http://www.elbrusoid.org Новое в теме АТА джурт ючюн, АНА тил ючюн - ХАЛКЪ ючюн! форума на сайте Портал Эльбрусоида [www.elbrusoid.org] ru http://backend.userland.com/rss2 Sun, 10 May 2026 18:16:01 +0000 АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Бу назмуну Норвегияны белгили джазыучусу, поэти Эрлинг КИТТЕЛЬСЕН джазгъанды. Назму бизни юсюбюзден болгъаны себебли, мен аны ана тилибизге кёчюргенме. Bilal LAYPAN

Erling Kittelsen. KAUKASUS
Эрлинг Киттельсен. КАВКАЗ

97

Кюнден толу къачхы джарыкъ
Эски къалагъа тийиб алгъа,
Андан да ? къая башындан ?
Барсча тигелей келиб,
Ачыкъ къабакъ эшикле бла
Ара шахаргъа кирди да,
Аз-аз кёлюн джарытды
Сакълагъан халкъны къарангыда.

98

Кавказ мийик таулары бла
Кюн джылыуну тыяды да,
Хар келгенни, байрамгъача,
От джагъасына чакъырады;
Тейри онг берсин хан къонакъгъа ?
Келалгъаннга от алыб,
Мийик кёкден, къарангыдан.

99

Къыбыладан, шималдан да тёгюлген
Сейир джырлагъа къулакъ салыб,
Къара тенгизни джагъасында
Джашил таулада уяларындан
Къанатлыла, къанатланыб,
Кёлтюрюлдюле да ёрге,
Кёк шошлукъгъа ташайдыла.

100

Кёк тахтасындан къарай джерге,
Къанатлыла келтирген макъамгъа да тынгылай,
Джер джюзюнде аны адамлары
Не этгенлерин да ангылай,
Аны кёзю-къулагъы болгъан къанатлы джыйынны,
Джангы борч салыб, ашыра ызына,
Джокъдан джукъ эте, сынайды Тейри.

101

Дуния сёлешеди Табигъатны,
Къадарны хакъындан неда
Бир бош затны юсюнден ?
Адамны Узайгъа учханы дегенча;
Дуния малны, дуния сёзню сюрюб,
Умут этедиле сатыб алыргъа
Дунияны, ахыратны да.

102

Игилик кетгенинде, аманлыкъ тамыр ийди,
Инсанны джюрегин, джанын да къуу эте.
Кёкге джууукъ къанатлылагъа да, аланы джырларына да
Киши эс бурмады. Сюрюлген джер,
Къабугъу сыдырылгъан терекча,
Ёзюню теренинден тауушсуз къычырыкъ этди, тилек этди,
Алай а, халкъ ?амин? дей билмегени себебли,
Тилеги къабыл болмай къалды.

103

Уллу Раманы тахтагъа чыкъгъан
Кюнюн байрамлай тургъанлай халкъ,
Патчах, джорукъну бузуб,
Джыйылгъанланы да мыдах эте,
Кичи юй бийчесини сёзюне тынгылаб,
14 джылгъа Элден къыстады аны ?
Чегетде джашаргъа буюрду;
Сита сюйгени да аны бла кетди.
Къарнашы да айырылмады андан.
Къалабалыкъны унутдурду шошлукъ.

104

Ала къурман этген зат бары ?
Отда джауча кюйдю,
Балча эриди кюн тюбюнде;
Къадарны алгъыш аягъына келишмеди -
Бошуна чачылды, тёгюлдю:
Къадарны алдаргъа этилген къурманлыкъ
Къабыл къалай болур?

105

Тейриге джууукъ болабыз деб,
Къаядан чынгагъан насыбсызла да,
Къанатлылачамы учаллыкъ эдиле?
Алданнган, къарангы джахилле
Къалай боллукъ эдиле Кёкге джууукъ?
Аланы джанлары айланадыла энтда
Джансыз Айны учуб тёгерегине.

106

Чыгъышдан келген тин
Къаджар тилде айта назмусун,
Шын тургъан атха ушаш таулада
Къанатлы макъамланы эшиталмады;
Джангыз къанатлы джыйын
Кёк бла джерни чегинде
Ол ангыламагъан тилде джырлай эди.

107

Джаз аздандан башланады,
Алай а, ол бурулур ючюн джазыугъа,
Кёл тенгизни акъджал токъунлары
Шын туруб, Унух файгъамбарны кемеси тохтагъан,
Тау тёппелени къарларын джалаб,
Гималайча мийикден,
Ызларына эниб, рахатланыб,
Назму тизгинлеге бурулуб,
Керекдиле тохтаргъа ёмюрге.

108

Къауум ? джангыздан кючлюдю,
Алай а, джангыз тюзлюк бла болса,
Тейри адамына бурулады ол ?
Тейри аны джанында болады да,
Къауумдан кючлю болады джангыз.
Аны джолун джарытады джулдуз,
Къазакъ бёрю да къошулады анга ?
Къарангы тыялмайды атарын тангны.

109

Рама, джюрегинде къайнай тургъан от
Тышына къуюлады деб да къоркъа,
Джан нёгери бла эмда къарнашы бла
Орман чегетге ташайды.
Аны анасы ? Табигъат ?
Аны кёз джашларын аязы бла сюртдю да,
Къызгъан бетин, башын да сылаб,
Аадамдан толу джокълукъгъа ?
Джашауну тирилт деб, ашырды.

110

Ёлюмге башхасы джокъду ?
Къушмуса сен, кёкде учхан,
Огъесе бёрюмюсе, джерде чабхан.
Ситагъа уа барды башхасы ?
Анга керекди джашау ?
Къуругъан сууча тюл, ?
Толгъан Айча.

111

Узайда кеме, учхан джулдузгъа тийиб,
Къуш тюгюнлей чачылгъанды.
Ёлгенди къанатлы адам.
Не этсин энди Сита:
Кёз джашлары джангурдан да бек
Джибитедиле джерни, алай а
Кюн таякъ алагъа тийиб,
Джанкъылычны къуралмайды ?
Къууанч джыламукъла тюлдюле была.

112

Умут джилтин да къалмагъанды
Энди джюрегинде Ситаны.
Алай а Рама сауду ? ол тириледи ?
Ситаны кёз джашлары тирилтедиле аны.
Ситадан а ? къалады джангыз
Аламны титиретген сыйыт-къычырыкъ.

