- Хар зат кесини орнуна иги.
- Киштикге къанат битсе, чыпчыкъ къалмаз эди.
- Таукел къуру къалмаз.
- Эки элинги тыйсанг, джети элде махталырса.
- Нарт сёз къарт болмаз.
- Душманны тышы – акъ, ичи – къара.
- Джарлыны эшигин махтагъан джабар.
- Тюз сёз баргъан сууну тыяр.
- Ач – эснер, ат – кишнер.
- Юре билмеген ит, къонакъ келтирир.
- Къазанчы аман болса, къазаны къайнамаз.
- Артына баргъанны, къатына барма.
- Юй ишлеген балта эшикде къалыр.
- Ауурну тюбю бла, дженгилни башы бла джюрюген.
- Аш кетер да бет къалыр.
- Сакъ юйюне сау барыр.
- Къалгъан ишге къар джауар.
- Кёзюнде тереги болгъан, чёбю болгъаннга кюле эди.
- Баргъанынга кёре болур келгенинг.
- Ашлыкъны арба юйге келтирир, чана базаргъа элтир.
- Келинин тута билмеген, къул этер, къызын тута билмеген, тул этер.
- Мураты болгъанны джюрек тебюую башхады.
- Кюлме джашха – келир башха.
- Ишленмеген джаш – джюгенсиз ат, ишленмеген къыз – тузсуз хант.
- Къарнынг ауруса, ауузунгу тый
- Байлыкъ тауусулур, билим тауусулмаз.
- Къыйынлы джети элге оноу этер.
- Ёлюк кебинсиз къалмаз.
- Джылкъыдан – ат чыгъар, тукъумдан – джаш чыгъар.
- Къыз тиширыу кеси юйюнде да къонакъды.
- Хар ишни да аллы къыйынды.
- Адебсиз адам – джюгенсиз ат.
- Эшекни не къадар тюйсенг да, ат болмаз.
- Чакъырылмагъан къонакъ тёрге атламаз.
- Акъыл сабырлыкъ берир.
- Ойнай билмеген, оюн бузар.
- Тёрени джагъы джокъ.
- Адамгъа аман кюн соруб келмейди.
- Иги сёз – джаннга азыкъ, аман сёз башха – къазыкъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Тенги кёбню джау алмаз, акъылы кёбню дау алмаз.
- Джерни букъусу кёкге къонмаз.
- Джыгъылгъанны сырты джерден тоймаз.
- Этни бети бла шорпасы.
- Тойну къарнашы – харс, джырны къарнашы – эжиу.
- Ёзденликни кёбю ётюрюк.
- Сабий кёргенин унутмаз.
- Келинни – келгинчи, бёркню кийгинчи кёр.
- Дженгил джетерикме деб, узун джолну къоюб, къысхасын барма.
- Кесинг сынамагъан затны, адамгъа буюрма.
