Радио

Ариу сёзде ауруу джокъ.
Тилчи бир сагъатха айлыкъ хата этер.
Намыс болмагъан джерде, насыб болмаз.
Дуния мал дунияда къалады.
Борчунг бар эсе, хурджунунга ойлаб узал.
Ётюрюкден тюбю джокъ, кёлтюрюрге джиби джокъ.
Джогъун бар этген, барын бал этген.
Кёрмегеннге кебек – танг, битмегеннге сакъал – танг.
Уллу атлама – абынырса, уллу къабма – къарылырса.
Къан бла кирген, джан бла чыгъар.
Таш ата билмеген, башына урур.
Уллу айтханны этмеген – уллаймаз.
Юйюнгден чыкъдынг – кюнюнгден чыкъдынг.
Термилгенинги табмазса, кюлгенинге тюберсе.
Аш хазыр болса, иш харам болур.
Босагъа таш юйге кирмей эди, тыбыр таш эшикге чыкъмай эди.
Къая джолда джортма, ачыкъ сёзден къоркъма.
Рысхысына кёре, джаш ёсер, къышлыгъына кёре, мал ёсер.
Бал ашаргъа сюе эсенг, чибин ургъаннга тёз.
Нафысынгы айтханын этме, намысынгы айтханын эт.
Къонакъ болсанг, ийнакъ бол.
Уллу къазанда бишген эт, чий къалмаз.
Аджалсыз ёлюм болмаз.
Къызгъанчдан ычхыныр, мухардан ычхынмаз.
Билимли ёлмез, билимсиз кёрмез.
Ёлген аслан – сау чычхан.
Эрине къаргъыш этген къатын, эрнин къабар.
Урунуу – насыбны анасы.
Керти сёзге тёре джокъ.
Сютден ауузу кюйген, суугъа юфгюре эди.
Тюзлюк шохлукъну бегитир.
Джарлыны эшигин махтагъан джабар.
Гугук кесини атын айтыб къычыргъанча, мен, мен деб нек тураса?
Адамны аты башхача, акъылы да башхады.
Таукел къуру къалмаз.
Чарсда алчыны эл кёреди.
Башы джабылгъан челекге, кир тюшмез.
Къыйынлы джети элни къайгъысын этер.
Иги адамны бир сёзю эки болмаз.
Босагъагъа джууукъ орун болса, ашыгъыб тёрге озма.
Джол бла сёзню къыйыры джокъ.
Ханы къызы буюгъа-буюгъа киштик болду.
Артына баргъанны, къатына барма.
Ойнай-ойнай кёз чыгъар.
Окъугъан – асыу, окъумагъан – джарсыу.
Эл ауузу – элек, анга ийнаннган – халек.
Билеги кючлю, бирни джыгъар, билими кючлю, мингни джыгъар.
Сакъламагъан затынга джолукъсанг, не бек къууанаса, не бек ачыйса.
Иги – алгъыш этер, аман – къаргъыш этер.
Билим ат болуб да чабар, къуш болуб да учар.

Чат

Внимание!