- Экиндини кеч къылсанг, чабыб джетер ашхам.
- Мен да «сен», дейме, сен да «кесим», дейсе.
- Тин – байлыгъынг, терен саулугъунг.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Дуния аламаты сен эсенг да, игиме деб айтма.
- Тенги кёбню джау алмаз, акъылы кёбню дау алмаз.
- Соргъан айыб тюлдю, билмеген айыбды.
- Кёз – сюйген джерде, къол – ауругъан джерде.
- Кёбню кёрген – кёб билир.
- Джеринден айырылгъан – джети джылар, джуртундан айырылгъан – ёлгюнчю джылар.
- Игини сыйлагъан адетди.
- Ойнай билмеген, уруб къачар.
- Кёзден кетген, кёлден да кетеди.
- Биреуге кёлтюрген таягъынг, кесинги башынга урур.
- Кёбден умут этиб, аздан къуру къалма.
- Чакъырылмагъан къонакъ – орунсуз.
- Ашыкъгъанны этеги бутуна чырмалыр.
- Таш ата билмеген, башына урур.
- Сютден ауузу кюйген, суугъа юфгюре эди.
- Сютню башын джалагъан къутулур, тюбюн ичген тутулур.
- Билим ат болуб да чабар, къуш болуб да учар.
- Айран ичген – къутулду, джугъусун джалагъан – тутулду.
- Айырылмаз джууугъунга, унутмаз сёзню айтма.
- Айтылгъан буйрукъ, сёгюлмез
- Джогъун бар этген, барын бал этген.
- Къонакъ аз олтурур, кёб сынар.
- Сабыр джетер муратха, сабырсыз къалыр уятха.
- Сыфатында болмагъаны, суратында болмаз.
- Джетген къыз джерли эшекни танымаз.
- Къобан да къуру да къобханлай турмайды, адам да къуру да патчахлай турмайды.
- Къайгъы тюбю – тенгиз.
- Ачылгъан эт джабылыр, кёрген кёз унутмаз.
- Алим болгъандан эсе, адам болгъан къыйынды.
- Хар сёзню орну барды.
- Таукел къуру къалмаз.
- Адам туугъан джеринде, ит тойгъан джеринде.
- Кёпюр салгъан кеси ётер, уру къазгъан кеси кетер.
- Ашхы тенг джолгъа салыр, аман тенг джолдан тайдырыр.
- Тай асырагъан, атха минер.
- Эте билген, этген этеди, эте билмеген, юретген этеди!
- Юй ишлеген балта эшикде къалыр.
- Ач къарынны, токъ билмез
- Тёрени джагъы джокъ.
- Аджалсыз ёлюм болмаз.
- Ата – билек, ана – джюрек!
- Эркишини аманы тиширыуну джылатыр.
- Кёзню ачылгъаны – иги, ауузну джабылгъаны – иги.
- Азыкъ аз болса, эртде орун сал.
- Эшекни не къадар тюйсенг да, ат болмаз.
- Тилде сюек болмаса да, сюек сындырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72