. 5. Къапхан. 6. Кёк кюкюреген. 7. Тил. 8. Сохан. 9. Бузлатма. 10. Дауурбас. 11 Харбыз. 12. Назы. 13. Ауана. 14 Экскаватор. 15. Юрта. 16. Оймакъ. 17. Бёрк. 18. Къыпты. 19. Кёпюр. 20. Ай. 21. Ётмек. 22. Къол чыракъ. 23. Хораз. 24. Къапхан. 25. Тюлкю. 26. Кирит.
18.01.2009 16:33:12, Бейбарс.]]> http://www.elbrusoid.org/forum/archive/messages/forum129/topic14900/message1069035/ http://www.elbrusoid.org/forum/archive/messages/forum129/topic14900/message1069035/ Sun, 18 Jan 2009 13:33:12 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
а тюз джууабла??
18.01.2009 14:03:49, Рамла.]]> http://www.elbrusoid.org/forum/archive/messages/forum129/topic14900/message1069034/ http://www.elbrusoid.org/forum/archive/messages/forum129/topic14900/message1069034/ Sun, 18 Jan 2009 11:03:49 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
БЫЛЛЫМНЫ БЕРЕМЕ,
БИЛ ДА
(Элберле)

1

Сабанда ол жаш эди,
Сары къылкъыбаш эди.
Энди уа, жау жагъылып,
Турады сени сакълап.
Ач къалады жагъынлы,
Билесе да? Уллу къап!

2

Къангадан
Къайишлик сыдырады,
Къайишни,
Юзмелтнича, бурады.


3

Мен барама, барама,
Зынгырдайма, урама.
?Къоп! ? дейме, ? кеч къаласа.
? Жат! ? дейме, ? нек тураса.

4

Баш тёбен ёседиле
Терекле.
Булутла жюзедиле
Теренде.

Баш эниш турадыла
Къаяла.
Къыш желле урадыла,
Толкъунла боладыла
Мияла.

5

Юрмейди, чапмайды.
Тиймесенг ? къапмайды.
Шынжыркъуйрукъ, темиртилди,
Быллымны береме, бил да!

6

Бугъа, бугъа, бугъады,
Булутлада бугъады.
Ачыуланса ёкюреди,
Къаяланы тепдиреди.

7

Кече, кюн да
Ол аузунгда ючюннге,
Не кюрешип,
Жуталмазса ичинге.

8

Жети къат кийим кийип,
Жатады къашын тюйюп.
Тешиндирсенг ? чабады,
Кёзлерингден къабады.

9

Омакъ кюбюр, акъ кюбюр.
Ичи да къырпакъ кюбюр.
Кштикчикча мурулдай,
Сагъая да, хурулдай.

10

Биз шошлукъну жауубуз,
Биз шошлукъну дауубуз.
Эки къашыкъ, бир табакъ ?
Ёребизге дауурбуз.

11

Шай чыгъармай бохчадан,
Алып келдим бахчадан.
Тоюп да ? тоялмадыкъ,
Къоюп да ? къоялмадыкъ.

12

Жаз да, къыш да бир кибик,
Жашил жыйрыгъын кийип,
Ёсдю, желге жубанчха.

Жангы жылгъа, жасанып,
Башында жулдуз жанып,
Келди, бизге къууанчха.

13

Билчи, бу не эсе да:
Кет! ? дейме да, кетмейди.
Айтханымы этмейди,
Этгеними этсе да.

14

Таш, топуракъ кётюре, ?
Эй, къатындан кери бол! ?
Жер къазады, ёкюре,
Къутургъан бугъача, ол!

15

Мюйюшю жокъ, юй эсе да.
Жокъ жангыз терезеси да.
Жокъ чорбаты, чардагъы да,
Акъ сюртюлген ожагьы да.

16

Бир, эки, юч, тёрт, ?
Беш бармакъгъа ? бир бёрк.

17

Къыш кюн башынгдан тюшмез,
Жаз кюн эсинге тюшмез.
Ол алгъын къоян эди,
Быхыдан тоя эди.

18

Эки эрин, эки кёз,
Юч ёнчеле, бир а ? кес.

19

Ой, тамаша, ой, тамаша-сейирлик,
Ой, сейирлик, ой, сейирлик-тамаша!
Бир жагъадан башхасына секирип,
Уюп къалды суу башында алаша.

