- Джюрекге ариу – кёзге да ариу.
- Джол бла сёзню къыйыры джокъ.
- Aдам боллукъ, сыфатындан белгили.
- Таула не мийик болсала да, аууш табылыр.
- Уруну арты – къуру.
- Адеби болмагъан къыз – тузсуз хант.
- Таукел адам тау тешер.
- Окъугъан озар, окъумагъан тозар.
- Тойгъанлыкъ къойгъа джарашады.
- Башы джабылгъан челекге, кир тюшмез.
- Тёрдеги кюлсе, эшикдеги ышарыр.
- Аман адамны тепсинге олтуртсанг, къызынгы тилер.
- Тынгылагъан тынгы бузар.
- Абынмазлыкъ аякъ джокъ, джангылмазлыкъ джаякъ джокъ.
- Алтыда кюлмеген, алтмышда кюлмез.
- Ишин билген, аны сыйын чыгъарады.
- Ауурну тюбю бла, дженгилни башы бла джюрюген.
- Къартха ушагъан джаш – акъыллы, джашха ушагъан къарт – тели.
- Эл ауузу – элия.
- Тенгни тенглиги джашай барсанг билинир.
- Биреуге кёлтюрген таягъынг, кесинги башынга урур.
- Эли джокъну – кёлю джокъ.
- Бек анасы джыламаз.
- Сакъалы текени да бар, мыйыгъы киштикни да бар.
- Ауузу аманнга «иги», деме.
- Уллу къазанда бишген эт, чий къалмаз.
- Олтуруб кёрюнмей эди да, ёрге туруб кёрюне эди.
- Эки элинги тыйсанг, джети элде махталырса.
- Чомартны къолу берекет.
- Ашхы тенг джолгъа салыр, аман тенг джолдан тайдырыр.
- Бал чибинни ургъаны – ачы, балы – татлы.
- Ёксюзню тилеги къабыл болур.
- Алим болгъандан эсе, адам болгъан къыйынды.
- Бетинги сатма, малынгы сат.
- Чыбыкълыкъда бюгюлмеген, къазыкълыкъда бюгюлмей эди.
- Къызгъанчдан ычхыныр, мухардан ычхынмаз.
- Сёз садакъдан кючлюдю.
- Тюзлюк тас болмайды.
- Чомартны къолун джокълукъ байлар.
- Акъыл сабырлыкъ берир.
- Къарнынг къанлынга кийирир.
- Бичгенде ашыкъма, тикгенде ашыкъ.
- Аманнга да, игиге да оноусуз къатышма.
- Ушамагъан – джукъмаз.
- Чакъырылмай келген къонакъ сыйланмай кетер.
- Адеб базарда сатылмаз.
- Иши джокъну, сыйы джокъ.
- Тиширыусуз юй – отсуз от джагъа.
- Кесинге джетмегенни, кёб сёлешме.
- Къанны къан бла джуума, аманны аман бла къуума.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72