- Къызгъанчдан ычхыныр, мухардан ычхынмаз.
- Окъуусуз билим – джокъ, билимсиз кюнюнг – джокъ.
- Къазанда болса, чолпугъа чыгъар.
- Уллу суу бла уллу ауруудан башынгы сакъла.
- Айран тёгюлсе, джугъусу къалыр.
- Кёлсюзден сёзсюз тууар.
- Кёз – сюйген джерде, къол – ауругъан джерде.
- Экеу тутушса, биреу джыгъылыр.
- Билгенни къолу къарны джандырыр.
- Булут кёкге джарашыу, уят бетге джарашыу.
- Эшекни не къадар тюйсенг да, ат болмаз.
- Чабакъгъа акъыл, табагъа тюшсе келеди.
- Тил джюрекге джол ишлейди.
- Ашлыкъ – бюртюкден, джюн – тюкден.
- Олтуруб кёрюнмей эди да, ёрге туруб кёрюне эди.
- Ач уят къоймаз.
- Сютден ауузу кюйген, суугъа юфгюре эди.
- Адам сёзге тынгыла, акъыл сёзню ангыла.
- Ашарыкъда сайлагъаннга – чий гырджын.
- Айтылгъан сёз ызына къайтмаз.
- Ёзденликни джайгъан – джокълукъ.
- Кёбден умут этиб, аздан къуру къалма.
- Джангызны оту джарыкъ джанмаз!
- Тюзлюк тас болмайды.
- Экиндини кеч къылсанг, чабыб джетер ашхам.
- Харам къарнашдан, халал тенг ашхы.
- Тили узунну, намысы – къысха.
- Джашлыкъ этмеген, башлыкъ этмез.
- Таякъ этден ётер, тил сюекден ётер.
- Уясында не кёрсе, учханында аны этер.
- Джогъун бар этген, барын бал этген.
- Акъыл сабырлыкъ берир.
- Ёлюр джаннга, ёкюл джокъ.
- Айраннга суу къош, телиге джол бош.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тиширыусуз юй – отсуз от джагъа.
- Биреуню къыйынлыгъы бла кесинге джол ишлеме.
- Тойчу джашха къарама, къойчу джашха къара.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Баланы адам этген анады.
- Бети бедерден, намыс сакълама.
- Адамны бетине къарама, адетине къара.
- Ёзденликни кёбю ётюрюк.
- Эри аманны, къатыны – аман.
- Ашыкъгъан cуу, тенгизге джетмез.
- Кёрмегеннге кебек – танг, битмегеннге сакъал – танг.
- Ариу сёз – къылычдан джити.
- Окъугъанны бети джарыкъ.
- Артына баргъанны, къатына барма.
- Эр сокъур болсун, къатын тилсиз болсун.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72