Эльбрусоид :: Форум :: Архив форумов

Дууулдаса – бал чибин, къонса – къара чибин.
Чомарт джарлы болмаз.
Битмегеннге сакъал – танг.
Тамбла алтындан бюгюн багъыр ашхы.
Къан бла кирген, джан бла чыгъар.
Къолу уллу – асыу, аягъы уллу – джарсыу.
«Ёгюз, джаргъа джууукъ барма, меннге джюк боллукъса», - дегенди эшек.
Окъ къызбайны джокълайды.
Магъанасыз сёз – тауушсуз сыбызгъы.
Кёлсюзден сёзсюз тууар.
Урунуу – насыбны анасы.
Ишни аллы бла къууанма да, арты бла къууан.
Сууда джау джокъ, кёб сёзде магъана джокъ.
Ауругъанны сау билмез, ач къарынны токъ билмез.
Баргъанынга кёре болур келгенинг.
Кёл – къызбай, къол – батыр.
Билмегенинги, билгеннге сор.
Хата – гитчеден.
Кечеси – аяз, кюню – къыш, джарлы къаргъагъа бир аш тюш!
Адам къыйынлыгъын кёлтюрюр, зауукълугъун кёлтюрмез.
Зарда марда джокъ.
Минг тенг да азды, бир джау да кёбдю.
Чакъырылмай келген къонакъ сыйланмай кетер.
Айырылмаз джууугъунга, унутмаз сёзню айтма.
Сёз къанатсыз учар.
Адеб джокъда, намыс джокъ.
Юй ишлеген балта эшикде къалыр.
Кёл ашады да, кеси ашады.
Кёзден кетген, кёлден да кетеди.
Аууздан келген, къолдан келсе, ким да патчах болур эди.
Гугук кесини атын айтыб къычыргъанча, мен, мен деб нек тураса?
Ишге юренсин къоллары, халкъ бла болсун джоллары.
Сескекли кесин билдирир.
Адеб базарда сатылмаз.
Джеринден айырылгъан – джети джылар, джуртундан айырылгъан – ёлгюнчю джылар.
Къартны сыйын кёрмеген, къартлыгъында сыйлы болмаз.
Юре билмеген ит, къонакъ келтирир.
Эл ауузу – элек, анга ийнаннган – халек.
Ач отунчуну ачыуу – бурнунда.
Мадар болса, къадар болур.
Джаханимни кёрмей, джандетге кёл салмазса.
Эшекни не къадар тюйсенг да, ат болмаз.
Акъыл бла адеб эгизледиле.
Къарнынг тойгъунчу аша да, белинг талгъынчы ишле.
Башланнган иш битер, къымылдагъан тиш тюшер.
Накъырданы арты керти болур.
Юй кюйдю да, кюйюз чыкъды, ортасындан тюйюш чыкъды.
Ач, тоймам, дейди, тойгъан, ач болмам, дейди.
Босагъагъа джууукъ орун болса, ашыгъыб тёрге озма.
Адеб этмеген, адеб кёрмез.

Логин:
Пароль:
	Запомнить меня на этом компьютере

Забыли свой пароль?
Регистрация