Эльбрусоид :: Форум :: Архив форумов

Ариу – кёзге, акъыл – джюрекге.
Намыс болмагъан джерде, насыб болмаз.
Ата джурт – алтын бешик.
Ач бёрюге мекям джокъ.
Онгсузну – джакъла, тенгликни – сакъла.
Аман къатын сабий табса, бий болур…
Сакъалы текени да бар, мыйыгъы киштикни да бар.
Ариу сёз – джаннга азыкъ, аман сёз – башха къазыкъ.
Ауузу аманнга «иги», деме.
Аджашхан тёгерек айланыр.
Билими азны – ауузунда кирит.
Джырына кёре эжиую.
Кёлю джокъну – джолу джокъ.
Къар – келтирди, суу – элтди.
Сагъышы джокъ – джукъучу, акъылы джокъ – къаугъачы.
Халкъны джырын джырласанг, халкъ санга эжиу этер.
Ханнга да келеди хариблик.
Чабар ат – джетген къыз.
Кёбню кёрген – кёб билир.
Тешигини къатында, чычхан да батыр болур.
Къонакъ аман болса, къонакъбай джунчур
Чакъырылмагъан къонакъ – орунсуз.
Сабийни джумушха джибер да, ызындан бар.
Ата Джуртун танымагъан, атасын да танымаз.
Оюмсуз атлагъан, аджалсыз ёлюр.
Башы ишлегенни, ауузу да ишлер.
Арпа, будай – ащды, алтын, кюмюш а – ташды.
Эри аманны, къатыны – аман.
Эр сокъур болсун, къатын тилсиз болсун.
Адебсиз адам – джюгенсиз ат.
Телини эшигин, махтау джабар.
Зар адамны насыбы болмаз.
Эшекге миннген – биринчи айыб, андан джыгъылгъан – экинчи айыб.
Ат басханны джер билед.
Атынг аманнга чыкъгъандан эсе, джанынг тамагъынгдан чыкъсын.
Кюн – узун, ёмюр – къысха.
Ишни аллы бла къууанма да, арты бла къууан.
Игини сыйлагъан адетди.
Аманнга алтын чыдамаз.
Билгенни къолу къарны джандырыр.
Ёксюзню тилеги къабыл болур.
Аманнга игилик этсенг, юйюнге сау бармазса.
Къызбайны юйюне дери сюрсенг, батыр болур.
Джумушакъ сёз къаты таякъны сындырыр.
Тау башында, тау болмаз, джангыз терек, бау болмаз.
Тойгъа алгъа да барма, тойда артха да къалма.
Азыгъы аз, алгъа къабар, аты аман, алгъа чабар.
Магъанасыз сёз – тауушсуз сыбызгъы.
Арыгъан къош чамчы болур.
Бал чибинни ургъаны – ачы, балы – татлы.

Логин:
Пароль:
	Запомнить меня на этом компьютере

Забыли свой пароль?
Регистрация