- Ач къарным, тынч къулагъым.
- Адамны сабийин сюйген джюреги, бычакъча, джитиди.
- Хансыз джомакъ болмаз.
- Къумурсхала джыйылсала, пилни да джыгъадыла.
- Ургъан суудан башынгы сакъла.
- Адамгъа аман кюн соруб келмейди.
- Ата – билек, ана – джюрек!
- Аууз сакълагъан – джан сакълар.
- Юйлю уругъа ит чабмаз.
- Мураты болгъанны джюрек тебюую башхады.
- Эринчекни эр алмаз, эр алса да, кёл салмаз, кёл салса да, кёб бармаз!
- Тюзню ётмеги тюзде къалса да, тас болмаз.
- Кёзден кетген, кёлден да кетеди.
- Уллу къашыкъ эрин джыртар.
- Огъурлуну сёзю – суу, огъурсузну сёзю – уу.
- Тас болгъан бычакъны сабы – алтын.
- Тойгъа барсанг, тоюб бар, эски тонунгу къоюб бар.
- Босагъагъа джууукъ орун болса, ашыгъыб тёрге озма.
- Къыз келсе, джумуш эте келеди, къатын келсе, ушакъ эте келеди.
- Сёз къанатсыз учар.
- Этни бети бла шорпасы.
- Къартны бурнун сюрт да, оноугъа тут.
- Къоркъакъны кёзю экили кёрюр.
- Билим насыб берир, билим джолну керир.
- Джырчы ёлсе, джыры къалыр.
- Окъуусуз билим – джокъ, билимсиз кюнюнг – джокъ.
- Ариу джол аджал келтирмез.
- Чомарт къонакъ юй иесин сыйлар.
- Абынмазлыкъ аякъ джокъ, джангылмазлыкъ джаякъ джокъ.
- Байма, деб да, къууанма, джарлыма, деб да, джылама.
- Телини эшигин, махтау джабар.
- Джуртун къоругъан озар.
- Тил джюрекге джол ишлейди.
- Къызбайны юйюне дери сюрсенг, батыр болур.
- Тин – байлыгъынг, терен саулугъунг.
- Биреуге аманлыкъны тилеме да, кесинге ашхылыкъны тиле.
- Агъач – джерни чырайы, кийим – эрни чырайы.
- Акъыл неден да кючлюдю.
- Азыкълы ат арымаз, къатыны аман джарымаз.
- Тели турса – той бузар.
- Аманнга игилик этсенг, юйюнге сау бармазса.
- Айтханы чапыракъдан ётмеген.
- Гыдай эчки суугъа къараб, мюйюзле кёрмесе, джашма алкъын, дегенди.
- Къаллай салам берсенг, аллай джууаб алырса.
- Билмегенинги, билгеннге сор.
- Акъылсызны джууукъгъа алма, акъыллыны кенгнге салма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аман къатын алгъан, арыр, иги къатын алгъан джарыр.
- Татлы тилде – сёз ариу, чемер къолда – иш ариу.
- Джолунга кёре – джюрюшюнг, джагъанга кёре – юлюшюнг.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72