- Алгъанда – джууукъ, бергенде – джау.
- Эл элде бирер малынг болгъандан эсе, бирер тенгинг болсун.
- Ашха уста, юйюнде болсун
- Элиб деген, элге болушур.
- Джашда акъыл джокъ, къартда къарыу джокъ.
- Чомартны къолун джокълукъ байлар.
- Ач келгенни – тойдур, кеч келгенни – къондур.
- Акъыл аздырмаз, билим тоздурмаз.
- Кёб джашагъан – кёб билир.
- Алим болгъандан эсе, адам болгъан къыйынды.
- Артына баргъанны, къатына барма.
- Хаухну атма, ёнгкючню сатма.
- Ишни ахырын ойламай, аллын башлама.
- Аз сёлеш, кёб ишле.
- Ёлген ийнек сютлю болур.
- Хар ишни да аллы къыйынды.
- Билмезни кёзю кёрмез, этмезни къулагъы эшитмез.
- Баш – акъыл ючюн, акъылман – халкъ ючюн.
- Сабийликде юретмесенг, уллу болса – тюзелмез.
- Кёл – къызбай, къол – батыр.
- Байны къызы баймакъ болса да, юйде къалмаз!
- Адебсиз адам – джюгенсиз ат.
- Харам къарнашдан, халал тенг ашхы.
- Намысы джокъну – дуниясы джокъ.
- Тешигини къатында, чычхан да батыр болур.
- Къазанчы аман болса, къазаны къайнамаз.
- Джаз бир кюнню джатсанг, къыш талай кюнню абынырса.
- Айраннга суу къош, телиге джол бош.
- Ач отунчуну ачыуу – бурнунда.
- Адамны аты башхача, акъылы да башхады.
- Акъдан къара болмаз.
- Къыйынлы джети элни къайгъысын этер.
- Иги джашны ышаны – аз сёлешиб, кёб тынгылар.
- Кёбню кёрген – кёб билир.
- Кёлсюзден сёзсюз тууар.
- Аман къатын сабий табса, бий болур…
- Чакъырылмагъан къонакъ тёрге атламаз.
- Эшекге миннген – биринчи айыб, андан джыгъылгъан – экинчи айыб.
- Къарнынг бла ёч алма.
- Бозанг болмагъан джерге, къалагъынгы сукъма.
- Сёз сёзню айтдырыр.
- Къазанда болса, чолпугъа чыгъар.
- Къалгъан ишге къар джауар.
- Кимни – тили, тиши онглу, кимни – къолу, иши онглу.
- Ач бёрюге мекям джокъ.
- Джолунга кёре – джюрюшюнг, джагъанга кёре – юлюшюнг.
- Къозулугъунда тоймагъан, къойлугъунда тоймаз.
- Ханы къызы буюгъа-буюгъа киштик болду.
- Ёгюзню мюйюзюнден тутадыла, адамны сёзюнден тутадыла.
- Ата Джуртуму башы болмасам да, босагъасында ташы болайым.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72