113

Энди табигъат болгъанды къуу:
Ичерча тюлдю суу ?
Тауушу, татыуу, барыуу да джокъду аны;
Терек чапракъла да шууулдамайла ?
Сын болгъан кёзюуюдю дунияны:
Айгъа ушаб къалгъанды джер,
Къуралгъаныча чачылгъанды джыр.

114

Алай а, джюрек тирилсе,
Тёгерек да тюрленникди,
Къоркъуу да илгенникди,
Къайытырыкъды патчах да артха,
Джаяу да минерикди атха,
Къуу джерге берекет келликди,
Ёзге, алкъын, алгъынчады хар не.

115

Алан шахаргъа тёрт дуниядан
Саркъадыла: атлы, джаяу да;
Тау суула, джашил аязла, къачхы джелле да;
Тарих кёрюнюуле, бюгюннгю джангылыкъла да;
Алай а, не уллу къалабалыкъ да
Бузалмайды Акъ тауну шошлугъун.

116

Аланияны джандет джеринде
Ишлегенликлерине бир талай храм,
Аны ючюннге къара халкъ
Эски динин этмеди харам,
Тейрисин унутмады адам:
Тейрисине бла тюрк тилине
Кертилей къалды.

117

Заманнга бойсунуб къалмай,
Бойнунда къачы болгъан да,
Джангыз Терекни тёгерегине айланыб,
Кёкден, бурунча кёб зат тиледи,
Тилеги толмай къалгъанында уа,
Терслик къачдады деб,
Къачын храмгъа къайтарды да,
Рахатлыкъ табды кёлю.

118

Перс тилде сёлешген бир къауум келгенинде,
Тюрк тилде сёлешген джамагъат,
Башха тилли ууакъ къауумлагъача,
Анга да берди эркинлик
Сюйген динин тутаргъа;
Тейри адамы болургъа излемегеннге да,
Къатылыкъ джокъ эди.
Ахыры неге келтирди аны да?

119

Би́р Тейриге табынмагъан джамагъатны
Ахыры хорланмай мадар джокъду:
Бёлюннген халкъны
Къыргъан, джесирлеген да тынчды.
Ёзге ол затха сагъыш этмей,
Ичи гырын болгъан Шошлукъгъа батды ?
Батыгъа, Чыгъышха да бойсунмаучу халкъ.

120

Шахаргъа кёчген Эл
Дженгил тас этеди адетин;
Джангы адетлеге да юреналмай,
Кёб заманны къыйынлыкъ чегеди.
Башха диннге кёчген а
Шахаргъа кёчгенча тюлдю ?
Джан, санча тюрленмейди дженгил.

121

Аламны эки къаршчы джаны
Бир-бирине тюбеселе,
Не бир джангы дуния къураллыкъды,
Не эски дуния чачыллыкъды да,
Уллу къалабылыкъдан сора,
Къабыр шошлукъ кючлерикди тёгерекни.

122

Дуния мал къул этеди шахарны;
Сатыу-алыу ? майдандан къаннга кёчеди.
Адамны сагъышы ол болады кюндюз-кече да.
Бу кёзюуде келеди душман да ?
Малы къутхармайды джанын адамны.
Къуру джер къайгъылы инсанны
Джер джутады. Кёк да болушмайды анга:
Тейрисин унутханнга болушурму Тейри?

123

Къанатлы атны арбагъа джегиб,
Къанатларын джараусуз этсенг,
Ол сени Кёкге чыгъарырмы,
Элтирми Тейриге джууукъ?
Тубандан кёрюнмейди джукъ,
Чарс басханды кёзюн адамны.
Энди чёб да кёбдю абындырыргъа аны.

124

Акъ Таудан Къара тенгизге
Чынгаб джууунучу нартла
Бир къайытмай эселе артха,
Эл тюб болургъа башлагъанды.
Къара булут къонннганды башлагъа да.
Не медет, Кёкге кетгенле
Къайытмайла андан.
Джууукълашханды ахырына заман.

125

Юйлени эшиклерине салыб кирит,
Терезеден къараб тургъанла,
Къалай тыярыкъдыла къара джарыкъны ?
Ол терезе бла келеди кириб.
Къара джарыкъ джутады
Юйде чыракъны, кёкде Айны да.
Эслей тургъанлай аны да,
Тейрисин эсгерген азды.

126

Тюшюндюрюр ючюннгеми керекди:
Тау джарылыб, чачылыргъа от,
Неда, душман келиб, бёлюнннген халкъны
Къырыргъа эмда сюрюрге джесир этиб?
Не да ? эмина, ёлет дегенча ауруула
Къояргъамы керекди халкъны шындык этиб?
Бары да болгъанды ? от ырхы келгенди таудан;
Сау къалгъан да, джесирге тюшгенди джаугъа.
Ауруула да талагъандыла халкъны.
Дагъыда Тейри джазыкъсыннганды аны.

127

Джангыдан башланнганды джашау.
Биягъынлай агъаргъанды Тау.
Юй оджакъладан чыгъады тютюн.
Сейирсиндирген а бютюн:
Халкъда джокъду энтда бирлик:
Эсни, ангыны кимди берлик,
Хакъ бла болургъа унамай эсе халкъ?

128

Халкъ джуртуна къайыта билгенди.
Къошулгъанла да кёбдюле анга.
Джангы къайгъыла, джарсыула энди
Тынчлыкъ бермейдиле анга.
Тюрленнгенди аты шахарны,
Андан да бек ? магъанасы.
Алай а тил ? тюрк тил, алан тил ? сауду:
Ата джуртну олду багъанасы.

129

Тауну бузун джалаб, сууун ичиб,
Ёсгенди нарт улусу Къара-Шауай.
?Ташын джалаб, сууун ичиб турсакъ да ?
Джуртда айнырыкъбыз? дегенди Къарачай.
Къара булутла кетгендиле таудан.
Ёлюб тирилген халкъ ? сен,
Энтда ненча сынаудан ётериксе?

130

Джол а узакъ эди къалай.
Джарытса да аны джулдуз бла Ай,
Абыныргъа да тюшдю,
Сюркелирге уа ? огъай.
Къанатын элия кюйдюрген къуш да,
Аягъы къабханда къалгъан джанлы да
Эсге тюшюре эдиле халкъны.

