- Чыбыкълыкъда бюгюлмеген, къазыкълыкъда бюгюлмей эди.
- Къызын тута билмеген, тул этер, джашын тута билмеген, къул этер.
- Къолу уллу – асыу, аягъы уллу – джарсыу.
- Элге къуллукъ этмеген, элге ие болмаз.
- Ишлегенден, къарагъан уста.
- Хар адамгъа кеси миннген тау кибик.
- Элиб деген, элге болушур.
- Тиширыусуз юй – отсуз от джагъа.
- Огъурлуну сёзю – суу, огъурсузну сёзю – уу.
- Келинни – келгинчи, бёркню кийгинчи кёр.
- Хатерли къул болур.
- Аджашханны ызындагъы кёреди, джангылгъанны джанындагъы биледи.
- Чалманны аллы къалай башланса, арты да алай барады.
- Илму – джашауну джолу.
- Эл тойса, тоймагъан, эл къойса, къоймагъан.
- Чабакъгъа акъыл, табагъа тюшсе келеди.
- Байдан умут эте, джарлыдан ёгюз багъасы къорады.
- Къуллукъчума, деб махтанма, къуллукъ – хаух джамчыды!
- Къарнынг бла ёч алма.
- Башы джабылгъан челекге, кир тюшмез.
- Къызбайны юйюне дери сюрсенг, батыр болур.
- Къонакъ болсанг, ийнакъ бол.
- Таш бла ургъанны, аш бла ур.
- Таш ата билмеген, башына урур.
- Гыдай эчки суугъа къараб, мюйюзле кёрмесе, джашма алкъын, дегенди.
- Къарны аманнга къазан такъдырма, къолу аманнга от джакъдырма.
- Окъуу – билимни ачхычы, окъуу – дунияны бачхычы.
- Аманны эки битли тону болур, бирин сеннге кийдирир, бирин кеси киер.
- Эри аманны, къатыны – аман.
- Аллахха ийнаннган кишини, Аллах онгдурур ишин.
- Эртде тургъан джылкъычыны эркек аты тай табар.
- Суугъа – чабакъ, къаягъа – ыргъакъ.
- Таула не мийик болсала да, аууш табылыр.
- Ана кёлю – балада, бала кёлю – талада.
- Кёб джашагъан – кёб билир.
- Бек ашыкъгъан меннге джетсин, дегенди аракъы.
- Иесиз малны бёрю ашар.
- Аман адамны тепсинге олтуртсанг, къызынгы тилер.
- Тёзген – тёш ашар!
- Босагъагъа джууукъ орун болса, ашыгъыб тёрге озма.
- Джашынгы кесинг юретмесенг, джашау юретир.
- Джырчы джырчыгъа – къарнаш.
- Джан саулукъ бермей, сан саулукъ бермезсе.
- Кийимни бичсенг, кенг бич, тар этген къыйын тюлдю.
- Сёз – кюмюш, джыр – алтын.
- Ханнга да келеди хариблик.
- Ашатыргъа иш – ашхы, ишлетирге аш – ашхы.
- Адамны аты башхача, акъылы да башхады.
- Таякъ этден ётер, тил сюекден ётер.
- Ауругъаннга – кийик саулукъ, джетген къызгъа – чилле джаулукъ.
Внимание!
Чат доступен только авторизованным пользователям.