- Адам къыйынлыгъын кёлтюрюр, зауукълугъун кёлтюрмез.
- Джахил болса анасы, не билликди баласы?
- Айран тёгюлсе, джугъусу къалыр.
- Гугурук къычырмаса да, тангны атары къалмаз.
- Къонакъ кёб келюучю юйню, къазаны отдан тюшмез.
- Эшекге миннген – биринчи айыб, андан джыгъылгъан – экинчи айыб.
- Алма терегинден кери кетмез.
- Тил бла келеди джыр да.
- Джашны джигитлиги сорулур, къызны джигерлиги сорулур.
- Адам къаллай бир ишленмесе, аллай бир кесин уллу кёреди.
- Терек ауса, отунчу – кёб.
- Сакъалы текени да бар, мыйыгъы киштикни да бар.
- Сютден ауузу кюйген, суугъа юфгюре эди.
- Ата – баланы уясы.
- Адам боллукъ, атламындан белгили болур.
- Кийимни бичсенг, кенг бич, тар этген къыйын тюлдю.
- Ата Джуртун танымагъан, атасын да танымаз.
- Джиби бир къат джетмей эди да, эки къат тарта эди.
- Аш иеси бла татлыды.
- Ариу – кёзге, акъыл – джюрекге.
- Чёбню кёлтюрсенг, тюбюнден сёз чыгъар.
- Кёбню кёрген – кёб билир.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чабакъ башындан чирийди.
- Айырылмаз джууугъунга, унутмаз сёзню айтма.
- Чалманны аллы къалай башланса, арты да алай барады.
- Тёзгеннге, джабылгъан эшик ачылыр.
- Тойгъан антын унутур.
- Бек ашыкъгъан меннге джетсин, дегенди аракъы.
- Тилчи тилден къаныкъмаз.
- Къралынгы – душмандан, башынгы от бла суудан сакъла.
- Мал тутхан – май джалар.
- Юйлю уругъа ит чабмаз.
- Байны къызы баймакъ болса да, юйде къалмаз!
- Ашлыкъны арба юйге келтирир, чана базаргъа элтир.
- Тойну къарнашы – харс, джырны къарнашы – эжиу.
- Келинни – келгинчи, бёркню кийгинчи кёр.
- Тюзлюк шохлукъну бегитир.
- Къуру гыбыт бек дыгъырдар.
- Сёлеш деб шай берген, тохта деб, сом берген.
- Накъырданы арты керти болур.
- Ёлюр джаннга, ёкюл джокъ.
- Билим – акъылны чырагъы.
- Къарт болгъан джерде, берекет болур, сабий болгъан джерде, оюн болур.
- Къар – келтирди, суу – элтди.
- Ишин билген, аны сыйын чыгъарады.
- Нарт сёз къарт болмаз.
- Ата – билек, ана – джюрек!
- Джолунга кёре – джюрюшюнг, джагъанга кёре – юлюшюнг.
- Ауузу аманнга «иги», деме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72