- Билим ат болуб да чабар, къуш болуб да учар.
- Ашыкъгъанны этеги бутуна чырмалыр.
- Ашха уста, юйюнде болсун
- Биреуге аманлыкъны тилеме да, кесинге ашхылыкъны тиле.
- Джолунга кёре – джюрюшюнг, джагъанга кёре – юлюшюнг.
- Ач уят къоймаз.
- Игилик игилик бла сингдирилиучю затды.
- Эрине къаргъыш этген къатын, эрнин къабар.
- Тюзлюк шохлукъну бегитир.
- Этни бети бла шорпасы.
- Аманнга алтын чыдамаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Башсыз урчукъ тюзюне айланмаз.
- Аман хансны – урлугъу кёб.
- Эки къатын алгъан – эки ташны ортасына башын салгъан.
- Къалгъан ишге къар джауар.
- Тилчи бир сагъатха айлыкъ хата этер.
- Къууут – джелге, берне – бошха.
- Ашда уялгъан – мухар, ишде уялгъан – хомух.
- Къайгъыны сюйген, къайгъы табар.
- Бетинги сатма, малынгы сат.
- Окъугъанны бети джарыкъ.
- Танг атмайма десе да, кюн къоярыкъ тюйюлдю.
- Аджашханны ызындагъы кёреди, джангылгъанны джанындагъы биледи.
- Акъыл къартда, джашда тюйюлдю – башдады.
- Аманнга игилик этсенг, юйюнге сау бармазса.
- Ачыкъ джюрекге джол – ачыкъ.
- Адамны аты башхача, акъылы да башхады.
- Къонакъ аман болса, къонакъбай джунчур
- Джахил болса анасы, не билликди баласы?
- Кёб къычыргъандан – къоркъма, тынч олтургъандан – къоркъ.
- Адамны сабийин сюйген джюреги, бычакъча, джитиди.
- Биреуню къыйынлыгъы бла кесинге джол ишлеме.
- Къонакъ хазыр болгъанлыкъгъа, къонакъбай хазыр тюлдю.
- Борчунг бар эсе, хурджунунга ойлаб узал.
- Адеби болмагъан къыз – тузсуз хант.
- Зар адам ашынгы ашар, кесинги сатар.
- Элде адам къалмаса, ит тахтагъа минер.
- Тёгюлген тюгел джыйылмайды.
- Керилген да, ургъан кибикди.
- Татлы тилде – сёз ариу, чемер къолда – иш ариу.
- Арбаз къынгырды да, ийнек сауалмайма.
- Къазанчы аман болса, къазаны къайнамаз.
- Терек ауса, отунчу – кёб.
- Кийимни бир кюнню аясанг, минг кюннге джарар.
- Ата Джуртун танымагъан, атасын да танымаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ата Джуртча джер болмаз, туугъан элча эл болмаз.
- Уллу айтханны этмеген – уллаймаз.
- Билгенни къолу къарны джандырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72