131

Рама бла Сита 14-джыллыкъ сюргюнден
Джуртха къайытыб, джашау этгенча,
Къайытды Къарачай да джуртуна,
Отдан, джалындан да ётюб.
Зулмуну хорлагъан тынч болмаса да.
Джарала сау болсала да, табла къалдыла.
Кёбле ёлдюле, къалдыла узакъда.
Ёлмеген ? умут эди джангыз.

132

Чингизхандан, Темирден, Къурчдан да
Кючлю эди халкъны джаны.
?Эл ашагъан эмегенден
Эл Тейриси кючлю? деб,
Бош айтмагъандыла нартла.
Кесек-кесек болгъан къауумла,
Къошулуб халкъ болур ючюн,
Къайытдыла артха, джуртха.

133

Энди́ джарыкъ Тейриден-Кёкден,
Келди джарыкъ Таудан, мийикден
Чыкъды джарыкъ Ташдан, Терекден.
Кёк-акъ-джашил бояулу байракъ
Кёлтюрюлдю ёрге, ётдю тёрге,
Халкъ баш урду бир къудуретге ? Тейриге.

134

Сталинни къабыры къычыра болур:
14-джыллыкъ сюргюнден
Къайытханча Рама бла Сита,
Къайытды Къарачай.
Шахарына атады атын.
Джуртунда табарыкъды хакъын.
Таулары мийик, суулары таза...
Кёб къалмагъанды халкъ болургъа азат.

135

Къуру гырджын бла джашамайды адам.
Къарачай алан халкъ ?
Шимал Джолну халкъыча,
Джюн (Рун) джазыуланы билген халкъ,
Аланы ташлада керкген халкъ,
Скандинав къауумну къарнашы,
Тейри халкъы, адамы,
Муссадан, Иссадан да хапарлы
Ахырында хакъ муслиман диннге кёчмегенди бош.
Бара-бара тюзеледи къош.

136

Бар эселе Дин-Тил-Джурт -
Аман болмаз кёл. Эл
Къуралыр джангыдан. Алгъындан да
Кючлю болур ийман.
Къуру гырджын тюлдю джашатхан адамны.
Сыйратдан ётген халкъ биледи аны.
Ол билимди къутхарлыкъ аны.
Къарачай джашар.
12.10.2011 04:40:02, Sabr.]]> http://www.elbrusoid.org/forum/archive/messages/forum133/topic15209/message1126439/ http://www.elbrusoid.org/forum/archive/messages/forum133/topic15209/message1126439/ Wed, 12 Oct 2011 01:40:02 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
ДЖАТТАЙНЫ КЪЫЛЫЧЫНДА ДЖАЗЫУ

Аллахны аты ? ауузларында,
Ёледиле халкъ, джурт ючюн джигитле.
Дагъыда табыладыла итле
Къара джагъаргъа кюрешген алагъа.

Амантиш итле, сынджыргъа уруб кеслерин,
Чабадыла, къошулуб душманнга.
Ол джауланы бирин къоймай къырырча,
Я Аллахым, бир кюч-къарыу бер манга.
26.09.2011 23:03:07, Sabr.]]> http://www.elbrusoid.org/forum/archive/messages/forum133/topic15209/message1126438/ http://www.elbrusoid.org/forum/archive/messages/forum133/topic15209/message1126438/ Mon, 26 Sep 2011 20:03:07 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Сапар ЁЗДЕН

113

Болмаз зат а бир зат джокъду джер юсюнде,
Айта болур ариу сёзле Кюн Айгъа.
Биз кёрмеген таша джерде, джер джюзюнде,
Джырлай болур джангы джырын Къыш Джайгъа.

Болмаз зат а бир зат джокъду джер юсюнде,
Тамчы таммай да къалыучанды булутдан.
Чегет таба сен бир барчы джазгъы кюнде,
Той этелле эменле бла бусакъла.

Болмаз зат а бир зат джокъду джер юсюнде,
Таулада да боладыла туудукъла.
Сагъыш этсенг, не джетмейди бюгюнлюкде,
Бир- бирлерин соядыла джууукъла.

Болмаз зат а бир зат джокъду джер юсюнде,
Табыучанды эрши къыз да джулдузну.
Боранлайды къууанч боран ма кёлюнгде,
Аманын да сюе билсенг джуртунгу.

Болмаз зат а бир зат джокъду джер юсюнде,
Джерден табмай алад адам кёкден джыр.
Кёрюрге да сен боллукъса, эй, тюнюнгде,
Таулугъа да къраллыгъы табылыр.

Болмаз зат а бир зат джокъду джер юсюнде -
Тауда туугъан джау да болад таулагъа.
Болмаз зат а ма бу затды, тут эсингде:
Тюзден келген бий болалмаз таулугъа.
08.09.2011 03:55:08, Sabr.]]> http://www.elbrusoid.org/forum/archive/messages/forum133/topic15209/message1126437/ http://www.elbrusoid.org/forum/archive/messages/forum133/topic15209/message1126437/ Thu, 08 Sep 2011 00:55:08 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Bilal LAYPAN

ЫШЫГЪЫНДА АЙ БЛА ДЖУЛДУЗНУ

Минги Тауну башында ? джулдуз бла Ай.
Этегинде ? Малкъар-Къарачай.
Ышыгъында Ай бла джулдузну
Тамбласын кёреме Халкъыбызны.

Айырылмасакъ Ай бла джулдуздан,
Къууанныкъбыз джолубуздан.
Халкъым, Джуртум ? Малкъар-Къарачай,
Джарытады сени Кюн, къар, Ай.

Тыш джарыкъды ол. Ёзюнгю уа
Джарытады таныгъанынг къара.
Сакъларыкъса джуртунгу, тилинги да
Хакъ джолдан таймай барсанг.

Динни берген Кюч,
Бергенди бизге джуртну, тилни да.
Сакъларгъа этгенди борч ?
Къуру бирин тюл ? ючюсюн да.

О́л ючюсюню бирлигиди
Этген бизни адам да, халкъ да.
Билебиз, келген ? кетерикди:
Джашагъан, ёлген да ? хакъды.

Алай а,
Башха диннге, тилге, халкъгъа
Джутдуруб кесибизни,
Алай кетсек дуниядан,
Къайда, со́ра, бизни
Адамлыгъыбыз, муслиманлыгъыбыз да,
Эркишилигибиз да къайда бизни?!

Джуртума башхаланы ие этиб,
Башха динни, тилни алгъандан эсе,
Алагъа къул-къарауаш болгъандан эсе,
Сермеше ёлюрге хазырма мен.