20

Кюндюз ? кюмюш,
Кече ? алтын.
Айтчы манга
Аны атын!

21

Сабанда битдим,
Саргъалдым, жетдим.
Къалауур къоруп,
Сабанчы оруп,
Заводха тюшдюм,
Ийлендим, бишдим.
Тюкенчи сатды,
Сен а татдынг
Жау жагъып,
Бал жагъып!

22

Кюн таягъы ? къолумда,
Бек жарайды жолумда.
Ёчюреме, жандырама,
Аллымы кёрюп барама.

23

Къынасакъал кишичик,
Бир ёхтем жюрюшлючюк.
Ол къычырмай, танг атмаз,
Къарангы къачып букъмаз.

24

Ит кибик чабарча,
Жокъдула аякъларым.
Алай а къабарча,
Бардыла жаякъларым.

25

Хыйлачыды мардасыз.
Келсе, кетмез хатасыз.

26

Ит тюйюлме,
Тагъылып тургъанлыкъгъа,
Аны кибик
Къалауур болгъанлыкъгъа.

1980[i][/i]
17.01.2009 22:57:26, Бейбарс.]]> http://www.elbrusoid.org/forum/archive/messages/forum129/topic14900/message1069033/ http://www.elbrusoid.org/forum/archive/messages/forum129/topic14900/message1069033/ Sat, 17 Jan 2009 19:57:26 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Сабийлеге джараулу элберчикле джазылсала бир иги боллукъ эди былайда.
17.01.2009 21:31:21, Акъыллычыкъ.]]> http://www.elbrusoid.org/forum/archive/messages/forum129/topic14900/message1069032/ http://www.elbrusoid.org/forum/archive/messages/forum129/topic14900/message1069032/ Sat, 17 Jan 2009 18:31:21 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Аламат назмучукъла.
13.01.2009 00:30:38, Девушка Гор.]]> http://www.elbrusoid.org/forum/archive/messages/forum129/topic14900/message1069031/ http://www.elbrusoid.org/forum/archive/messages/forum129/topic14900/message1069031/ Mon, 12 Jan 2009 21:30:38 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
ГЫЛЛЫУ-ГЫЛЛЫУ ГЫЛЛЫУЧА
(Тилбургъуч азбука)


А

Алакъайым ? солакъай,
Атдан кетди Алакъай.
Анасы жарсып жетди,
Атасы айып этди.


Б

Бодуркъу-дуркъу-дуркъу,
Бахчабызда ? бодуркъу.
Батырбийни къоркъутду,
Быхыланы къоруду.


В

?В?-гъа сёз кёп изледим:
?Вовачыкъ, сен айт?, ? дедим.
?Вертолёт?, ? деди тенгим,
?Вездеход?, ? дедим кесим.

Г

Гыллыу-гыллыу гыллыуча,
Гылыучукъ айгъа уча.
Гылыу тишхан ? гудуда
Гыллыланы гумуда.


Д

Дуркъу-дуркъу-дуркъучукъ,
Дауутчугъум ? доп-допчукъ.
Дерследе да тохтамаз,
Дауумхан да хорламаз.


Е Ё

Ётюрюкню кёзю кёп,
Ётюрюкню сёзю кёп:
Ёгюз, дейди, ичди кёкню.
Ёртен, дейди, алды кёлню.


Ж

Жиляйды жиляуукъ,
Жалайды жилямукъ,
Жангыдан жиляйды.
Жангыдан жалайды.

З

?Зынгыр-зынгыр-зынгыр? этди,
Заманны айтды сагъат.
Зауурчукъну ?чыгыр? этдим,
Зурумчукъ анга шагъат.


К

Киштикчик неге жарайды?
Киштикчик чычхан марайды.
Кирпичик неге жарайды?
Кирпичик таракъ тарайды.


Къ

Къаргъачыкъла къарадыла,
Къычырыкъдан къырадыла.
Къарт къаргъа уа къутурады:
?Къакъ, къакъ, къакъ!? ? деп къычырады.


И Й

Ийнал ийнегин сатды,
Ийнакъ ийнесин сатды.
Ийнени Ийнал алды,
Ийнекни Ийнакъ алды.

Л

Лейлячыкъ лёкъум ашайды,
Локъманчыкъ лёкъу ашайды.
Лейля тойду лёкъумдан,
Локъманчыгъ'а ? лёкъудан.


