- Кесинге джетмегенни, кёб сёлешме.
- Кечеси – аяз, кюню – къыш, джарлы къаргъагъа бир аш тюш!
- Аман эсирсе, юйюн ояр.
- Эл тойса, тоймагъан, эл къойса, къоймагъан.
- Тёрдеги кюлсе, эшикдеги ышарыр.
- Тёгюлген тюгел джыйылмайды.
- Насыблы элин сюер, насыбсыз кесин сюер.
- Къайгъыны сюйген, къайгъы табар.
- Берекет берсин деген джерде, берекет болур.
- Эки итни арасына сюек атма, эки адамны арасында сёз чыгъарма.
- Джашынгы кесинг юретмесенг, джашау юретир.
- Чакъырылмагъан къонакъ тёрге атламаз.
- Ач – эснер, ат – кишнер.
- Бал чибинни ургъаны – ачы, балы – татлы.
- Урама да – ёледи, сатама да – келеди.
- Минг тенг да азды, бир джау да кёбдю.
- Чомарт бергенин айтмаз.
- Ойнай-ойнай кёз чыгъар.
- Сибиртки да сыйлы болду, кюрек да кюнлю болду.
- Гугурук къычырмаса да, тангны атары къалмаз.
- Билими азны – ауузунда кирит.
- Эркишиге тары кебек танг кёрюнюр.
- Тенги кёбню джау алмаз, акъылы кёбню дау алмаз.
- Чакъырылгъанны аты, чакъырылмагъанны багъасы болур.
- Чоюнну башы ачыкъ болса, итге уят керекди.
- Аман адам элни бир-бирине джау этер.
- Иги сеники эсе да, сюйген кесимикин этеме.
- Байлыкъ тауусулур, билим тауусулмаз.
- Биреу ашаб къутулур, биреу джалаб тутулур.
- Айраннга суу къош, телиге джол бош.
- Ишин билген, аны сыйын чыгъарады.
- Тыш элде солтан болгъандан эсе, кесинги элде олтан болгъан игиди!
- Кесине гебен этелмеген, биреуге черен эте эди.
- Чыбыкълыкъда бюгюлмеген, къазыкълыкъда бюгюлмей эди.
- Ашаса, ашамаса да, бёрюню ауузу – къан.
- Аман киши кеси юйюнде – къонакъ.
- Ёзденликни кёбю ётюрюк.
- Джырчы ёлсе, джыры къалыр.
- Эки ойлашыб, бир сёлешген.
- Тура эдим джата, къайдан чыкъды хата?
- Сёз къанатсыз учар.
- Кёл – къызбай, къол – батыр.
- Сабыр джетер муратха, сабырсыз къалыр уятха.
- Къыз келсе, джумуш эте келеди, къатын келсе, ушакъ эте келеди.
- Аз айтсам, кёб ангылагъыз.
- Ата Джуртуму башы болмасам да, босагъасында ташы болайым.
- Телини эшигин, махтау джабар.
- Сескекли кесин билдирир.
- Булут кёкге джарашыу, уят бетге джарашыу.
- Тюзлюк шохлукъну бегитир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72