- Адамны сыфатына къарама, сёзюне къара.
- Къумурсхала джыйылсала, пилни да джыгъадыла.
- Бичгенде ашыкъма, тикгенде ашыкъ.
- Тин – байлыгъынг, терен саулугъунг.
- Ауузу бла къуш тута айланады.
- Ачыу алгъа келсе, акъыл артха къалады.
- Иги бла джюрюсенг, джетерсе муратынга, аман бла джюрюсенг, къалырса уятха.
- Билимсиз иш бармаз.
- Сабий болмагъан джерде, мёлек болмаз.
- Джашны джигитлиги сорулур, къызны джигерлиги сорулур.
- Хата – гитчеден.
- Адебсиз адам – джюгенсиз ат.
- Атадан ёксюз – бир ёксюз, анадан ёксюз – эки ёксюз.
- Билим насыб берир, билим джолну керир.
- Ёлген аслан – сау чычхан.
- Ач келгенни – тойдур, кеч келгенни – къондур.
- Кёб джат да, бек чаб.
- Къонакъ кёб келюучю юйню, къазаны отдан тюшмез.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тёзгеннге, джабылгъан эшик ачылыр.
- Ариу сёз аурууунгу алыр.
- Тойчу джашха къарама, къойчу джашха къара.
- Экеулен сёлеше тура эселе, орталарына барыб кирме.
- Джангыз торгъай джырламаз.
- Сабийни джумушха джибер да, ызындан бар.
- Экеу тутушса, биреу джыгъылыр.
- Накъырда – кертини келечиси.
- Аманнга игилик этсенг, юйюнге сау бармазса.
- Аджашхан тёгерек айланыр.
- Ашхы сёз таш тешер.
- Бозаны арты дауур болур.
- Айырылгъанланы айю ашар, бёлюннгенлени бёрю ашар.
- Туз, гырджын аша, тюзлюк бла джаша.
- Зарда марда джокъ.
- Мени джылытмагъан кюн, меннге тиймесин!
- Кёзден кетген, кёлден да кетеди.
- Ышармагъан – кюлмез, кюлмеген – къууанчны билмез.
- Кийиминг бла танылма, адамлыкъ бла таныл.
- Кёл ашады да, кеси ашады.
- Чомарт къонакъ юй иесин сыйлар.
- Къайгъы тюбю – тенгиз.
- Кёлю джокъну – джолу джокъ.
- Нёгерсизни джолу узун.
- Эки итни арасына сюек атма, эки адамны арасында сёз чыгъарма.
- Башда акъыл болмаса, эки аякъгъа кюч джетер.
- Аджаллыгъа окъсуз шкок атылыр.
- Суу кетер, таш къалыр.
- Таякъ этден ётер, тил сюекден ётер.
- Къанны къан бла джуума, аманны аман бла къуума.
- Кёрмегеннге кебек – танг, битмегеннге сакъал – танг.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72