- Телиге акъыл салгъандан эсе, ёлгеннге джан салырса.
- Юйюнг бла джау болгъандан эсе, элинг бла джау бол.
- Байлыкъ адамны сокъур этер.
- Джарашыу сюйген – джалынчакъ.
- Нёгерсизни джолу узун.
- Сыфатында болмагъаны, суратында болмаз.
- Чабакъгъа акъыл, табагъа тюшсе келеди.
- Кийим тукъум сордурур.
- Биреу къой излей, биреу той излей.
- Ашхы тенг джолгъа салыр, аман тенг джолдан тайдырыр.
- Сууда джау джокъ, кёб сёзде магъана джокъ.
- Эринчекге кюн узун.
- Уллу къазанда бишген эт, чий къалмаз.
- Ана къойну – балагъа джандет.
- Берекет берсин деген джерде, берекет болур.
- Аджаллыгъа окъсуз шкок атылыр.
- Эл ауузу – элия.
- Ачлыкъ отха секиртир.
- Ач отунчуну ачыуу – бурнунда.
- Кюн кёрмеген, кюн кёрсе, кюндюз чыракъ джандырыр.
- Этни бети бла шорпасы.
- Ашаса, ашамаса да, бёрюню ауузу – къан.
- От кюйдюрген, сау болса да, тот кюйдюрген, сау болмаз.
- Джюрекден джюрекге джол барды.
- Къарнынг тойгъунчу аша да, белинг талгъынчы ишле.
- Тюзлюк тас болмайды.
- Къыз келсе, джумуш эте келеди, къатын келсе, ушакъ эте келеди.
- Къанны къан бла джуума, аманны аман бла къуума.
- Накъырда – кертини келечиси.
- Иги джашны ышаны – аз сёлешиб, кёб тынгылар.
- Билген билмегенни юретген адетди.
- Таукел тауну аудурур.
- Ауузу аманнга «иги», деме.
- Тин – байлыгъынг, терен саулугъунг.
- Ашда уялгъан – мухар, ишде уялгъан – хомух.
- Мухарны эси – ашарыкъда.
- Хансыз джомакъ болмаз.
- Тёрени джагъы джокъ.
- Адам боллукъ, атламындан белгили болур.
- Аджалсыз ёлюм болмаз.
- Ана кёлю – балада, бала кёлю – талада.
- Кёб джашагъан – кёб билир.
- Ариу джол аджал келтирмез.
- Махтаннган къыз, тойда джукълар.
- Накъырданы арты керти болур.
- Эки къатын алгъанны къулагъы тынгнгаймаз.
- Адебни адебсизден юрен.
- Кёзюнде тереги болгъан, чёбю болгъаннга кюле эди.
- Уясында не кёрсе, учханында аны этер.
- Шайтан алдады, тюзлюк къаргъады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72