- Шайтан алдады, тюзлюк къаргъады.
- Билмейме деген – бир сёз
- Бет бетге къараса, бет да джерге къарар.
- Кёб къычыргъандан – къоркъма, тынч олтургъандан – къоркъ.
- Джарлыны тону джаз битер.
- Келлик заман – къартлыкъ келтирир, кетген заман – джашлыкъ ёлтюрюр.
- Ёлген эшек бёрюден къоркъмайды.
- Харам къарнашдан, халал тенг ашхы.
- Эллинг бла джау болсанг да, юйюнг бла джау болма.
- Аш кетер да бет къалыр.
- Къарнынг ауруса, ауузунгу тый
- Тилчи тилден къаныкъмаз.
- Айырылгъанланы айю ашар, бёлюннгенлени бёрю ашар.
- Чыбыкълыкъда бюгюлмеген, къазыкълыкъда бюгюлмей эди.
- Кесинг сынамагъан затны, адамгъа буюрма.
- Къартны бурнун сюрт да, оноугъа тут.
- Билим къая тешер.
- Кесине гебен этелмеген, биреуге черен эте эди.
- Ауурну тюбю бла, дженгилни башы бла джюрюген.
- Адамны адамлыгъы къыйынлыкъда айгъакъланады.
- Бек анасы джыламаз.
- Ачылгъан эт джабылыр, кёрген кёз унутмаз.
- Бир абыннган – минг сюрюнюр.
- Къыз тиширыу кеси юйюнде да къонакъды.
- Чомартха хар кюн да байрамды.
- Къууут – джелге, берне – бошха.
- Хар адамгъа кеси миннген тау кибик.
- Кёб джат да, бек чаб.
- Ауругъаннга – кийик саулукъ, джетген къызгъа – чилле джаулукъ.
- Соргъан айыб тюлдю, билмеген айыбды.
- Адамны аманы адамны бети бла ойнар.
- Аджашхан тёгерек айланыр.
- Эр абынмай, эл танымаз.
- Элни кючю – эмеген.
- Тилчи бир сагъатха айлыкъ хата этер.
- Кюн – узун, ёмюр – къысха.
- Туз, гырджын аша, тюзлюк бла джаша.
- Кирсизни – саны таза, халалны – къаны таза.
- Aдам боллукъ, сыфатындан белгили.
- Тенги кёбню джау алмаз, акъылы кёбню дау алмаз.
- Ариу джол аджал келтирмез.
- Алтыннга тот къонмаз.
- Эр сокъур болсун, къатын тилсиз болсун.
- Кёб ант этген, кёб ётюрюк айтыр.
- Орундукъ тюбюнде атылсам да, орта джиликме, де да айлан.
- Байлыкъдан саулукъ ашхыды.
- Мал тутхан – май джалар.
- Ишин билген, аны сыйын чыгъарады.
- Бал чибинни ургъаны – ачы, балы – татлы.
- Этим кетсе да, сюегим къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72