- Ата Джуртча джер болмаз, туугъан элча эл болмаз.
- Айранын берсенг, челегин да къызгъанма.
- Кечеси – аяз, кюню – къыш, джарлы къаргъагъа бир аш тюш!
- Джол бла сёзню къыйыры джокъ.
- Къар – келтирди, суу – элтди.
- Байлыкъ келсе, акъыл кетер.
- Эл бла кёргенинг эрелей.
- Иги – алгъыш этер, аман – къаргъыш этер.
- Бичгенде ашыкъма, тикгенде ашыкъ.
- Аман эсирсе, юйюн ояр.
- Дженгил джетерикме деб, узун джолну къоюб, къысхасын барма.
- Шекер бла туз – бир болмаз, ушамагъан – юй болмаз.
- Джигер – джаннга къыйынлыкъ.
- Намыс болмагъан джерде, насыб болмаз.
- Садакъачыны джаны – къапчыгъында.
- Суу да къайтады чыкъгъан джерине.
- Хансыз джомакъ болмаз.
- Кюлме джашха – келир башха.
- Тойчу джашха къарама, къойчу джашха къара.
- Чомарт къонакъ юй иесин сыйлар.
- Къая джолда джортма, ачыкъ сёзден къоркъма.
- Къонагъынгы артмагъын алма да, алгъышын ал.
- Элде адам къалмаса, ит тахтагъа минер.
- Биреу ашаб къутулур, биреу джалаб тутулур.
- Эркишини аманы тиширыуну джылатыр.
- Билгенни къолу къарны джандырыр.
- Адам боллукъ, атламындан белгили болур.
- Тынгылагъан тынгы бузар.
- Айтылгъан буйрукъ, сёгюлмез
- Акъыллы эркиши атын махтар, акъылсыз эркиши къатынын махтар.
- Татлы тилде – сёз ариу, чемер къолда – иш ариу.
- Мал ёлсе, сюек къалыр, адам ёлсе, иши къалыр.
- Джети тилни билген джети кишиди.
- Адам къаллай бир ишленмесе, аллай бир кесин уллу кёреди.
- Тойгъа алгъа да барма, тойда артха да къалма.
- Аз сёлеш, кёб ишле.
- Къарын къуру болса, джюрек уру болур.
- Эки къатын алгъанны къулагъы тынгнгаймаз.
- Аманны къуугъан, аманлыкъ табар.
- Сагъышы джокъ – джукъучу, акъылы джокъ – къаугъачы.
- Тюзлюк тас болмайды.
- Ашхы адам – халкъ байлыгъы, ашхы джер – джашау байлыгъы.
- Бир абыннган – минг сюрюнюр.
- Эртде тургъан джылкъычыны эркек аты тай табар.
- Джыгъылгъанны сырты джерден тоймаз.
- Кёз – сюйген джерде, къол – ауругъан джерде.
- Биреуню тёрюнден, кесинги эшик артынг игиди.
- Ёлген аслан – сау чычхан.
- Биреуню къыйынлыгъы бла кесинге джол ишлеме.
- Къалгъан ишге къар джауар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72