- Уллу суу бла уллу ауруудан башынгы сакъла.
- Сагъышы джокъ – джукъучу, акъылы джокъ – къаугъачы.
- Адамны бетине къарама, адетине къара.
- Кеси юйюмде мен да ханма.
- Сабий болмагъан джерде, мёлек болмаз.
- Хата – гитчеден.
- Джарлыны тону джаз битер.
- Тил джюрекге джол ишлейди.
- Эркишиге тары кебек танг кёрюнюр.
- Къарын къуру болса, джюрек уру болур.
- Ишни ахырын ойламай, аллын башлама.
- Таукел адам тау тешер.
- Айран тёгюлсе, джугъусу къалыр.
- Ёлюр джаннга, ёкюл джокъ.
- Билим къая тешер.
- Аманнга алтын чыдамаз.
- Рысхы – сют юсюнде кёмюк кибикди.
- Ауузу аманнга «иги», деме.
- Намысы болмагъанны, сыйы болмаз.
- Чакъырылмагъан къонакъ – орунсуз.
- Къатыны харакетли болса, эри къымсыз болур.
- Тамырсыз терекге таянма – джыгъылырса.
- Накъырда – кертини келечиси.
- Таукел къуру къалмаз.
- Ач келгенни – тойдур, кеч келгенни – къондур.
- Болджал ишни бёрю ашар.
- Байны оноуу, джарлыгъа джарамаз.
- Айтхан сёзюне табылгъан.
- Танг атмайма десе да, кюн къоярыкъ тюйюлдю.
- Эл бла кёргенинг эрелей.
- Кёз – сюйген джерде, къол – ауругъан джерде.
- Эшекге миннген – биринчи айыб, андан джыгъылгъан – экинчи айыб.
- Чёбню кёлтюрсенг, тюбюнден сёз чыгъар.
- Башда акъыл болмаса, эки аякъгъа кюч джетер.
- Аз сёлеш, кёб ишле.
- Босагъа таш юйге кирмей эди, тыбыр таш эшикге чыкъмай эди.
- Кёб къычыргъандан – къоркъма, тынч олтургъандан – къоркъ.
- Къызны минг тилер, бир алыр.
- Кёрмегеннге кебек – танг, битмегеннге сакъал – танг.
- Къуллукъчума, деб махтанма, къуллукъ – хаух джамчыды!
- Бир онгсуз адам адет чыгъарды, деб эштирик тюлсе.
- Джолунга кёре – джюрюшюнг, джагъанга кёре – юлюшюнг.
- Кюн – узун, ёмюр – къысха.
- Арпа, будай – ащды, алтын, кюмюш а – ташды.
- Тилчиден кери бол.
- Тыш элде солтан болгъандан эсе, кесинги элде олтан болгъан игиди!
- Ашарыкъда сайлагъаннга – чий гырджын.
- Къая джолда джортма, ачыкъ сёзден къоркъма.
- Къарнынг бла ёч алма.
- Ач отунчуну ачыуу – бурнунда.
Внимание!
Чат доступен только авторизованным пользователям.