Радио

Билеги кючлю, бирни джыгъар, билими кючлю, мингни джыгъар.
Келинни – келгинчи, бёркню кийгинчи кёр.
Ёлген эшек бёрюден къоркъмайды.
Ашыкъгъанны этеги бутуна чырмалыр.
Джолунга кёре – джюрюшюнг, джагъанга кёре – юлюшюнг.
Агъач – джерни чырайы, кийим – эрни чырайы.
Аман адам этегингден тутса, кес да къач.
Гитче джилтин уллу элни джандырыр.
Ариу джол аджал келтирмез.
Къыз келсе, джумуш эте келеди, къатын келсе, ушакъ эте келеди.
Къайгъыны сюйген, къайгъы табар.
Акъыл бла адеб эгизледиле.
Иги джашны ышаны – аз сёлешиб, кёб тынгылар.
Магъанасыз сёз – тауушсуз сыбызгъы.
Адамны сабийин сюйген джюреги, бычакъча, джитиди.
Нёгер болсанг, тенг бол, тенг болмасанг, кенг бол.
Джеринден айырылгъан – джети джылар, джуртундан айырылгъан – ёлгюнчю джылар.
Олтуруб кёрюнмей эди да, ёрге туруб кёрюне эди.
Джырчы ёлсе, джыры къалыр.
Аманнга игилик этсенг, юйюнге сау бармазса.
Кийимни бир кюнню аясанг, минг кюннге джарар.
Кёбню кёрген – кёб билир.
Ёзденликни джайгъан – джокълукъ.
Игини сыйлагъан адетди.
Къарт айтханны этмеген, къартаймаз.
Ачыу алгъа келсе, акъыл артха къалады.
Окъумагъан сокъурду, сокъур ташха абыныр!
Байлыкъ адамны сокъур этер.
Тёрени джагъы джокъ.
Ётюрюкню башын керти кесер.
Джюрек кёзден алгъа кёрюр.
Тилчи бир сагъатха айлыкъ хата этер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Атадан ёксюз – бир ёксюз, анадан ёксюз – эки ёксюз.
Къонагъы джокъну – шоху джокъ.
Ачны эсинде – аш.
Ёксюзню тилеги къабыл болур.
Насыблы элин сюер, насыбсыз кесин сюер.
Окъугъан озар, окъумагъан тозар.
Хар зат кесини орнуна иги.
Джарлыны эшигин махтагъан джабар.
Ана кёлю – балада, бала кёлю – талада.
Чыкълы кюнде чыкъмагъан, чыкъса къуру кирмеген.
Малны кют, джерни тюрт.
Накъырда – кертини келечиси.
Мухар, кеси тойса да, кёзю тоймаз.
Сабий кёргенин унутмаз.
Хунаны тюбюн къазсанг, юсюнге ауар.
Джол бла сёзню къыйыры джокъ.
Сёз садакъдан кючлюдю.

Чат

Внимание!