Кюмюш сынджыргъа, алтын тегенеге терилиб,
Ит болуб бойнумдан тагъылгъандан эсе,
Ит болуб юргенден, чабхандан эсе,
Эркин бёрюлей ёлюрге разыма мен.

Джуртуму, бёрюлюгюмю да сакълай,
Джашаргъа излейме алай.
Бизни кеслерине ит, къул, шапа
Этерге излегенле ? тюшерле отха.

Биз ? къазакъ бёрюлебиз.
Аны ючюн кёрюнебиз
Аз эмда къарыусуз.
Ёзге, биз джыйын болгъан кюн,
Хорларын кёрюрбюз ким.

Амантиш итлени кесерикбиз эм алгъа,
Ызы бла ? душманланы-джауланы.
Къылыч бла келген ? къылычдан ёллюкдю,
Берлик тюлбюз бир кишиге тауланы.

Турлукъду Минги Тау акъдан акъ бола.
Джашарыкъбыз биз да халкъдан Халкъ бола.
Шайтан кирмез арабызгъа базыб.
Уллу Аллах да болур бизге разы.

Бар этген Олду бизни джокъдан.
Ол берген динден, тилден, джуртдан
Болгъанбыз биз Адам да, Халкъ да.
Керек тюлдю бизге Гъарб да, Шаркъ да.

Джетишеди кесибизге небиз да.
Барды динибиз, тилибиз, джерибиз да.
Аланы сакълай джашарыкъбыз, ёллюкбюз.
Шейитле тирилген кюн, биз да тирилликбиз.

Минги Тауну башында ? джулдуз бла Ай.
Этегинде ? Малкъар-Къарачай.
Ышыгъында Ай бла джулдузну
Тамбласы барды Халкъыбызны.
06.09.2011 03:17:13, Sabr.]]> http://www.elbrusoid.org/forum/archive/messages/forum133/topic15209/message1126436/ http://www.elbrusoid.org/forum/archive/messages/forum133/topic15209/message1126436/ Tue, 06 Sep 2011 00:17:13 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Sabr

Салам !

Таулагъа къарай да, назмуларынгы окъуйма.
Адамны къыйыны элни сагъыш этер - дегенлей, халкъгъа -тилибизге къаллай бир, джан аурутханынгы, ангыларгъа кюрешеме.

Эсен бол, Билал !
05.09.2011 13:26:27, ШАТ.]]> http://www.elbrusoid.org/forum/archive/messages/forum133/topic15209/message1126435/ http://www.elbrusoid.org/forum/archive/messages/forum133/topic15209/message1126435/ Mon, 05 Sep 2011 10:26:27 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.

02.09.2011 14:00:25, ШАТ.]]> http://www.elbrusoid.org/forum/archive/messages/forum133/topic15209/message1126434/ http://www.elbrusoid.org/forum/archive/messages/forum133/topic15209/message1126434/ Fri, 02 Sep 2011 11:00:25 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Билал, Эр Кишисе, Эр сёзлени айтса.
Кючюнг кёб болсун!

Джер джюзюню хакъсыз халкълары ючюн,
Аланы миллет, инсан хакълары ючюн,
Къалам бла, сауут-саба бла да этдигиз къазауат.
Сизникимиди, билмейме, дуния-ахырат.

Къарагъанлай а турасыз сиз
Джаралы джугъутурдан,
Джаралы Ташдан,
Джуртда Джангыз Терекден.

Огъесе, кесигизмисиз
Джаралы джугъутур,
Джаралы таш,
Кесилген Терек да Джуртда?



Сапар Ёзден.
Турна Аууш
02.09.2011 13:20:24, ШАТ.]]> http://www.elbrusoid.org/forum/archive/messages/forum133/topic15209/message1126433/ http://www.elbrusoid.org/forum/archive/messages/forum133/topic15209/message1126433/ Fri, 02 Sep 2011 10:20:24 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Кергелен
Къалтакъ--ернин -бурнун чюйрюб, адамын, джуртун унутуб-апасха,шайгъа ,быстырлагъа табыныб,артларындан неме .... агъа тургъанлай кеслерине джарымпатчахла кёрюнюб - аллай къаумгъа айтадыла.
Бек тиерсиз сау болугъуз!
01.09.2011 20:11:38, всезнайка.]]> http://www.elbrusoid.org/forum/archive/messages/forum133/topic15209/message1126432/ http://www.elbrusoid.org/forum/archive/messages/forum133/topic15209/message1126432/ Thu, 01 Sep 2011 17:11:38 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Салам, Хурметли Алан Джамагъат!

ШАТ


Sabr


всезнайка

Къарачайча ангылайма, назмуну да нени юсюнден болгъанын ангыладым, алай а"къалтакъ" сезге тюбемегенме да, аны магъанасын сораэдим, разы болугъуз. Кагым болмагъан джерге, къалагъымы ургъанча болдум болур

Мадина, ЭЛЬБА Къарачайны "КАК" чоюнуду. Так ,чтэ тюз уруса къалагъынгы. Какны иссилей иги къатыштырмасанг- гулмак-гулмак болуб къалады.)))))))))))

Къалтакъ--ернин -бурнун чюйрюб, адамын, джуртун унутуб-апасха,шайгъа ,быстырлагъа табыныб,артларындан неме .... агъа тургъанлай кеслерине джарымпатчахла кёрюнюб - аллай къаумгъа айтадыла.
01.09.2011 17:38:29, Кергелен.]]> http://www.elbrusoid.org/forum/archive/messages/forum133/topic15209/message1126431/ http://www.elbrusoid.org/forum/archive/messages/forum133/topic15209/message1126431/ Thu, 01 Sep 2011 14:38:29 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
ТАУЛУЛА
Къарачайча ангылайма, назмуну да нени юсюнден болгъанын ангыладым, алай а"къалтакъ" сезге тюбемегенме да, аны магъанасын сораэдим, разы болугъуз. Кагым болмагъан джерге, къалагъымы ургъанча болдум болур
Sabr
всезнайкаСалам!Сэстренка бла Всезнайка форумну къанатларысыз. Сизге джукъ айтырыкъ адам джокъду - Шатча, Сабрча адамла уа артыкъсыз да.
Салам уа рахматуллахи! Аллах игилик берсин!
01.09.2011 10:44:48, всезнайка.]]> http://www.elbrusoid.org/forum/archive/messages/forum133/topic15209/message1126430/ http://www.elbrusoid.org/forum/archive/messages/forum133/topic15209/message1126430/ Thu, 01 Sep 2011 07:44:48 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
всезнайка

Салам!
Сэстренка бла Всезнайка форумну къанатларысыз. Сизге джукъ айтырыкъ адам джокъду - Шатча, Сабрча адамла уа артыкъсыз да.

