- Ачыу алгъа келсе, акъыл артха къалады.
- Урама да – ёледи, сатама да – келеди.
- Тулпарлыкъ, билекден тюл – джюрекден.
- Кёкдеги болмаса, джердегин кёрмейди.
- Бетинги сатма, малынгы сат.
- Кеси юйюмде мен да ханма.
- Джылыгъа джылан илешир.
- Намыс болмагъан джерде, насыб болмаз.
- Иги сёз – джаннга азыкъ, аман сёз башха – къазыкъ.
- Этим кетсе да, сюегим къалыр.
- Абынмазлыкъ аякъ джокъ, джангылмазлыкъ джаякъ джокъ.
- Аманны тукъумуна къарама, игини тукъумун сорма.
- Шайтан алдады, тюзлюк къаргъады.
- Джарлы джети элни сёзюн этер.
- Тойгъан джерден туугъан джер игиди.
- Накъырда – кертини келечиси.
- Ач къарным, тынч къулагъым.
- Ашда уялгъан – мухар, ишде уялгъан – хомух.
- Эл ауузу – элек, анга ийнаннган – халек.
- Тёрде – темир таякълы, къаяда – чыпчыкъ аякълы.
- Келинни – келгинчи, бёркню кийгинчи кёр.
- Чомартны къолун джокълукъ байлар.
- Билим – акъылны чырагъы.
- Чомарт бергенин айтмаз.
- Аман адам этегингден тутса, кес да къач.
- Акъыллы эркиши атын махтар, акъылсыз эркиши къатынын махтар.
- Экеу тутушса, биреу джыгъылыр.
- Хата – гитчеден.
- Арбаз сайлама да, хоншу сайла.
- Чакъырылмагъан къонакъ тёрге атламаз.
- Ётген ёмюр – акъгъан суу.
- Арпа, будай – ащды, алтын, кюмюш а – ташды.
- Ашхы сёз таш тешер.
- Аш иеси бла татлыды.
- Игиге айтсанг – билир, аманнга айтсанг – кюлюр.
- Татлы тилде – сёз ариу, чемер къолда – иш ариу.
- Тиширыусуз юй – отсуз от джагъа.
- Ачлыкъда тары гырджын халыуадан татлы.
- Аш кетер да бет къалыр.
- Булут кёкге джарашыу, уят бетге джарашыу.
- Билмейме деген – бир сёз
- Шекер бла туз – бир болмаз, ушамагъан – юй болмаз.
- Ауругъаннга – кийик саулукъ, джетген къызгъа – чилле джаулукъ.
- Агъач халкъгъа алтынды, иссиликге салкъынды.
- Байлыкъ адамны сокъур этер.
- Ёлген ийнек сютлю болур.
- Ойнаб айтсанг да, эслеб айт.
- Танг атмайма десе да, кюн къоярыкъ тюйюлдю.
- Уллу къазанда бишген эт, чий къалмаз.
- Таукелге нюр джауар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72