Эльбрусоид :: Форум :: Архив форумов

Бюгюн дуния кибик, тамбла ахыратды.
Кесине гебен этелмеген, биреуге черен эте эди.
Сабийни джумушха джибер да, ызындан бар.
Къатын къылыкъсыз, эр тынчлыкъсыз.
Ётюрюкню къуйругъу – бир тутум.
От кюйдюрген, сау болса да, тот кюйдюрген, сау болмаз.
Тилсиз миллет джокъ болур.
Керилген да, ургъан кибикди.
Ёлген ийнек сютлю болур.
Телиге от эт десенг, юйюнге от салыр.
Акъыл аздырмаз, билим тоздурмаз.
Къуру гыбыт бек дыгъырдар.
Билим ат болуб да чабар, къуш болуб да учар.
Джюрекден джюрекге джол барды.
Ариу сёз джыланны орнундан чыгъарыр.
Кёлсюзден сёзсюз тууар.
Малны кют, джерни тюрт.
Зар адамны насыбы болмаз.
Джумушакъ терекни къурт ашар.
Тенги кёбню джау алмаз, акъылы кёбню дау алмаз.
Къартны сыйын кёрмеген, къартлыгъында сыйлы болмаз.
Этни да ашады, бетни да ашады.
Келинин тута билмеген, къул этер, къызын тута билмеген, тул этер.
Эл тойса, тоймагъан, эл къойса, къоймагъан.
Адам сёзюнден белгили.
Джылкъыдан – ат чыгъар, тукъумдан – джаш чыгъар.
Къайгъы тюбю – тенгиз.
Ачыкъ джюрекге джол – ачыкъ.
Чакъырылмагъан къонакъ къачан кетерин сормаз.
Азыкъ аз болса, эртде орун сал.
Ётюрюкню башын керти кесер.
Атлыны ашхысы, ат тизгининден билинир
Джылыгъа джылан илешир.
Кёрмегеннге кебек – танг, битмегеннге сакъал – танг.
Аджалсыз ёлюм болмаз.
Джылар джаш, атасыны сакъалы бла ойнар.
Хата – гитчеден.
Айран ичген – къутулду, джугъусун джалагъан – тутулду.
Тойгъа алгъа да барма, тойда артха да къалма.
Сыфатында болмагъаны, суратында болмаз.
Аш кетер да бет къалыр.
Тойчу джашха къарама, къойчу джашха къара.
Ашха уста, юйюнде болсун
Къуллукъчума, деб махтанма, къуллукъ – хаух джамчыды!
Магъанасыз сёз – тауушсуз сыбызгъы.
Сакъалы текени да бар, мыйыгъы киштикни да бар.
Баланы адам этген анады.
Аманнга да, игиге да оноусуз къатышма.
Эркишини аманы тиширыуну джылатыр.
Чалманны аллы къалай башланса, арты да алай барады.

Логин:
Пароль:
	Запомнить меня на этом компьютере

Забыли свой пароль?
Регистрация