М

Метеке-теке-теке,
Махтанады метеке:
?Мюйюзлерим! ? дейди ол, ?
Мен текеме, мен ? теке!?


Н Нг

Нал, нал, нал тапдым,
Наныкъ къапдым, бал къапдым.
Налны атдым туманнга,
Назму айтдым мен санга.


О

Ой, орайда, орамда,
Ой, орайда, ой, ой!
Ол орамда, орайда,
Ой, орайда ? той, той!

П

Пахатчыкъ ? агъач уста,
Пахатха ? пиринч баста!
Пашагъа уа ? хобуста, ?
Паша оноугъа уста.


Р

Рама-рама-Рамазан,
Рамазан ? сыра къазан.
Рашидге чурукъ тикген,
Радимге уюкъ тикген.


С

Самат сыртха къарады,
Сегиз ёгюз санады.
Сыртха гуду къарады, ?
Семиз ёгюз марады.


Т

Тауукъчукъ багуш къаза,
Тюлкючюк ачдан аза.
Тюлкючюкню сюймейдиле,
Тауукъчукъгъа иймейдиле.

У

Уркъуятны урчугъу,
Узун уууртлучугъу.
Унухну уа ? улагъы,
Ургъуй къапхан къулагъы.


Ф

Филляучукъ, Фаризатчыкъ да,
Фазийчик, Фатиматчыкъ да
Фермагъа сюйюп баралла,
Фердауусха болушалла.


X

Хасанны кёрдю кючюк,
?Хап-хап!? ? деп юрдю кючюк.
Хоразчыкъ да къычырды,
Хычыярны къачырды.


Ц

Цирк келгенди! Атам бла
Циркге барлыкъма тамбла.
Цораланы Асланбек,
Циркге бармаймыса? Нек?!
Ч


Чыпчыкъчыкъ ариу жырлайды,
Тишханчыкъ тары урлайды.
Чиллаягъ а жагъада
Чабакъчыкъламы марайды?


Ш Щ

Шарапчыкъ, буштукъ Шарап
Щётканы кёрмез къарап.
Шоколадны уа букъдур,
Шарап тапмаз деп бир тур!


Ы

Ыргъакъны суугъа атдым,
Ыргъай тутуп, къууандым.
Ычхынды да ыргъакъдан,
Ызындан къарап къалдым.


Э

Эртте биреу бар эди,
Эмен тнреу бар эди.
Эмегеннге эн салгъан,
Элбуздукъ деу бар эди!

Ю

Юзе, Юзе, Юзейир,
Юзейирчикди сейир.
Юзмезден юй къалайды,
Юйню уа суу талайды.


Я

Яникойда, ой, ой!
Яникойда ? той! той!
Якъупчукъ Яникойда
Яра тепседи тойда.
09.01.2009 00:52:01, Бейбарс.]]> http://www.elbrusoid.org/forum/archive/messages/forum129/topic14900/message1069030/ http://www.elbrusoid.org/forum/archive/messages/forum129/topic14900/message1069030/ Thu, 08 Jan 2009 21:52:01 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Сабий булжутуула

Гагу, гагу, гагула,
Гагу такъгъап тыбына.
Тыбынаны табайыкъ, -
Ким озады - чабайыкъ!

Сюпю, сюпю, сюпюляй,
Сют ичмеген Кыртылай.
Кыртылайны утайыкъ,
Къаймакъчыгъын жутайыкъ.

Юлкю, тюлкю - бир белек,
Юлкю ичинде тёгерек.
Тегерекни неси бар,
Кёремекни эси бар!

Къая башы - къалала,
Уясында - балала.
Балалагъа къурт керек,
Адамлагъа журт керек.

Кели бла телиде
Гыржын да бар, сез да бар.
Кёп ашагъан - келиди,
Кёп жаншагъан - телиди.

