- Таш бла ургъанны, аш бла ур.
- Эринчекге кюн узун.
- Къонагъы джокъну – шоху джокъ.
- Арбаз сайлама да, хоншу сайла.
- Эртде тургъан джылкъычыны эркек аты тай табар.
- Насыб бютеу халкъны юлюшюдю.
- Адебсиз адам – джюгенсиз ат.
- Башы ишлегенни, ауузу да ишлер.
- Билеги кючлю, бирни джыгъар, билими кючлю, мингни джыгъар.
- Эм ашхы къайын ана мамукъ бла башынгы тешер.
- Джыйырма къойну юч джыйырма эбзе кюте эди.
- Кёбден умут этиб, аздан къуру къалма.
- Айраннга суу къош, телиге джол бош.
- Адамны джюреги нени кёрюрге сюйсе, кёзю да аны кёрюрге ёч болады.
- Тюзню ётмеги тюзде къалса да, тас болмаз.
- Аджашханны ызындагъы кёреди, джангылгъанны джанындагъы биледи.
- Элиб деген, элге болушур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Келинин тута билмеген, къул этер, къызын тута билмеген, тул этер.
- Ариуну – ауруу кёб.
- Кёлсюзден сёзсюз тууар.
- Къарыусузгъа кюлме, онгсузгъа тийме.
- Уллу суу бла уллу ауруудан башынгы сакъла.
- Джарлы эскисин джамаса, къууаныр.
- Бойнуму джети джерден кессенг да, мен ол ишни этеллик тюлме.
- Зар адам ашынгы ашар, кесинги сатар.
- Ёпкелегенни ашы татлы болады.
- Суу кетер, таш къалыр.
- Эли джокъну – кёлю джокъ.
- Айныгъанлы алты кюн, тогъайгъанлы тогъуз кюн.
- Ашхы тенг джолгъа салыр, аман тенг джолдан тайдырыр.
- Къанны къан бла джуума, аманны аман бла къуума.
- Чабакъсыз кёлге къармакъ салгъанлыкъгъа, чабакъ тутмазса.
- Билим ат болуб да чабар, къуш болуб да учар.
- Джаным-тиним – окъуу, билим.
- Башы джабылгъан челекге, кир тюшмез.
- Аллахдан тилесенг, кёб тиле.
- Джауумдан сора, кюн кюйдюрюр, ётюрюкден сора, айыб кюйдюрюр.
- Айтылгъан сёз ызына къайтмаз.
- Татлы тилде – сёз ариу, чемер къолда – иш ариу.
- Тулпарлыкъ, билекден тюл – джюрекден.
- Сангырау къулакъ эл бузар.
- Юйлю уругъа ит чабмаз.
- Иги адамны бир сёзю эки болмаз.
- Чабакъ башындан чирийди.
- Таукел адам тау тешер.
- Аурууну келиую тынч, кетиую – къыйын.
- Сабийликде юретмесенг, уллу болса – тюзелмез.
- Мухар, кеси тойса да, кёзю тоймаз.
- Къонакъны къачан кетерин сорма, къачан келлигин сор.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72