- Къайгъыны сюйген, къайгъы табар.
- Кюлме джашха – келир башха.
- Тилчиден кери бол.
- Джетген къыз джерли эшекни танымаз.
- Ауругъан – джашаудан умутчу.
- Джыгъылгъанны сырты джерден тоймаз.
- Накъырда – кертини келечиси.
- Тюкюрюк баш джармаз, налат кёз чыгъармаз!
- Мураты болгъанны джюрек тебюую башхады.
- Биреуге кёлтюрген таягъынг, кесинги башынга урур.
- Бек анасы джыламаз.
- Айран ичген – къутулду, джугъусун джалагъан – тутулду.
- Акъыллы айтыр эди, акъылсыз къоймайды.
- Ётюрюкден тюбю джокъ, кёлтюрюрге джиби джокъ.
- Иши джокъну, сыйы джокъ.
- Чыбыкълыкъда бюгюлмеген, къазыкълыкъда бюгюлмей эди.
- Окъ къызбайны джокълайды.
- Хар зат кесини орнуна иги.
- Къатын байлыкъны сюер, эр саулукъну сюер.
- Адамны сабийин сюйген джюреги, бычакъча, джитиди.
- Насыб бютеу халкъны юлюшюдю.
- Ушамагъан – джукъмаз.
- Окъуу – билимни ачхычы, окъуу – дунияны бачхычы.
- Кеси юйюмде мен да ханма.
- Къарнынг къанлынга кийирир.
- Джангызны оту джарыкъ джанмаз!
- Кёзню ачылгъаны – иги, ауузну джабылгъаны – иги.
- Ана – юйню кюн джарыгъы.
- Хаухну атма, ёнгкючню сатма.
- Джумушакъ сёз къаты таякъны сындырыр.
- Кюн кёрмеген, кюн кёрсе, кюндюз чыракъ джандырыр.
- Термилгенинги табмазса, кюлгенинге тюберсе.
- Бал – татлы, балдан да бала – татлы.
- Адебни адебсизден юрен.
- Эринчекни аурууу – кёб.
- Шекер бла туз – бир болмаз, ушамагъан – юй болмаз.
- Эм уллу байлыкъ – джан саулукъ.
- Ашын ашагъанынгы, башын да сыйла.
- Билими азны – ауузунда кирит.
- Уллу суу бла уллу ауруудан башынгы сакъла.
- Юре билмеген ит, къонакъ келтирир.
- Таукелге нюр джауар.
- Байны къызы баймакъ болса да, юйде къалмаз!
- Билмейме деген – бир сёз
- Ариу сёз аурууунгу алыр.
- Ата Джуртча джер болмаз, туугъан элча эл болмаз.
- Джарлы джети элни сёзюн этер.
- Суугъа – чабакъ, къаягъа – ыргъакъ.
- Джол бла сёзню къыйыры джокъ.
- Чомарт джарлы болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72