- Ат басханны джер билед.
- Окъуусуз билим – джокъ, билимсиз кюнюнг – джокъ.
- Окъугъан озар, окъумагъан тозар.
- Къатын къылыкъсыз, эр тынчлыкъсыз.
- Тау башында, тау болмаз, джангыз терек, бау болмаз.
- Дженгил джетерикме деб, узун джолну къоюб, къысхасын барма.
- Ишлегенден, къарагъан уста.
- Эркишиге тары кебек танг кёрюнюр.
- Кийимни бичсенг, кенг бич, тар этген къыйын тюлдю.
- Азыкълы ат арымаз, къатыны аман джарымаз.
- Къарнынг къанлынга кийирир.
- Бойнуму джети джерден кессенг да, мен ол ишни этеллик тюлме.
- Биреуге кёлтюрген таягъынг, кесинги башынга урур.
- Аджалсыз ёлюм болмаз.
- Чомарт къонакъ юй иесин сыйлар.
- Аууздан келген, къолдан келсе, ким да патчах болур эди.
- Таукел тауну аудурур.
- Аманнга да, игиге да оноусуз къатышма.
- Ойнай билмеген, уруб къачар.
- Чакъырылмагъан къонакъ къачан кетерин сормаз.
- Къонакъ хазыр болгъанлыкъгъа, къонакъбай хазыр тюлдю.
- Адам къаллай бир ишленмесе, аллай бир кесин уллу кёреди.
- Джарлы эскисин джамаса, къууаныр.
- Ариу сёз аурууунгу алыр.
- Махтаннган къыз, тойда джукълар.
- Мухар, кеси тойса да, кёзю тоймаз.
- Эр абынмай, эл танымаз.
- Къарнынг ауруса, ауузунгу тый
- Кёл ашады да, кеси ашады.
- Бозаны арты дауур болур.
- Сибиртки да сыйлы болду, кюрек да кюнлю болду.
- Ушамагъан – джукъмаз.
- Ойнаб айтсанг да, эслеб айт.
- Джангыз терек къынгыр ёсер.
- Экиндини кеч къылсанг, чабыб джетер ашхам.
- Суу кетер, таш къалыр.
- Айырылгъанланы айю ашар, бёлюннгенлени бёрю ашар.
- Таш ата билмеген, башына урур.
- Къобан да къуру да къобханлай турмайды, адам да къуру да патчахлай турмайды.
- Акъыл аздырмаз, билим тоздурмаз.
- Ата джурт – алтын бешик.
- Арпа, будай – ащды, алтын, кюмюш а – ташды.
- Таукел адам тау тешер.
- Тамырсыз терекге таянма – джыгъылырса.
- Юйюнгден чыкъдынг – кюнюнгден чыкъдынг.
- Минг тенг да азды, бир джау да кёбдю.
- Къралынгы – душмандан, башынгы от бла суудан сакъла.
- Юреннген ауруу къалмаз.
- Ачны эсинде – аш.
- Къартха ушагъан джаш – акъыллы, джашха ушагъан къарт – тели.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72