"Динлерин, Тиллерин, Джуртларын да
Ауушдургъанла дуния малгъа,
Билмейме, джашайдыла къалай,
Нени юсюнден сёлешедиле ала?"

Бу сёзлени кесинге къалай тартханынга бек сейир болуб турама. Охо да, болду, кетди.
Оразагъыз къабыл болсун, муратларыгъыз толсунла!
01.09.2011 04:42:47, Sabr.]]> http://www.elbrusoid.org/forum/archive/messages/forum133/topic15209/message1126429/ http://www.elbrusoid.org/forum/archive/messages/forum133/topic15209/message1126429/ Thu, 01 Sep 2011 01:42:47 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Bilal LAYPAN

ДЖАРАЛЫ ДЖУГЪУТУР, ДЖАРАЛЫ ТАШ эмда
ДЖУРТДА ДЖАНГЫЗ ТЕРЕК

Сёзню да барды джаны ?
Шайырла билелле аны.
Алай а, Сёзге
Джан салгъан кимди? Сизге
Аны айталлыкъ Кёкдю джангыз.
Бир джукъ да болмайды ансыз.

Алайсыз,
Джаралы джугъутуру Кязимни,
Джаралы ташы Къайсынны,
Джангыз Тереги Билалны
Адам тилде сёлеши́рмелле,
Джашау ючюн сермеши́рмелле?

Юлюш этмесе джанындан шайыр,
Аны сёзюнден болурму хайыр?

Юзюб кесини ёзюнден-джанындан,
Сёзге джашау берген джангыдан ?
Тынч тюлдю. Поэтни джаны
Алай эте, тауусулса,
Сёзге-назмугъа кёчюб бошаса,
Къуру тёнгеги къалады аны.

Джаны чыгъыб бошаса, тёнгек
Не этерикди ёлмей ? ёлед.
Ёре турукъча, ауады джерге.
Аны ашыгъыш салалла кёрге.
Сын ташындан а къарайды джаны ?
Чыммакъ акъ сёзю-назмусу аны.

Ёзге,
Поэтни джаны кёчер ючюн сёзге
Келирге керекди буйрукъ Кёкден.
Байламлы болургъа керекди Кёк бла джюрек,
Тилленир ючюн кийик, таш, терек.

Джанлы, джансыз эсе да табигъат,
Джазгъы, къачхы, джайгъы, къышхы эсе да табигъат,
Аллах аны
Шайырлагъа этгенди аманат.

Туугъан джуртуду шайыргъа джандет.
Азан да Ана тилде къычырады поэт.
Мийик минарадан ? Минги Таудан ? къычырады аны,
Харам джукъудан уята дунияны.

Кийикде, ташда, терекде, сёзде ?
Барында джашайды поэт.
Джаралы джугъутурдан къарайды Кязим.
Джаралы ташдан къарайды Къайсын.
Джуртда Джангыз Терекден къарайды Билал.

Ташны джаралары болсала сау,
Аны кёлю бола болур тау.
Джаныуардан къутулса кийик,
Аны да кёлю ? къаясыча, мийик.
Балтадан, мычхыдан къутулса терек,
Бек джуууукъ болады анга да Кёк.

Саумуду джаралы джугъутур?
Саумуду джаралы таш?
Саумуду кесилген Терек?

Саумуду Ата джурт?
Ана тил а саумуду?

Джанларындан юлюш этиб,
Сёзге джан салгъан поэтле,
Сиз,
Кийикни, Ташны, Терекни да сёлешдириб,
Кюрешдигиз
Ана тилни этерге ёлюмсюз.

Кюрешдигиз уятыргъа узакъны, джууукъну.
Кюрешдигиз сакъларгъа Тилни эмда Джуртну.

Джер джюзюню хакъсыз халкълары ючюн,
Аланы миллет, инсан хакълары ючюн,
Къалам бла, сауут-саба бла да этдигиз къазауат.
Сизникимиди, билмейме, дуния-ахырат.

Къарагъанлай а турасыз сиз
Джаралы джугъутурдан,
Джаралы Ташдан,
Джуртда Джангыз Терекден.

Огъесе, кесигизмисиз
Джаралы джугъутур,
Джаралы таш,
Кесилген Терек да Джуртда?
01.09.2011 04:28:57, Sabr.]]> http://www.elbrusoid.org/forum/archive/messages/forum133/topic15209/message1126428/ http://www.elbrusoid.org/forum/archive/messages/forum133/topic15209/message1126428/ Thu, 01 Sep 2011 01:28:57 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Шат. Амин аллах.
01.09.2011 03:52:49, ТАУЛУЛА.]]> http://www.elbrusoid.org/forum/archive/messages/forum133/topic15209/message1126427/ http://www.elbrusoid.org/forum/archive/messages/forum133/topic15209/message1126427/ Thu, 01 Sep 2011 00:52:49 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
ТАУЛУЛА

Тюшлерими къалынында,
Тургъаныча, джыл узуну, къуру джай.
Тюшлерими джырларында
Къалай болсун айтылмайын Къарачай.

Аламатды джашау анда.
Ингир акъсыл, кече толуд тахсадан.
Билемисе, кимбиз анда.
Бир ариуду, ёмюр бала ? Къарчастан.

Тау эллени хар бири да
Аз - буз бугъуб наратла бла назлагъа.
Хар акъыллы, хар тели да
Эй, бирчалла бийге кибик джарлыгъа.

Минги тау да бир бек мийик,
Тюбю халда тепбе баш да бир джашил.
Къарасанг а, анга миниб,
Ариулукъдан, тохтарчады ангы ? тил.

Тюнлерими къалынында
Айланса да сагъыш баса, алджай джан.
Тюшлеримде, хар джангыда,
Аллах, сакъла, алай турсун Къарчастан.

