- Аманнга алтын чыдамаз.
- Айранын берсенг, челегин да къызгъанма.
- Сабийликде юретмесенг, уллу болса – тюзелмез.
- Акъыл къартда, джашда тюйюлдю – башдады.
- Тили узунну, намысы – къысха.
- Кёлсюзден сёзсюз тууар.
- Баланы адам этген анады.
- Ач къалгъандан, кеч къалгъан къолай.
- Адебни адебсизден юрен.
- Чабакъгъа акъыл, табагъа тюшсе келеди.
- Ханы къызы буюгъа-буюгъа киштик болду.
- Сескекли кесин билдирир.
- Ашха уста, юйюнде болсун
- Сибиртки да сыйлы болду, кюрек да кюнлю болду.
- Джиби бир къат джетмей эди да, эки къат тарта эди.
- Къарны аманнга къазан такъдырма, къолу аманнга от джакъдырма.
- Сёлеш деб шай берген, тохта деб, сом берген.
- Ашхы тенг джолгъа салыр, аман тенг джолдан тайдырыр.
- Тюзлюк шохлукъну бегитир.
- Къаллай салам берсенг, аллай джууаб алырса.
- Билмейме деген – бир сёз
- Огъурлуну сёзю – суу, огъурсузну сёзю – уу.
- Адам сёзге тынгыла, акъыл сёзню ангыла.
- Окъугъан – асыу, окъумагъан – джарсыу.
- Керти сёзге тёре джокъ.
- Джаралыны джастыгъында сау ёлюр.
- Ёлген ийнек сютлю болур.
- Татлы тилде – сёз ариу, чемер къолда – иш ариу.
- Биреу къой излей, биреу той излей.
- Айран тёгюлсе, джугъусу къалыр.
- Къатыны харакетли болса, эри къымсыз болур.
- Ач келгенни – тойдур, кеч келгенни – къондур.
- Итли къонакъ джарашмаз.
- Ата Джуртча джер болмаз, туугъан элча эл болмаз.
- Башы джабылгъан челекге, кир тюшмез.
- Бал – татлы, балдан да бала – татлы.
- Баргъанынга кёре болур келгенинг.
- Соргъан айыб тюлдю, билмеген айыбды.
- Юйюнг бла джау болгъандан эсе, элинг бла джау бол.
- Минг тенг да азды, бир джау да кёбдю.
- Атлыны кёрсе, джаяуну буту талыр.
- Сютден ауузу кюйген, суугъа юфгюре эди.
- Эм уллу байлыкъ – джан саулукъ.
- Чалманны аллы къалай башланса, арты да алай барады.
- Адам туугъан джеринде, ит тойгъан джеринде.
- Мухар, кеси тойса да, кёзю тоймаз.
- Билим ат болуб да чабар, къуш болуб да учар.
- Ишни аллы бла къууанма да, арты бла къууан.
- Кёб ант этген, кёб ётюрюк айтыр.
- Тамырсыз терекге таянма – джыгъылырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72