Эльбрусоид :: Форум :: Архив форумов

Дууулдаса – бал чибин, къонса – къара чибин.
Ичимден чыкъды хата, къайры барайым сата?
Аджашханны ызындагъы кёреди, джангылгъанны джанындагъы биледи.
Тёгюлген тюгел джыйылмайды.
Эм уллу байлыкъ – джан саулукъ.
Элни кючю – эмеген.
Аууздан келген, къолдан келсе, ким да патчах болур эди.
Джарашыу сюйген – джалынчакъ.
Термилгенинги табмазса, кюлгенинге тюберсе.
Башсыз урчукъ тюзюне айланмаз.
Соргъан айыб тюлдю, билмеген айыбды.
Зар адам ашынгы ашар, кесинги сатар.
Ач уят къоймаз.
Биреуню эскиси биреуге джангы болмайды.
Намыс болмагъан джерде, насыб болмаз.
Агъач халкъгъа алтынды, иссиликге салкъынды.
Адамны артындан къара сабан сюрме.
Ашхы болсанг, атынг чыгъар, аман болсанг, джанынг чыгъар.
Шапа кёб болса, аш татымсыз болур.
Аман къатын алгъан, арыр, иги къатын алгъан джарыр.
Экеу тутушса, биреу джыгъылыр.
Керилген да, ургъан кибикди.
Ач къарным, тынч къулагъым.
Бет бетге къараса, бет да джерге къарар.
Къуру гыбыт бек дыгъырдар.
Джылкъыдан – ат чыгъар, тукъумдан – джаш чыгъар.
Уллу суу бла уллу ауруудан башынгы сакъла.
Ашда уялгъан – мухар, ишде уялгъан – хомух.
Тиширыусуз юй – отсуз от джагъа.
Хата – гитчеден.
Адам туугъан джеринде, ит тойгъан джеринде.
Чомартны къолун джокълукъ байлар.
Къызгъанчдан ычхыныр, мухардан ычхынмаз.
Ишленмеген джаш – джюгенсиз ат, ишленмеген къыз – тузсуз хант.
Ач бёрюге мекям джокъ.
Ашхы тенг джолгъа салыр, аман тенг джолдан тайдырыр.
Танг атмайма десе да, кюн къоярыкъ тюйюлдю.
Къызны минг тилер, бир алыр.
Тели турса – той бузар.
Ойнай билмеген, уруб къачар.
Адамны сабийин сюйген джюреги, бычакъча, джитиди.
Уясында не кёрсе, учханында аны этер.
Ёзденликни кёбю ётюрюк.
Кюлме джашха – келир башха.
Башланнган иш битер, къымылдагъан тиш тюшер.
Аш кетер да бет къалыр.
Тёзгеннге, джабылгъан эшик ачылыр.
Джаш къарыу бла кючлю, къарт акъыл бла кючлю.
Къозулугъунда тоймагъан, къойлугъунда тоймаз.
Юреннген ауруу къалмаз.

Логин:
Пароль:
	Запомнить меня на этом компьютере

Забыли свой пароль?
Регистрация