08.08.98.
01.09.2011 03:21:43, ШАТ.]]> http://www.elbrusoid.org/forum/archive/messages/forum133/topic15209/message1126426/ http://www.elbrusoid.org/forum/archive/messages/forum133/topic15209/message1126426/ Thu, 01 Sep 2011 00:21:43 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
всезнайка. Назмуну сюзгенликлери эди. Назмуда соруугъа жуап эте, сатхычланы жашау формаларын кергюсте эди ШАТ. Керти да таулу 'интелегенция' акъылдан артыкъ бай болмагъанлары себепли (за редким исключением) къаум анегдот, кюлкюлю хапарчыкъ келден билип. Хар бирге жыйылгъан жерде, мингинчи къайтарып аланы айта айланыучудула... ШАТ, это и имел ввиду...
01.09.2011 01:17:40, ТАУЛУЛА.]]> http://www.elbrusoid.org/forum/archive/messages/forum133/topic15209/message1126425/ http://www.elbrusoid.org/forum/archive/messages/forum133/topic15209/message1126425/ Wed, 31 Aug 2011 22:17:40 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
ТАУЛУЛА
окъудум.Оллаха, къалтакъ не болгъанын а ангыламадым
Алай а бек сеиир болгъан эдим,кесими ачыуландырыб, бу сеиир сезлени окъугъанымда
ШАТ

01.09.2011 01:00:31, всезнайка.]]> http://www.elbrusoid.org/forum/archive/messages/forum133/topic15209/message1126424/ http://www.elbrusoid.org/forum/archive/messages/forum133/topic15209/message1126424/ Wed, 31 Aug 2011 22:00:31 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Болгъанны КЕСИГИЗГЕ бош тартасыз. СИЗГЕ айтылмайды ол.


01.09.2011 00:50:48, ШАТ.]]> http://www.elbrusoid.org/forum/archive/messages/forum133/topic15209/message1126423/ http://www.elbrusoid.org/forum/archive/messages/forum133/topic15209/message1126423/ Wed, 31 Aug 2011 21:50:48 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
всезнайка. ШАТ санга, сизге айтмайды. Назмуну окъу. Кюлдюрдюнг оллаха.
01.09.2011 00:47:31, ТАУЛУЛА.]]> http://www.elbrusoid.org/forum/archive/messages/forum133/topic15209/message1126422/ http://www.elbrusoid.org/forum/archive/messages/forum133/topic15209/message1126422/ Wed, 31 Aug 2011 21:47:31 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
ШАТ
Къалтакъ джыйын нени юсюнден сёлеширикди, сылыгъына чам этиб тургъан болмаса.
Бизми болдукъ къалтакъ джыйын? Магъанасы да неди? не уа ол джыиынны джылында сиз не эте эдигиз?
01.09.2011 00:41:03, всезнайка.]]> http://www.elbrusoid.org/forum/archive/messages/forum133/topic15209/message1126421/ http://www.elbrusoid.org/forum/archive/messages/forum133/topic15209/message1126421/ Wed, 31 Aug 2011 21:41:03 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Къалтакъ джыйын нени юсюнден сёлеширикди, сылыгъына чам этиб тургъан болмаса.
31.08.2011 20:58:21, ШАТ.]]> http://www.elbrusoid.org/forum/archive/messages/forum133/topic15209/message1126420/ http://www.elbrusoid.org/forum/archive/messages/forum133/topic15209/message1126420/ Wed, 31 Aug 2011 17:58:21 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Bilal LAYPAN

ЮЧДЕН ДАГЪАН ТАЙМАЗ

Динлерин, Тиллерин, Джуртларын да
Ауушдургъанла дуния малгъа,
Билмейме, джашайдыла къалай,
Нени юсюнден сёлешедиле ала?


31.08.2011 20:55:50, ШАТ.]]> http://www.elbrusoid.org/forum/archive/messages/forum133/topic15209/message1126419/ http://www.elbrusoid.org/forum/archive/messages/forum133/topic15209/message1126419/ Wed, 31 Aug 2011 17:55:50 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Bilal LAYPAN

ЮЧДЕН ДАГЪАН ТАЙМАЗ

Динлерин, Тиллерин, Джуртларын да
Ауушдургъанла дуния малгъа,
Билмейме, джашайдыла къалай,
Нени юсюнден сёлешедиле ала?

?Ючден дагъан таймаз? деб, халкъ
Динни-тилни-джуртну бирлигине
Айтханды. Таяннганла́ о́л дагъаннга
Болалгъандыла Инсан, Миллет.

Ол ючюсюнден бирин тас этсе да ?
Аууб тебрейди дагъан:
Халкъ халкълыгъын тас этиб тебрейди,
Тас этиб тебрейди адамлыгъын адам.

Динни-тилни-джуртну бирлигиди
Таймаз дагъаны джанны.
Билген кюнюмден бери аны
Дин-тил-джурт ючюн этеме къазауат.

Аладан бирин тас этиб,
Къалгъанын сакълаяллыкъбыз деген,
Алдаргъа кюрешмесин халкъны ?
Алдатмаз кесин тарихни билген.

Джаннга огъуна керек болады тёнгек.
Аны ючюн кюрешедиле халкъла
Къураргъа Миллет Юйлерин ? Эллерин.
Эл а ? динсиз, тилсиз, джуртсуз болурму?

Диним деген да, тилим деген да, джуртум деген да,
Бирге болмай джокъду амал.
Динни-Тилни-Джуртну бирлигиди
Этген: халкъны ? Халкъ, адамны ? Адам.

Ючден дагъан таймаз:
Динибиз ? ислам, тилибиз ? тюрк, джуртубуз ? Кавказ.
Тауубуз ? Минги, ташыбыз ? Къадау.
Аласыз бизге джокъду джашау.

Десек: Дин-Тил-Джурт
Аллахха болабыз джууукъ.
Аланы берген Аллахды бизге.
Аланы къоруу, сакълау ? борчду бизге.

Ким Хакъ сёз бла, ким Акъ сёз бла
Ол иннетге этейик къуллукъ.
Ючден дагъаннга таянайыкъ ?
Ол тюлдю таярыкъ, оюллукъ.
29.08.2011 05:46:31, kalejchi.]]> http://www.elbrusoid.org/forum/archive/messages/forum133/topic15209/message1126418/ http://www.elbrusoid.org/forum/archive/messages/forum133/topic15209/message1126418/ Mon, 29 Aug 2011 02:46:31 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Bilal LAYPAN

КЪАЙЫТЫУ

Джашау арытса адамны,
Ёлюм къутхарады аны.
Джанымдан, джашаудан да тойдум,
Назму джазгъанны да къойдум.

