- Аджалсыз ёлюм болмаз.
- Тойгъа барсанг, тоюб бар, эски тонунгу къоюб бар.
- Магъанасыз сёз – тауушсуз сыбызгъы.
- Чыкълы кюнде чыкъмагъан, чыкъса къуру кирмеген.
- Термилгенинги табмазса, кюлгенинге тюберсе.
- Джолунга кёре – джюрюшюнг, джагъанга кёре – юлюшюнг.
- Юйюнгден чыкъдынг – кюнюнгден чыкъдынг.
- Керти сёзге тёре джокъ.
- Таугъа чыгъаллыкъ эсенг, тюзде къалма.
- Къумурсхала джыйылсала, пилни да джыгъадыла.
- Чакъырылмагъан къонакъ – орунсуз.
- Алтыннга тот къонмаз.
- Эрине къаргъыш этген къатын, эрнин къабар.
- Сормай – алма, чакъырылмай – барма.
- Аш иеси бла татлыды.
- Къан бла кирген, джан бла чыгъар.
- Чёбню кёлтюрсенг, тюбюнден сёз чыгъар.
- Къарнынг бла ёч алма.
- Кёз – сюйген джерде, къол – ауругъан джерде.
- Къызны минг тилер, бир алыр.
- Бек анасы джыламаз.
- Ата джурт – алтын бешик.
- Окъугъанны бети джарыкъ.
- Къыз келсе, джумуш эте келеди, къатын келсе, ушакъ эте келеди.
- Джаз бир кюнню джатсанг, къыш талай кюнню абынырса.
- Сабийликде юретмесенг, уллу болса – тюзелмез.
- Айранын берсенг, челегин да къызгъанма.
- Ёзденликни джайгъан – джокълукъ.
- Артына баргъанны, къатына барма.
- Айран ичген – къутулду, джугъусун джалагъан – тутулду.
- Ёгюзню мюйюзюнден тутадыла, адамны сёзюнден тутадыла.
- Аман хансны – урлугъу кёб.
- Тёзгеннге, джабылгъан эшик ачылыр.
- Ашхы болсанг, атынг чыгъар, аман болсанг, джанынг чыгъар.
- Ёзденликни кёбю ётюрюк.
- Уллу атлама – абынырса, уллу къабма – къарылырса.
- Эринчекни эр алмаз, эр алса да, кёл салмаз, кёл салса да, кёб бармаз!
- Айтханы чапыракъдан ётмеген.
- Телиге акъыл салгъандан эсе, ёлгеннге джан салырса.
- Къонагъы джокъну – шоху джокъ.
- Ауузу аманнга «иги», деме.
- Накъырда – кертини келечиси.
- Урунуу – насыбны анасы.
- Сютден ауузу кюйген, суугъа юфгюре эди.
- Тенгни тенглиги джашай барсанг билинир.
- Ашатыргъа иш – ашхы, ишлетирге аш – ашхы.
- Ашлыкъ – бюртюкден, джюн – тюкден.
- Нафысынгы айтханын этме, намысынгы айтханын эт.
- Керек ташны ауурлугъу джокъ.
- Ашын ашагъанынгы, башын да сыйла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72