- Атадан ёксюз – бир ёксюз, анадан ёксюз – эки ёксюз.
- Кёбню кёрген – кёб билир.
- Адеб этмеген, адеб кёрмез.
- Ойнай билмеген, уруб къачар.
- Къонакъ болсанг, ийнакъ бол.
- Тилсиз миллет джокъ болур.
- Аякъларынгы джууургъанынга кёре узат.
- Джыланны къуйругъундан басарынг келсе, аны башы болгъанын унутма.
- Ана кёлю – балада, бала кёлю – талада.
- Элни кючю – эмеген.
- Тура эдим джата, къайдан чыкъды хата?
- Билгенни къолу къарны джандырыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Баш – акъыл ючюн, акъылман – халкъ ючюн.
- Кёб джат да, бек чаб.
- Акъыллы башны – тили къысха.
- Биреуню эскиси биреуге джангы болмайды.
- Къазанны башы ачыкъ болса, итге уят керекди.
- Тойгъа барсанг, тоюб бар, эски тонунгу къоюб бар.
- Байны оноуу, джарлыгъа джарамаз.
- Ауузу бла къуш тута айланады.
- Аурууну келиую тынч, кетиую – къыйын.
- Соргъан айыб тюлдю, билмеген айыбды.
- Тенги кёбню джау алмаз, акъылы кёбню дау алмаз.
- Ёлген эшек бёрюден къоркъмайды.
- Кенгеш болса, уруш болмаз.
- Эшекге миннген – биринчи айыб, андан джыгъылгъан – экинчи айыб.
- Къарны аманнга къазан такъдырма, къолу аманнга от джакъдырма.
- Биреуню къыйынлыгъы бла кесинге джол ишлеме.
- Къыйынлы джети элни къайгъысын этер.
- Ашда уялгъан – мухар, ишде уялгъан – хомух.
- Тели турса – той бузар.
- Джюрекге ариу – кёзге да ариу.
- Чабакъгъа акъыл, табагъа тюшсе келеди.
- Адеб базарда сатылмаз.
- Къызгъанчдан ычхыныр, мухардан ычхынмаз.
- Аман эсирсе, юйюн ояр.
- Айраннга суу къош, телиге джол бош.
- Джашны джигитлиги сорулур, къызны джигерлиги сорулур.
- Келгинчи, къонакъ уялыр, келгенден сора, къонакъбай уялыр.
- Душманны тышы – акъ, ичи – къара.
- Ишленмеклик адамлыкъды.
- Аман адам элни бир-бирине джау этер.
- Мал тутхан – май джалар.
- Айныгъанлы алты кюн, тогъайгъанлы тогъуз кюн.
- Мени джылытмагъан кюн, меннге тиймесин!
- Джахил болса анасы, не билликди баласы?
- Чомартха хар кюн да байрамды.
- Ётюрюк хапар аякъ тюбю бла джюрюйдю.
- Игиге айтсанг – билир, аманнга айтсанг – кюлюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72