- Кечеси – аяз, кюню – къыш, джарлы къаргъагъа бир аш тюш!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тойгъа барсанг, тоюб бар, эски тонунгу къоюб бар.
- Aдам боллукъ, сыфатындан белгили.
- Элде адам къалмаса, ит тахтагъа минер.
- Тилчи бир сагъатха айлыкъ хата этер.
- Ариу – кёзге, акъыл – джюрекге.
- Ашарыкъда сайлагъаннга – чий гырджын.
- Адеб джокъда, намыс джокъ.
- Сютню башын джалагъан къутулур, тюбюн ичген тутулур.
- Абынмазлыкъ аякъ джокъ, джангылмазлыкъ джаякъ джокъ.
- Биреуге аманлыкъ этиб, кесинге игилик табмазса.
- Хоншуну тауугъу къаз кёрюнюр, келини къыз кёрюнюр.
- Джюрекге ариу – кёзге да ариу.
- Атынг аманнга чыкъгъандан эсе, джанынг тамагъынгдан чыкъсын.
- Ауругъан – джашаудан умутчу.
- Къолу уллу – асыу, аягъы уллу – джарсыу.
- Атлыны кёрсе, джаяуну буту талыр.
- Къатын къылыкъсыз, эр тынчлыкъсыз.
- Чыкълы кюнде чыкъмагъан, чыкъса къуру кирмеген.
- Акъыллы – эл иеси, тели – эл баласы.
- Къарт болгъан джерде, берекет болур, сабий болгъан джерде, оюн болур.
- Эли джокъну – кёлю джокъ.
- Ачлыкъ отха секиртир.
- Ишге юренсин къоллары, халкъ бла болсун джоллары.
- Кесине оноу эте билмеген, халкъына да эте билмез.
- Туз, гырджын аша, тюзлюк бла джаша.
- Этни бети бла шорпасы.
- Джангыз торгъай джырламаз.
- Юреннген ауруу къалмаз.
- Эки къатын алгъан – эки ташны ортасына башын салгъан.
- Къызны минг тилер, бир алыр.
- Ёзденликни джайгъан – джокълукъ.
- Ауругъаннга – кийик саулукъ, джетген къызгъа – чилле джаулукъ.
- Тёрде – темир таякълы, къаяда – чыпчыкъ аякълы.
- Ач келгенни – тойдур, кеч келгенни – къондур.
- Къайгъы тюбю – тенгиз.
- Зар адам ашынгы ашар, кесинги сатар.
- Намыс болмагъан джерде, насыб болмаз.
- Шайтан алдады, тюзлюк къаргъады.
- Джаханимни кёрмей, джандетге кёл салмазса.
- Онгсузну – джакъла, тенгликни – сакъла.
- Асхат ашлыкъ сата, юйдегиси ачдан къата.
- Агъач – джерни чырайы, кийим – эрни чырайы.
- Кюл тюбюндеги от кёрюнмейди.
- Этек чакъмакълары баш джаргъан, сёлешген сёзлери таш джаргъан.
- Джыланны къуйругъундан басарынг келсе, аны башы болгъанын унутма.
- Къыз чыгъаргъан – къызыл къымжа.
- Ауурну тюбю бла, дженгилни башы бла джюрюген.
- Адам туугъан джеринде, ит тойгъан джеринде.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72