Эльбрусоид :: Форум :: Архив форумов

Адамны сыфатына къарама, сёзюне къара.
Ёлюк кебинсиз къалмаз.
Джаралыны джастыгъында сау ёлюр.
Насыб бютеу халкъны юлюшюдю.
Иесиз малны бёрю ашар.
Эрине къаргъыш этген къатын, эрнин къабар.
Аз айтсам, кёб ангылагъыз.
Ачыкъ джюрекге джол – ачыкъ.
Ишни ахырын ойламай, аллын башлама.
Нёгер болсанг, тенг бол, тенг болмасанг, кенг бол.
Къыз чыгъаргъан – къызыл къымжа.
Ачыу алгъа келсе, акъыл артха къалады.
Къонакъ аман болса, къонакъбай джунчур
Окъугъанны бети джарыкъ.
Ауругъан – джашаудан умутчу.
Сыфатында болмагъаны, суратында болмаз.
Къарнынг ауруса, ауузунгу тый
Байлыкъ болгъан джерде, тынчлыкъ джокъду.
Сакъалы текени да бар, мыйыгъы киштикни да бар.
Башынга джетмегенни сорма.
Азыгъы аз, алгъа къабар, аты аман, алгъа чабар.
Малны кют, джерни тюрт.
Къозулугъунда тоймагъан, къойлугъунда тоймаз.
Ишни аллы бла къууанма да, арты бла къууан.
Тёрде – темир таякълы, къаяда – чыпчыкъ аякълы.
Эки ойлашыб, бир сёлешген.
Таукел адам тау тешер.
Къызын тута билмеген, тул этер, джашын тута билмеген, къул этер.
Асхат ашлыкъ сата, юйдегиси ачдан къата.
Зарда марда джокъ.
Ач отунчуну ачыуу – бурнунда.
Ёгюзню мюйюзлери ауурлукъ этмейдиле.
Харам къарнашдан, халал тенг ашхы.
Ишлерге уял да, ашаргъа табма.
Ишин билген, аны сыйын чыгъарады.
Эл тойса, тоймагъан, эл къойса, къоймагъан.
Адеб базарда сатылмаз.
Ач уят къоймаз.
Ата – баланы уясы.
Кийиминг бла танылма, адамлыкъ бла таныл.
Аурууну келиую тынч, кетиую – къыйын.
Ишленмеклик адамлыкъды.
Этек чакъмакълары баш джаргъан, сёлешген сёзлери таш джаргъан.
Чомарт къонакъ юй иесин сыйлар.
Джашда акъыл джокъ, къартда къарыу джокъ.
Билеги кючлю, бирни джыгъар, билими кючлю, мингни джыгъар.
Хар ишни да аллы къыйынды.
Аджал соруб келмез, келсе, къайтыб кетмез.
Тешигини къатында, чычхан да батыр болур.
Къазанда болса, чолпугъа чыгъар.

Логин:
Пароль:
	Запомнить меня на этом компьютере

Забыли свой пароль?
Регистрация