Чапа, чана, чанала,
Чана сюйген танала.
Учалмагъан - чабалмаз,
Чабалмагъан - терк бармаз
08.01.2009 23:28:12, Рамла.]]> http://www.elbrusoid.org/forum/archive/messages/forum129/topic14900/message1069029/ http://www.elbrusoid.org/forum/archive/messages/forum129/topic14900/message1069029/ Thu, 08 Jan 2009 20:28:12 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Бейбарс
Ангыламагъан джерим джокъду. Джангы назмуларыгъызны сакълайбыз!
08.01.2009 01:49:01, Девушка Гор.]]> http://www.elbrusoid.org/forum/archive/messages/forum129/topic14900/message1069028/ http://www.elbrusoid.org/forum/archive/messages/forum129/topic14900/message1069028/ Wed, 07 Jan 2009 22:49:01 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Таула Къызы,

Какаларынг кёпдюле,
Санайма да - тёртдюле.

Сен несин ангыламайса? Кака - аякъ.

Шимир деген сёзгеми экилисе? Шимир - адыргъа къатхан эски кир.

Ангыламагъан жеринги мен ангыларча бир айт.
08.01.2009 01:29:44, Бейбарс.]]> http://www.elbrusoid.org/forum/archive/messages/forum129/topic14900/message1069027/ http://www.elbrusoid.org/forum/archive/messages/forum129/topic14900/message1069027/ Wed, 07 Jan 2009 22:29:44 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Тёгерекде ариу къар джаугъанды. Тюз да тереземи тюбюнде хоншу сабийле чналарын алыб ары-бери джолну барадыла. Аланы кёргенимде бу назму тюшдю эсиме:

Мен чаначыкъ, чаначыкъ,
Къарда, бузда учама,
Чёрчек сабий минсе уа,
Джыгъылыб да къалама.

Бек тиклени сюймейме,
Тама къызыб кетеме,
Тыялмайма кесими,
Хатала да этеме.

Cуу джагъада, къабхакъда,
Мине турмагъыз манга,
Къардан, буздан да ётюб,
Ёчме суугъа чынгаргъа.

Таб джерледе минсегиз,
Мен да джууаш болама,
Къайры салсагъыз да джол,
Эринмейин барама.
(Магаяланы-Гапполаны Аминат)
07.01.2009 16:45:38, Девушка Гор.]]> http://www.elbrusoid.org/forum/archive/messages/forum129/topic14900/message1069026/ http://www.elbrusoid.org/forum/archive/messages/forum129/topic14900/message1069026/ Wed, 07 Jan 2009 13:45:38 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Какаларынг кёпдюле

))) сабийнида аз тюйюлдюле))))
03.01.2009 23:19:06, Мансур.]]> http://www.elbrusoid.org/forum/archive/messages/forum129/topic14900/message1069025/ http://www.elbrusoid.org/forum/archive/messages/forum129/topic14900/message1069025/ Sat, 03 Jan 2009 20:19:06 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Девушка Гор
Сизден атала-анала юлгю алсала, джангы ёсюб келген тёлю тилин унутурукъду деб, киши къоркъмазча боллукъ эдик.
)) а я наоборот с ним на русском говорю) пока он тут в КЧР он научится карачаевскому ... тем более анам бла къарт анам бла бирге джашайма, орусча да юренсин излейме иги юренсин... артта иншаАллах арабча юретирикме иншаАллах арабны кесинде))
а бу назмучукъланы эшитирге бек сюеди) хар сабийча наверное и бу джуу джуу джуаланы айтсам прямо ышарыб кюлюб ))) короче бек къуанады)
03.01.2009 23:17:25, Мансур.]]> http://www.elbrusoid.org/forum/archive/messages/forum129/topic14900/message1069024/ http://www.elbrusoid.org/forum/archive/messages/forum129/topic14900/message1069024/ Sat, 03 Jan 2009 20:17:25 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Бейбарс
Айыб этмегиз, бир-бир тизгинлеригизни ангылаялмадым, 3-4 тизгин бла 5-6 -ны. Сабийлеге азбар этдирирча къой, аллай сёзлени аланы къатларында айтмазчадыла. Башха тюрлю джазаргъа боллукъ тюлмюдю?
03.01.2009 21:37:34, Акъыллычыкъ.]]> http://www.elbrusoid.org/forum/archive/messages/forum129/topic14900/message1069023/ http://www.elbrusoid.org/forum/archive/messages/forum129/topic14900/message1069023/ Sat, 03 Jan 2009 18:37:34 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
ЭЧКИЧИК

1

Эчкичигим, эчкичик,
Мюйюзлеринг ? экичик.
Какаларынг кёпдюле,
Санайма да ? тёртдюле.

Тёртюсю да кирчикле,
Кирчикле, шимирчикле.
Сакъалынг а бирчикди,
Ол да, ол да кирчикди.