Джюрек
Тюлдю не Таш, не Терек.
Алай а, джюрек
Халкъдан, адамдан суууса,
Болады джууукъ
Ташха, агъачха, суугъа.

Джюрек
Табигъатдан табады себеб.
Чегет, къобан эмда тау
Джюрекни этедиле сау,
Къайтаралла джашаугъа адамны.
Унутургъа джарамаз аны.

Адамла джарсала джюрекни,
Эсгер Къобанны, Ташны, Терекни.
Дарман хансланы чайнай,
Джарасын ала бла багъа, джалай,
Сау болуб кетеди джанлы да.
Джурт къутхарады аны да.

?Ташын джалаб, сууун ичиб турсакъ да,
Джуртда боллукъбуз Адам да, Халкъ да...?,-
Деб къайытханды халкъ сюргюнден,
Алайсыз ? бурулур эди сюрюуге.

Джурт адамны, халкъны да
Джашаугъа къайтарады. Аны да
Кёзюбюз бла кёргенбиз, сынагъанбыз.
Джуртубузда биз Адамбыз, Халкъбыз.

Джашау арытса адамны,
Джурт къутхарады аны.
Терслик къатылса джюрекге,
Бар суугъа, ташха, терекге:
Рахатлыкъ табарса аладан,
Къан келгени тохтар джарадан.

Адамла джаргъан джюрекни,
Сау этерик Ташны, Терекни
Джуртда табаллыкъса джангыз.
Бизге джашау джокъду ансыз.

Джол джокъ эсе да артха,
Мен атланнганма Джуртха.
Сакълайла анда:
Чегетле, суула, таула да;
Ёлгенле, саула да;

Къарча да,
Адурхай, Будиян, Науруз, Трам да;
Ачемез, Татаркъан, Умар, Джатдай да;
Дебо улу Кючюк, Кязим хаджи, Джырчы Сымайыл да ?
Бары сакълайла анда.

Минги Тау да,
Хасаука да,
Джаралы джугъутур да,
Джаралы таш да,
Джуртда Джангыз Терек да,
Къадау Таш да,
Къазакъ бёрю да
Сакълайла анда.

Беш Тау Эл да,
Къарачай Эл да ?
Ана тил, Ата джурт ?
Джан джурт
Сакълайды анда.

Джуртдады дуния, ахырат да.
Ачыллыкъды анда керамат да.
Илхам да энерикди Кёкден.
Ётген а тынч тюлдю чекден.

Джеталсам ? насыбым алда.
Джеталмасам ? къаллыкъма джолда.
Ёлюм ызындан тюшсе адамны,
Джангыз Джуртду къутхарлыкъ аны.

Нарт къабырлада табылса орун,
Ол тюз джашагъаныма боллукъду шагъат.
Ана тилге чырмалыб джаным да,
Минги Таудан къарарыкъды рахат.

Буйрукъ болуб Кёкден, ётеме чекден ?
Джашасын Джерим-Миллетим-Элим.
Дин-тил-джурт къазауатда
Шейит болгъанлагъа джокъду ёлюм.
27.08.2011 04:12:44, Sabr.]]> http://www.elbrusoid.org/forum/archive/messages/forum133/topic15209/message1126417/ http://www.elbrusoid.org/forum/archive/messages/forum133/topic15209/message1126417/ Sat, 27 Aug 2011 01:12:44 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
http://www.youtube.com/watch?v=QOmME3J48TQ&feature =related

Бу леопард балачыкъны джигитлигине бир къарагъыз.
Джуртларына кирген тонгузла бла, шакалла бла "интернационал шохлукъ" джюрюте билмейдиле была.
26.08.2011 05:40:17, kalejchi.]]> http://www.elbrusoid.org/forum/archive/messages/forum133/topic15209/message1126416/ http://www.elbrusoid.org/forum/archive/messages/forum133/topic15209/message1126416/ Fri, 26 Aug 2011 02:40:17 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Sabr

Эс бурмадыкъ, тюшюнмедик ол кюн да ?
Ол дерсни магъанасын ангыламадыкъ.
Келлик палахланы кёрюб анда,
Кёкню тилине, ауазына тынгыламадыкъ,


23.08.2011 13:58:04, ШАТ.]]> http://www.elbrusoid.org/forum/archive/messages/forum133/topic15209/message1126415/ http://www.elbrusoid.org/forum/archive/messages/forum133/topic15209/message1126415/ Tue, 23 Aug 2011 10:58:04 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
КЪОЛДАН КЕЛГЕННИ ЭТСИН ХАР КИМ

ТАШХА, ТЕРЕКГЕ САГЪЫШ ЭТЕ

Эс бурмадыкъ, тюшюнмедик ол кюн да ?
Ол дерсни магъанасын ангыламадыкъ.
Келлик палахланы кёрюб анда,
Кёкню тилине, ауазына тынгыламадыкъ,

Джангыз Терекден бошагъанбыз биз.
Къадау Ташны чачыб кюрешебиз энди.
Джауланы, амантишлени да тюл,
Бир-бирибизни къырыб кюрешебиз энди.

Аллахны Сёзю тюшюндюрмегенни,
Поэтни сёзю тюшюндюрюрмю?
Джуртда Джангыз Терек тирилиб,
Бурунча, къанатлы джанланы барын,
Кесине тартармы, юйюрсюндюрюрмю?

Джаралы Къадау Таш да, миллетин сакълаб,
Таулагъа джауну иймей тыярмы?

Sabr

22.08.2011 01:59:18, Tinibek.]]> http://www.elbrusoid.org/forum/archive/messages/forum133/topic15209/message1126414/ http://www.elbrusoid.org/forum/archive/messages/forum133/topic15209/message1126414/ Sun, 21 Aug 2011 22:59:18 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Bilal LAYPAN

ТАШХА, ТЕРЕКГЕ САГЪЫШ ЭТЕ

Ахыр юзюгюн кёре Нарт тёлюню,
Биз буруннгу Тау Элде ёсгенбиз.
Ол юзюк кетгенлей а, къадалыб,
Тейри Терекни томургъанбыз, кесгенбиз.

Джангыз Терекни ? Тейри Терекни ? тюл,
Биз Тамблабызны кесгенбиз Тюнене.
Тамырларыбызны кесдиртген бизге
Шайтанмы эди, джинми эди ? ким эди?

