- Аман адам элни бир-бирине джау этер.
- Намысы джокъну – дуниясы джокъ.
- Ашын ашагъанынгы, башын да сыйла.
- Баш болса, бёрк табылыр.
- Ата Джуртуму башы болмасам да, босагъасында ташы болайым.
- Сабийликде юретмесенг, уллу болса – тюзелмез.
- Ишленмеклик адамлыкъды.
- Сангырау къулакъ эл бузар.
- Башда акъыл болмаса, эки аякъгъа кюч джетер.
- Ач отунчуну ачыуу – бурнунда.
- Уллу къашыкъ эрин джыртар.
- Хатерли къул болур.
- Намыс сатылыб алынмайды.
- Къулакъдан эсе, кёзге ышан.
- Садакъачыны джаны – къапчыгъында.
- Уллу суу бла уллу ауруудан башынгы сакъла.
- Къанны къан бла джуума, аманны аман бла къуума.
- Тойгъан джерден туугъан джер игиди.
- Ким бла джюрюсенг, аны кёзю бла кёрюнюрсе.
- Окъугъанны бети джарыкъ.
- Ашына кёре табагъы, балына кёре къалагъы.
- Ишлемеген – тишлемез.
- Аз айтсам, кёб ангылагъыз.
- Хата – гитчеден.
- Арпа, будай – ащды, алтын, кюмюш а – ташды.
- Байлыкъ адамны сокъур этер.
- Этим кетсе да, сюегим къалыр.
- «Ма», - дегенни билмесенг, «бер», - дегенни билмезсе.
- Тёзген – тёш ашар!
- Ёлген аслан – сау чычхан.
- Къоркъакъны кёзю экили кёрюр.
- Башы джабылгъан челекге, кир тюшмез.
- Юйлю уругъа ит чабмаз.
- Ётюрюкню башын керти кесер.
- Бал ашаргъа сюе эсенг, чибин ургъаннга тёз.
- Биреу къой излей, биреу той излей.
- Эки итни арасына сюек атма, эки адамны арасында сёз чыгъарма.
- Билген билмегенни юретген адетди.
- Эр абынмай, эл танымаз.
- Башланнган иш битер, къымылдагъан тиш тюшер.
- Нёгер болсанг, тенг бол, тенг болмасанг, кенг бол.
- Айран тёгюлсе, джугъусу къалыр.
- Кюлме джашха – келир башха.
- Эл тойса, тоймагъан, эл къойса, къоймагъан.
- Билмезни кёзю кёрмез, этмезни къулагъы эшитмез.
- Акъыллы айтыр эди, акъылсыз къоймайды.
- Адам къаллай бир ишленмесе, аллай бир кесин уллу кёреди.
- Термилгенинги табмазса, кюлгенинге тюберсе.
- Ариу сёзде ауруу джокъ.
- Чомартха Тейри да борчлуду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72