- Узун джолну барсанг, бюгюн келирсе, къысха джолну барсанг, тамбла келирсе.
- Ёлмесенг да, къарт дамы болмазса?
- Тил джюрекге джол ишлейди.
- Къарнынг къанлынга кийирир.
- Элиб деген, элге болушур.
- Кёб джат да, бек чаб.
- Бастасын ашагъан, хантусун да ичер.
- Аманнга игилик этсенг, юйюнге сау бармазса.
- Халкъны юйю – туугъан джери.
- Суугъа – чабакъ, къаягъа – ыргъакъ.
- Джарлы тюеге минсе да, ит къабар.
- Джолунга кёре – джюрюшюнг, джагъанга кёре – юлюшюнг.
- Чомартны къолун джокълукъ байлар.
- Аманны эки битли тону болур, бирин сеннге кийдирир, бирин кеси киер.
- Айтхан – тынч, этген – къыйын.
- Эшекге миннген – биринчи айыб, андан джыгъылгъан – экинчи айыб.
- Адамны сабийин сюйген джюреги, бычакъча, джитиди.
- Таукел тауну аудурур.
- Бети бедерден, намыс сакълама.
- Гугурук къычырмаса да, тангны атары къалмаз.
- Аш иеси бла татлыды.
- Айныгъанлы алты кюн, тогъайгъанлы тогъуз кюн.
- Акъылсызны джууукъгъа алма, акъыллыны кенгнге салма.
- Къар – келтирди, суу – элтди.
- Джарашыу сюйген – джалынчакъ.
- Джашлыкъ этмеген, башлыкъ этмез.
- Чомарт джарлы болмаз.
- Ашыкъгъан cуу, тенгизге джетмез.
- Адеби болмагъан къыз – тузсуз хант.
- Хаухну атма, ёнгкючню сатма.
- Тюкюрюк баш джармаз, налат кёз чыгъармаз!
- Игини сыйлагъан адетди.
- Аманнга да, игиге да оноусуз къатышма.
- Ач бёрюге мекям джокъ.
- Къозулугъунда тоймагъан, къойлугъунда тоймаз.
- Уллу сёлешме да, уллу къаб.
- Аш кетер да бет къалыр.
- Окъугъан озар, окъумагъан тозар.
- Ашда – бёрю, ишде – ёлю.
- Къулакъдан эсе, кёзге ышан.
- Тойгъа алгъа да барма, тойда артха да къалма.
- Къууут – джелге, берне – бошха.
- Ашхы – джыяр, аман – джояр.
- Сормай – алма, чакъырылмай – барма.
- Къарын къуру болса, джюрек уру болур.
- Тойгъандан сора, ашны сёкме.
- Кёпюр салгъан кеси ётер, уру къазгъан кеси кетер.
- Азыкълы ат арымаз, къатыны аман джарымаз.
- Билим насыб берир, билим джолну керир.
- Нарт сёз – тилни бети.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72