Джыйырманчы ёмюрню башында
Джангыз Терекни кесиб, ишлегенбиз Юй.
Джангы Юйге кириб, тебрегенлей джашаргъа,
Кёк чартлаб, уруб, Юйню этгенди кюл.

Эс бурмадыкъ, тюшюнмедик ол кюн да ?
Ол дерсни магъанасын ангыламадыкъ.
Келлик палахланы кёрюб анда,
Кёкню тилине, ауазына тынгыламадыкъ,

Энди не? Джылауун эте кесибизни,
Кетиб барабыз: Тейри Терек да джокъ,
Тейри дерик да джокъ ?
Дуния мал кючлеб ангыбызны, эсибизни.

Джуртда Джангыз Терек джокъду энди.
Джетеклерин да къоярбызмы ёсерге?
Къадау Ташны да кюрешебиз ууатыб...
Къалкъармы экен бизде ангы, эс ёрге?

Джуртда Джангыз Терек не эди?-
Культурну, Ана тилни белгиси эди ол.
Къадау Таш а, билемисиз, неди?-
Тарихни, Ата джуртну белгисиди ол.

Джангыз Терекден бошагъанбыз биз.
Къадау Ташны чачыб кюрешебиз энди.
Джауланы, амантишлени да тюл,
Бир-бирибизни къырыб кюрешебиз энди.

Алай болады халкъны миллет ангысы, тарих эси кетсе ?
Ташын, Терегин да, ташын, терегин да билмейди сакълай.
Кесилген терекден, ууалгъан ташдан къарайды бизге,
?Джуртда Джангыз Терекден?, ?Джаралы Ташдан? къарайды бизге
Биз тас эте баргъан Малкъар-Къарачай.

Аллахны Сёзю тюшюндюрмегенни,
Поэтни сёзю тюшюндюрюрмю?
Джуртда Джангыз Терек тирилиб,
Бурунча, къанатлы джанланы барын,
Кесине тартармы, юйюрсюндюрюрмю?

Джаралы Къадау Таш да, миллетин сакълаб,
Таулагъа джауну иймей тыярмы?
Ичибизден, Къарчача, бир башчы чыгъыб,
Къатышхан къауум да эсин бир джыярмы?!
21.08.2011 17:24:18, Sabr.]]> http://www.elbrusoid.org/forum/archive/messages/forum133/topic15209/message1126413/ http://www.elbrusoid.org/forum/archive/messages/forum133/topic15209/message1126413/ Sun, 21 Aug 2011 14:24:18 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Bilal LAYPAN

КЪОЛДАН КЕЛГЕННИ ЭТСИН ХАР КИМ

Ёмюрлени узагъына,
Джауну тюшмей тузагъына,
Келген эсек джашай эркин,
Ёхтем тута башын хар ким,

Аны ючюн сый берейик,
Тулпар ата-бабалагъа.
Эмда бизге къала болгъан
Минги Таулу джуртубузгъа.

Акъ тауланы ышыгъында
Къара боранладан, джелледен,
Эминаладан, ёлетледен
Къутула келгенди халкъыбыз.

Кёблюклерине базыб джаула
Мыллык атыб келгенде,
Аланы юслерине таула,
Кюртлерин юзюб, тюбедиле.

Суу ахырзаманны кёзюуюнде да
Тауладыла къутхаргъан бизни.
Таулагъа борчлубуз биз:
Бюгюнлеге джетдирген бизни
Аладыла ? Кавказ таула, мийик таула.

Юй, къала да болгъан бизге,
Кюч, саулукъ да берген бизге,
Суулары да ? джан дарман бизге...
Ой Кавказ таула, кёл къанмаз таула.

Ёмюрлени узагъына
Бизни сакълаб келге́н таула,
Сизни бизден сыйырыргъа
Излейдиле биягъы джаула.

Кёкге джууукъ мийик таула!
Ичген сууубуз сизден,
Харам болмазмы бизге,
Душманла келиб тюзден,
Ие болсала сизге.

Ёмюрлени узагъына
Сакълай келгенча сиз бизни,
Биз да бюгюн сизни алай
Душмандан керекбиз сакъларгъа.

Ата-бабаларыбыз кибик,
Таула алайдыла бизге.
Къартланы, эллени къоюб,
Чачылыб кетсек тюзге...

Огъай, огъай, минг кере огъай!
Къара иннетлиле айтхан болмаз.
Бошму къылгъандыла таулула
Минги Таугъа айланыб намаз.

Билебиз: ?джашау, ёлюм да ? хакъ?.
Алай а, джуртун, тилин сакълаялса,-
Ташын джалаб, сууун ичиб турса да,-
Туугъан джеринде айнырыкъды халкъ.

Ёзге, Джуртну Ташындан, Сууундан да
Айырыргъа излейдиле бизни.
Джангылалла: джазылады Китабда да
?Тюзде къалмаз тюзлюгю тюзню?.

Аллах берген тауладан
Ибилис айыралмаз бизни.
Къутхарырбыз джауладан
Джерибизни, тилибизни.

Минги Тауну этегинде,
Къууана хар бир кюннге,
Джашар ючюннге энтда эркин,
Къолдан келгенни этсин хар ким.
20.08.2011 13:53:32, Sabr.]]> http://www.elbrusoid.org/forum/archive/messages/forum133/topic15209/message1126412/ http://www.elbrusoid.org/forum/archive/messages/forum133/topic15209/message1126412/ Sat, 20 Aug 2011 10:53:32 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Ocean
alamat djir bolluk edi!

Сау бол.
Алай а, бизде башханы сёзлерине джыр джазгъан адет болмазмы дейме.
20.08.2011 05:29:59, Sabr.]]> http://www.elbrusoid.org/forum/archive/messages/forum133/topic15209/message1126411/ http://www.elbrusoid.org/forum/archive/messages/forum133/topic15209/message1126411/ Sat, 20 Aug 2011 02:29:59 +0000 - ЗФ - Ана тилибизде АТА джурт ючюн, АНА тил ючюн - ХАЛКЪ ючюн! в форуме - ЗФ - Ана тилибизде.
Sabr
alamat djir bolluk edi!
18.08.2011 04:59:22, Ocean.]]> http://www.elbrusoid.org/forum/archive/messages/forum133/topic15209/message1126410/ http://www.elbrusoid.org/forum/archive/messages/forum133/topic15209/message1126410/ Thu, 18 Aug 2011 01:59:22 +0000 - ЗФ - Ана тилибизде