2

Эчкичигим, эчкичик,
Жюн тончугъунг ? эскичик.
Тончугъунгу тешейим,
Жюн кёлекчик эшейим
Эки къашыкъ сютчюкге:
Сют керекди кючюкге.


Ёлмезланы Мурадин
03.01.2009 21:32:24, Бейбарс.]]> http://www.elbrusoid.org/forum/archive/messages/forum129/topic14900/message1069022/ http://www.elbrusoid.org/forum/archive/messages/forum129/topic14900/message1069022/ Sat, 03 Jan 2009 18:32:24 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Мансур
теперь бы выучить хоть какой вариант...
Сизден атала-анала юлгю алсала, джангы ёсюб келген тёлю тилин унутурукъду деб, киши къоркъмазча боллукъ эдик.
03.01.2009 20:58:04, Девушка Гор.]]> http://www.elbrusoid.org/forum/archive/messages/forum129/topic14900/message1069021/ http://www.elbrusoid.org/forum/archive/messages/forum129/topic14900/message1069021/ Sat, 03 Jan 2009 17:58:04 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Сэстренка
Девушка Гор
сау болугъуз) Аллах разы болсун)))
теперь бы выучить хоть какой вариант...

я вот такие варианты нашёл:
ДЖЮУ-ДЖЮУ-ДЖЮУ АЛА
(Биринчи вариант)

Джюу-джюу-джюу ала,
Эки чычхан суу ала,
Амма боза бишире,
Акка кийик тюшюре.
Босагъадан абына,
Сакъалчыгъы къабына,
Тамбласы, бюгюннгюсю,
Таугъа кетди дыгъы этерге Чибиниси
Дыгъы-дыгъы-дыгъы-дыгъы-дыгъы!





ДЖЮУ-ДЖЮУ-ДЖЮУ АЛА
(Экинчи вариант)

Джюу-джюу-джюу ала,
Эки чычхан суу ала,
Амма боза бишире,
Акка кийик тюшюре.

Ит къабханд да, ёлеме,
Хан къузлукъгъа барама,
Кюнде айланыб, кюеме,
Кюмюш тюйме тюеме,
Сени бир бек сюеме.

тут же на сайте Эльбрусоида и нашёл
03.01.2009 20:32:29, Мансур.]]> http://www.elbrusoid.org/forum/archive/messages/forum129/topic14900/message1069020/ http://www.elbrusoid.org/forum/archive/messages/forum129/topic14900/message1069020/ Sat, 03 Jan 2009 17:32:29 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Мансур
Джуу джуала эки чычхан суу аланы бир айтыгъыз как там дальше было...
Эсиме тюшюрелмейме, китабда джазылгъанча джазайым да, сора къарт анамдан билиб джазарма. Мени эсимде къалгъан сёзле "Къази...келеме, ит къабханд да ёлеме..." былайда джокъдула.
Джуу, джуу, джуу ала,
Эки чычхан суу ала,
Амма боза бишире,
Акка кийик тюшюре,
Босагъадан абына,
Сакъалчыгъы къабына,
Дыгъы-дыгъы-дыгъы-дыгъы этейим,
Сени бирчик тепсетейим!
Тюзюн айтсам, быллай вариантны кесим да биринчи кере эшитеме, алай а, къайда эсе да джюрюй болур джазылгъан эсе.
Джамагъат, билген бар эсегиз болушугъуз.
03.01.2009 20:21:37, Девушка Гор.]]> http://www.elbrusoid.org/forum/archive/messages/forum129/topic14900/message1069019/ http://www.elbrusoid.org/forum/archive/messages/forum129/topic14900/message1069019/ Sat, 03 Jan 2009 17:21:37 +0000 - ЗФ - Детский раздел Сабийлеге къонакъгъа, келгендиле джомакъла!!! в форуме - ЗФ - Детский раздел.
Джуу джуала эки чычхан суу аланы бир айтыгъыз как там дальше было...
03.01.2009 19:25:37, Мансур.]]> http://www.elbrusoid.org/forum/archive/messages/forum129/topic14900/message1069018/ http://www.elbrusoid.org/forum/archive/messages/forum129/topic14900/message1069018/ Sat, 03 Jan 2009 16:25:37 +0000 - ЗФ - Детский раздел