- Джумушакъ терекни къурт ашар.
- Хар адамгъа кеси миннген тау кибик.
- Таукел адам тау тешер.
- Урама да – ёледи, сатама да – келеди.
- Биреуню тёрюнден, кесинги эшик артынг игиди.
- Къарнынг бла ёч алма.
- Аманнга игилик этсенг, юйюнге сау бармазса.
- Билген билмегенни юретген адетди.
- Агъач халкъгъа алтынды, иссиликге салкъынды.
- Башсыз урчукъ тюзюне айланмаз.
- Билими азны – ауузунда кирит.
- Кесинге джетмегенни, кёб сёлешме.
- Къуллукъчума, деб махтанма, къуллукъ – хаух джамчыды!
- Берекет берсин деген джерде, берекет болур.
- Биреуню эскиси биреуге джангы болмайды.
- Босагъа таш юйге кирмей эди, тыбыр таш эшикге чыкъмай эди.
- Кимни – тили, тиши онглу, кимни – къолу, иши онглу.
- Накъырда – кертини келечиси.
- Тойгъа барсанг, тоюб бар, эски тонунгу къоюб бар.
- Ётюрюкню башын керти кесер.
- Аджал соруб келмез, келсе, къайтыб кетмез.
- Къонакъны къачан кетерин сорма, къачан келлигин сор.
- Эрине къаргъыш этген къатын, эрнин къабар.
- Ауругъаннга – кийик саулукъ, джетген къызгъа – чилле джаулукъ.
- Баш болса, бёрк табылыр.
- Ашда уялгъан – мухар, ишде уялгъан – хомух.
- Бетинги сатма, малынгы сат.
- Аз айтсам, кёб ангылагъыз.
- Уллу сёлешме да, уллу къаб.
- Гугук кесини атын айтыб къычыргъанча, мен, мен деб нек тураса?
- Элге къуллукъ этмеген, элге ие болмаз.
- Иги адамны бир сёзю эки болмаз.
- Байлыкъдан саулукъ ашхыды.
- Ишни ахырын ойламай, аллын башлама.
- Ёнгкюч къууана барыр, джылай келир.
- Халкъны джырын джырласанг, халкъ санга эжиу этер.
- Кёбню кёрген – кёб билир.
- Тилчи бир сагъатха айлыкъ хата этер.
- Джукъу тёшек сайламайды.
- Бети къызарыучу адамны, джюреги харам болмаз.
- Ариу сёз – джаннга азыкъ, аман сёз – башха къазыкъ.
- Къызын тута билмеген, тул этер, джашын тута билмеген, къул этер.
- Игиге айтсанг – билир, аманнга айтсанг – кюлюр.
- Билмезни кёзю кёрмез, этмезни къулагъы эшитмез.
- Джылар джаш, атасыны сакъалы бла ойнар.
- Къарт бла баш аша, джаш бла аякъ аша.
- Ашха уста, юйюнде болсун
- Тойчу джашха къарама, къойчу джашха къара.
- Къонагъынгы артмагъын алма да, алгъышын ал.
- Дууулдаса – бал чибин, къонса – къара чибин.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72