- Тешигини къатында, чычхан да батыр болур.
- Гугук кесини атын айтыб къычыргъанча, мен, мен деб нек тураса?
- Душманны тышы – акъ, ичи – къара.
- Тюзню ётмеги тюзде къалса да, тас болмаз.
- Мал кёб болса, джууукъ кёб болур.
- Чомарт къонакъ юй иесин сыйлар.
- Акъыллы башны – тили къысха.
- Джаш къарыу бла кючлю, къарт акъыл бла кючлю.
- Джаханимни кёрмей, джандетге кёл салмазса.
- Таукел къуру къалмаз.
- Минг тенг да азды, бир джау да кёбдю.
- Къарнынг бла ёч алма.
- Къазанны башы ачыкъ болса, итге уят керекди.
- Ауурну тюбю бла, дженгилни башы бла джюрюген.
- Таула не мийик болсала да, аууш табылыр.
- Ишге юренсин къоллары, халкъ бла болсун джоллары.
- Эринчекге кюн узун.
- Азыгъы аз, алгъа къабар, аты аман, алгъа чабар.
- Онгсузну – джакъла, тенгликни – сакъла.
- Орну джокъну – сыйы джокъ.
- Эски джаугъа ышанма.
- Эртде тургъан джылкъычыны эркек аты тай табар.
- Кийиминг бла танылма, адамлыкъ бла таныл.
- Бек ашыкъгъан меннге джетсин, дегенди аракъы.
- Айран тёгюлсе, джугъусу къалыр.
- Олтуруб кёрюнмей эди да, ёрге туруб кёрюне эди.
- Тилчиден кери бол.
- Кеси юйюмде мен да ханма.
- Окъдан джара эртде-кеч болса да бителир, сёз джара, ёмюрге къалыр.
- Мен да «сен», дейме, сен да «кесим», дейсе.
- Къайгъыны сюйген, къайгъы табар.
- Игилик игилик бла сингдирилиучю затды.
- Тура эдим джата, къайдан чыкъды хата?
- Эте билген, этген этеди, эте билмеген, юретген этеди!
- Ашыкъгъанны этеги бутуна чырмалыр.
- Сабий кёргенин унутмаз.
- Чомарт бергенин айтмаз.
- Къонакъны къачан кетерин сорма, къачан келлигин сор.
- Иги джашны ышаны – аз сёлешиб, кёб тынгылар.
- Адамны сабийин сюйген джюреги, бычакъча, джитиди.
- Орундукъ тюбюнде атылсам да, орта джиликме, де да айлан.
- Къарыусузгъа кюлме, онгсузгъа тийме.
- Кимни – тили, тиши онглу, кимни – къолу, иши онглу.
- Юйлю уругъа ит чабмаз.
- Хансыз джомакъ болмаз.
- Юй кюйдю да, кюйюз чыкъды, ортасындан тюйюш чыкъды.
- Малны кют, джерни тюрт.
- Насыб бютеу халкъны юлюшюдю.
- Байлыкъ тауусулур, билим тауусулмаз.
- Джаным-тиним – окъуу, билим.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72