- Ишлемеген – тишлемез.
- Тойгъан антын унутур.
- Ата джурт – алтын бешик.
- Къыйынлы джети элни къайгъысын этер.
- Акъыл аздырмаз, билим тоздурмаз.
- Джаш болсун, къыз болсун, акъылы, саны тюз болсун.
- Алгъанда – джууукъ, бергенде – джау.
- Ауузу бла къуш тута айланады.
- Кийимни бичсенг, кенг бич, тар этген къыйын тюлдю.
- От кюйдюрген, сау болса да, тот кюйдюрген, сау болмаз.
- Къайгъы тюбю – тенгиз.
- От этилмеген джерден тютюн чыкъмайды.
- Билгенни къолу къарны джандырыр.
- Ашхылыкъ джерде джатмайды, аманлыкъ суугъа батмайды.
- Кюн кёрмеген, кюн кёрсе, кюндюз чыракъ джандырыр.
- Башы ишлегенни, ауузу да ишлер.
- Элиб деген, элге болушур.
- Сютден ауузу кюйген, суугъа юфгюре эди.
- Ач келгенни – тойдур, кеч келгенни – къондур.
- Адеб этмеген, адеб кёрмез.
- Ауругъаннга – кийик саулукъ, джетген къызгъа – чилле джаулукъ.
- Джангыз торгъай джырламаз.
- Адам къыйынлыгъын кёлтюрюр, зауукълугъун кёлтюрмез.
- Ёгюзню мюйюзюнден тутадыла, адамны сёзюнден тутадыла.
- Билимден уллу байлыкъ джокъду.
- Хоншуну тауугъу къаз кёрюнюр, келини къыз кёрюнюр.
- Туз, гырджын аша, тюзлюк бла джаша.
- Элге къуллукъ этмеген, элге ие болмаз.
- Оюмсуз атлагъан, аджалсыз ёлюр.
- Кёзден кетген, кёлден да кетеди.
- Ач къарынны, токъ билмез
- Нёгер болсанг, тенг бол, тенг болмасанг, кенг бол.
- Ауурну тюбю бла, дженгилни башы бла джюрюген.
- Ишни ахырын ойламай, аллын башлама.
- Арыгъан къош чамчы болур.
- Болджал ишни бёрю ашар.
- Ариу – кёзге, акъыл – джюрекге.
- Окъ къызбайны джокълайды.
- Къулакъдан эсе, кёзге ышан.
- Кёбге таш атма.
- Ёксюзню къалачы уллу кёрюнюр.
- Акъдан къара болмаз.
- Тешигини къатында, чычхан да батыр болур.
- Чомартны къолун джокълукъ байлар.
- Къонакъ болсанг, ийнакъ бол.
- Эли джокъну – кёлю джокъ.
- Ёлюк кебинсиз къалмаз.
- Битмегеннге сакъал – танг.
- Нёгерсизни джолу узун.
- Джылыгъа джылан илешир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72