- Билмезни кёзю кёрмез, этмезни къулагъы эшитмез.
- Ат да турмайды бир териде.
- Ата Джуртча джер болмаз, туугъан элча эл болмаз.
- Рысхы – насыбха къор.
- Аманны тукъумуна къарама, игини тукъумун сорма.
- Ач да бол, токъ да бол – намысынга бек бол.
- Адамны аты башхача, акъылы да башхады.
- Окъдан джара эртде-кеч болса да бителир, сёз джара, ёмюрге къалыр.
- Олтуруб кёрюнмей эди да, ёрге туруб кёрюне эди.
- Чомарт джарлы болмаз.
- Джашда акъыл джокъ, къартда къарыу джокъ.
- Ашхы атаны – джашы ашхы, ашхы ананы – къызы ашхы.
- Битмегеннге сакъал – танг.
- Мени джылытмагъан кюн, меннге тиймесин!
- Тас болгъан бычакъны сабы – алтын.
- Джерни букъусу кёкге къонмаз.
- Эм уллу байлыкъ – джан саулукъ.
- Билмегенинги, билгеннге сор.
- Арбаз къынгырды да, ийнек сауалмайма.
- Кёз – сюйген джерде, къол – ауругъан джерде.
- Ауругъан – джашаудан умутчу.
- Хар адамгъа кеси миннген тау кибик.
- Хар ишни да аллы къыйынды.
- Бети бедерден, намыс сакълама.
- Тойгъа алгъа да барма, тойда артха да къалма.
- Керти сёзге тёре джокъ.
- Аман адам элни бир-бирине джау этер.
- Кийим тукъум сордурур.
- Аш иеси бла татлыды.
- Билимсиз иш бармаз.
- Джашлыкъ этмеген, башлыкъ этмез.
- Эр сокъур болсун, къатын тилсиз болсун.
- Тау башында, тау болмаз, джангыз терек, бау болмаз.
- Чомарт къонакъ юй иесин сыйлар.
- Алма терегинден кери кетмез.
- Насыб бютеу халкъны юлюшюдю.
- Къарт айтханны этмеген, къартаймаз.
- Ишлегенде эринме, ишде чолакъ кёрюнме.
- Къонакъ болсанг, ийнакъ бол.
- Мал ёлсе, сюек къалыр, адам ёлсе, иши къалыр.
- Сагъышы джокъ – джукъучу, акъылы джокъ – къаугъачы.
- Джетген къыз джерли эшекни танымаз.
- Джол бла сёзню къыйыры джокъ.
- Ханнга да келеди хариблик.
- Абынмазлыкъ аякъ джокъ, джангылмазлыкъ джаякъ джокъ.
- Джырчы джырчыгъа – къарнаш.
- Нёгерсизни джолу узун.
- Садакъачыны джаны – къапчыгъында.
- Эки элинги тыйсанг, джети элде махталырса.
- Бети – къучакълар, джюреги – бычакълар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72