- Чабар ат – джетген къыз.
- Билмегенинги, билгеннге сор.
- Халкъны юйю – туугъан джери.
- Ач – эснер, ат – кишнер.
- Билим къая тешер.
- Тили узунну, намысы – къысха.
- Ашда – бёрю, ишде – ёлю.
- Адамны аты башхача, акъылы да башхады.
- Джан саулукъ бермей, сан саулукъ бермезсе.
- Чёбню кёлтюрсенг, тюбюнден сёз чыгъар.
- Арба аугъандан сора, джол кёргюзтюучю кёб болур.
- Ушамагъан – джукъмаз.
- Къарнынг ауруса, ауузунгу тый
- Билеги кючлю, бирни джыгъар, билими кючлю, мингни джыгъар.
- «Ёгюз, джаргъа джууукъ барма, меннге джюк боллукъса», - дегенди эшек.
- Накъырданы арты керти болур.
- Сёз къанатсыз учар.
- Айтхан – тынч, этген – къыйын.
- Элге къуллукъ этмеген, элге ие болмаз.
- Таукелге нюр джауар.
- Аджал соруб келмез, келсе, къайтыб кетмез.
- Онгсузну – джакъла, тенгликни – сакъла.
- Къыйынлы джети элге оноу этер.
- Тилчиден кери бол.
- Бети бедерден, намыс сакълама.
- Къан бла кирген, джан бла чыгъар.
- Душманны тышы – акъ, ичи – къара.
- Иги сёз – джаннга азыкъ, аман сёз башха – къазыкъ.
- Кёкдеги болмаса, джердегин кёрмейди.
- Аууз сакълагъан – джан сакълар.
- Экиндини кеч къылсанг, чабыб джетер ашхам.
- Суугъа – таянма, джаугъа – ийнанма.
- Эрни эр этерик да, къара джер этерик да, тиширыуду.
- Тиширыусуз юй – отсуз от джагъа.
- Дууулдаса – бал чибин, къонса – къара чибин.
- Эл тойса, тоймагъан, эл къойса, къоймагъан.
- Адеби болмагъан къыз – тузсуз хант.
- Ётюрюкню къуйругъу – бир тутум.
- Тилчи бир сагъатха айлыкъ хата этер.
- Чыкълы кюнде чыкъмагъан, чыкъса къуру кирмеген.
- Кёб къычыргъандан – къоркъма, тынч олтургъандан – къоркъ.
- Кёбню кёрген – кёб билир.
- Къарны аманнга къазан такъдырма, къолу аманнга от джакъдырма.
- Тенгни тенглиги джашай барсанг билинир.
- Иги адам абынса да, джангылмаз.
- Кюн – узун, ёмюр – къысха.
- Джарлы эскисин джамаса, къууаныр.
- Таякъ этден ётер, тил сюекден ётер.
- Чомартха Тейри да борчлуду.
- Байма, деб да, къууанма, джарлыма, деб да, джылама.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72