- Бет бетге къараса, бет да джерге къарар.
- Тёрде – темир таякълы, къаяда – чыпчыкъ аякълы.
- Тура эдим джата, къайдан чыкъды хата?
- Башсыз урчукъ тюзюне айланмаз.
- Эшекни не къадар тюйсенг да, ат болмаз.
- Джашынгы кесинг юретмесенг, джашау юретир.
- Окъуусуз билим – джокъ, билимсиз кюнюнг – джокъ.
- Къазанны башы ачыкъ болса, итге уят керекди.
- Джуртун къоругъан озар.
- Джюз элде джюз ёгюзюм болгъандан эсе, джюз джууугъум болсун.
- Бозаны арты дауур болур.
- Кёзден кетген, кёлден да кетеди.
- Ётюрюкден тюбю джокъ, кёлтюрюрге джиби джокъ.
- Къартха ушагъан джаш – акъыллы, джашха ушагъан къарт – тели.
- Накъырданы арты керти болур.
- Ишин билген, аны сыйын чыгъарады.
- Билим насыб берир, билим джолну керир.
- Ата Джуртуму башы болмасам да, босагъасында ташы болайым.
- Эл ауузу – элек, анга ийнаннган – халек.
- Ата Джуртун танымагъан, атасын да танымаз.
- Тойгъа барсанг, тоюб бар, эски тонунгу къоюб бар.
- Уллу атлама – абынырса, уллу къабма – къарылырса.
- Аууз сакълагъан – джан сакълар.
- Иги – алгъыш этер, аман – къаргъыш этер.
- Халкъгъа джарагъан, джарлы къалмаз.
- Къатын байлыкъны сюер, эр саулукъну сюер.
- Аурууну келиую тынч, кетиую – къыйын.
- Ата джурт – алтын бешик.
- Тил джюрекге джол ишлейди.
- Байдан умут эте, джарлыдан ёгюз багъасы къорады.
- Нарт сёз къарт болмаз.
- Джашда акъыл джокъ, къартда къарыу джокъ.
- Джарлы эскисин джамаса, къууаныр.
- Айтылгъан буйрукъ, сёгюлмез
- Ауругъан – джашаудан умутчу.
- Аууздан келген, къолдан келсе, ким да патчах болур эди.
- Кёб джашагъан – кёб билир.
- Шекер бла туз – бир болмаз, ушамагъан – юй болмаз.
- Акъыл бла адеб эгизледиле.
- Аман киши кеси юйюнде – къонакъ.
- Ауурну тюбю бла, дженгилни башы бла джюрюген.
- Окъугъан озар, окъумагъан тозар.
- Ашда уялгъан – мухар, ишде уялгъан – хомух.
- Ата – билек, ана – джюрек!
- Чомартха хар кюн да байрамды.
- Джумушакъ сёз къаты таякъны сындырыр.
- Айранын берсенг, челегин да къызгъанма.
- Тенги кёбню джау алмаз, акъылы кёбню дау алмаз.
- Билимли ёлмез, билимсиз кёрмез.
- Адамны аманы адамны бети бла ойнар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72