Эльбрусоид :: Форум :: Архив форумов

Ёзденликни джайгъан – джокълукъ.
Кёкдеги болмаса, джердегин кёрмейди.
Кесинг сынамагъан затны, адамгъа буюрма.
Къоркъакъны кёзю экили кёрюр.
Аурууну келиую тынч, кетиую – къыйын.
Къарыусузгъа кюлме, онгсузгъа тийме.
Билими азны – ауузунда кирит.
Джумушакъ терекни къурт ашар.
Адамгъа аман кюн соруб келмейди.
Джеринден айырылгъан – джети джылар, джуртундан айырылгъан – ёлгюнчю джылар.
Аууз сакълагъан – джан сакълар.
Тилсиз миллет джокъ болур.
Иги болса, тамадама – махтау, аман болса, меннге – айыб.
Джангыз торгъай джырламаз.
Кийимни бичсенг, кенг бич, тар этген къыйын тюлдю.
Босагъа таш юйге кирмей эди, тыбыр таш эшикге чыкъмай эди.
Рысхы джалгъанды: келген да этер, кетген да этер.
Атлыны ашхысы, ат тизгининден билинир
Чомарт къонакъ юй иесин сыйлар.
Къанны къан бла джуума, аманны аман бла къуума.
Къызын тута билмеген, тул этер, джашын тута билмеген, къул этер.
Адебни адебсизден юрен.
Ариу сёзде ауруу джокъ.
Аманнга да, игиге да оноусуз къатышма.
Ушамагъан – джукъмаз.
Сабий болмагъан джерде, мёлек болмаз.
Къарнынг ауруса, ауузунгу тый
Джашлыкъ этмеген, башлыкъ этмез.
Сагъышы джокъ – джукъучу, акъылы джокъ – къаугъачы.
Мухар, кеси тойса да, кёзю тоймаз.
Къазанны башы ачыкъ болса, итге уят керекди.
Къыз чыгъаргъан – къызыл къымжа.
Ашхы сёз таш тешер.
Къарт болгъан джерде, берекет болур, сабий болгъан джерде, оюн болур.
Адам боллукъ, атламындан белгили болур.
Эл ауузу – элек, анга ийнаннган – халек.
Мал тутхан – май джалар.
Къарнынг къанлынга кийирир.
Тойгъан джерден туугъан джер игиди.
Халкъны джырын джырласанг, халкъ санга эжиу этер.
Аш кетер да бет къалыр.
Къонакъ аз олтурур, кёб сынар.
Эм ашхы къайын ана мамукъ бла башынгы тешер.
Аууздан келген, къолдан келсе, ким да патчах болур эди.
Керилген да, ургъан кибикди.
Тойгъан антын унутур.
Адамны аманы адамны бети бла ойнар.
Ачыкъ джюрекге джол – ачыкъ.
Ашда – бёрю, ишде – ёлю.
Эрни эр этерик да, къара джер этерик да, тиширыуду.

Логин:
Пароль:
	Запомнить меня на этом компьютере

Забыли свой пароль?
Регистрация