- Бетинги сатма, малынгы сат.
- Байлыкъ тауусулур, билим тауусулмаз.
- Арпа, будай – ащды, алтын, кюмюш а – ташды.
- Сакъ юйюне сау барыр.
- Къызын тута билмеген, тул этер, джашын тута билмеген, къул этер.
- Этим кетсе да, сюегим къалыр.
- Кёзю сокъурдан – къоркъма, кёлю сокъурдан – къоркъ.
- Бек анасы джыламаз.
- Ётген ёмюр – акъгъан суу.
- Ач, тоймам, дейди, тойгъан, ач болмам, дейди.
- Алим болгъандан эсе, адам болгъан къыйынды.
- Айранны сюйген, ийнек тутар.
- Аман адамны тепсинге олтуртсанг, къызынгы тилер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашыкъгъан cуу, тенгизге джетмез.
- Чомартны къолу берекет.
- Эки элинги тыйсанг, джети элде махталырса.
- Элде адам къалмаса, ит тахтагъа минер.
- Къайгъыны сюйген, къайгъы табар.
- Тамбла алтындан бюгюн багъыр ашхы.
- Эл тойса, тоймагъан, эл къойса, къоймагъан.
- Эрни эр этерик да, къара джер этерик да, тиширыуду.
- Кесинг сынамагъан затны, адамгъа буюрма.
- Окъуусуз билим – джокъ, билимсиз кюнюнг – джокъ.
- Ата Джуртун танымагъан, атасын да танымаз.
- Намыс болмагъан джерде, насыб болмаз.
- Садакъачыны джаны – къапчыгъында.
- Мал ёлсе, сюек къалыр, адам ёлсе, иши къалыр.
- Аджал соруб келмез, келсе, къайтыб кетмез.
- Ашлыкъны арба юйге келтирир, чана базаргъа элтир.
- Тешигини къатында, чычхан да батыр болур.
- Байны къызы баймакъ болса да, юйде къалмаз!
- Ёксюзню тилеги къабыл болур.
- Къонакъ аз олтурур, кёб сынар.
- Билим насыб берир, билим джолну керир.
- Аз сёлешген, къайгъысыз турур.
- Аурууну келиую тынч, кетиую – къыйын.
- Билген билмегенни юретген адетди.
- Таула не мийик болсала да, аууш табылыр.
- Махтаннган къыз, тойда джукълар.
- Аджалсыз ёлюм болмаз.
- Къайгъы тюбю – тенгиз.
- Къонакъ хазыр болгъанлыкъгъа, къонакъбай хазыр тюлдю.
- Битмегеннге сакъал – танг.
- Ашаса, ашамаса да, бёрюню ауузу – къан.
- Тилсиз миллет джокъ болур.
- Тили узунну, намысы – къысха.
- Ишни ахырын ойламай, аллын башлама.
- Таякъ этден ётер, тил сюекден ётер.
- Эте билген, этген этеди, эте билмеген, юретген этеди!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72