- Къонагъы джокъну – шоху джокъ.
- Ашаса, ашамаса да, бёрюню ауузу – къан.
- Ханнга да келеди хариблик.
- Бозаны арты дауур болур.
- Къолунгдан къуймакъ ашатсанг да, атаны борчундан къутулмазса.
- Тюзню ётмеги тюзде къалса да, тас болмаз.
- Биреуню эскиси биреуге джангы болмайды.
- Адам къыйынлыгъын кёлтюрюр, зауукълугъун кёлтюрмез.
- Джаным-тиним – окъуу, билим.
- Байлыкъ болгъан джерде, тынчлыкъ джокъду.
- Джогъун бар этген, барын бал этген.
- Таукел адам тау тешер.
- Ашарыкъда сайлагъаннга – чий гырджын.
- Намыс болмагъан джерде, насыб болмаз.
- Ёлмесенг да, къарт дамы болмазса?
- Джылкъыдан – ат чыгъар, тукъумдан – джаш чыгъар.
- Эки къатын алгъанны къулагъы тынгнгаймаз.
- Рысхы – сют юсюнде кёмюк кибикди.
- Кёбден умут этиб, аздан къуру къалма.
- Ойнай билмеген, уруб къачар.
- Ариуну – ауруу кёб.
- Танг атмайма десе да, кюн къоярыкъ тюйюлдю.
- Къарыусузгъа кюлме, онгсузгъа тийме.
- Таш ата билмеген, башына урур.
- Ёлюк кебинсиз къалмаз.
- Ариу джол аджал келтирмез.
- Кёб ант этген, кёб ётюрюк айтыр.
- Таукел тауну аудурур.
- Къонакъ хазыр болгъанлыкъгъа, къонакъбай хазыр тюлдю.
- Окъуусуз билим – джокъ, билимсиз кюнюнг – джокъ.
- Къумурсхала джыйылсала, пилни да джыгъадыла.
- Башынга джетмегенни сорма.
- Зар адам ашынгы ашар, кесинги сатар.
- Чалманны аллы къалай башланса, арты да алай барады.
- Сёз сёзню айтдырыр.
- Хар адамгъа кеси миннген тау кибик.
- Душманны тышы – акъ, ичи – къара.
- Хар сёзню орну барды.
- Эр сокъур болсун, къатын тилсиз болсун.
- Аман киши кеси юйюнде – къонакъ.
- Адам къаллай бир ишленмесе, аллай бир кесин уллу кёреди.
- Ашыкъгъан cуу, тенгизге джетмез.
- Тюкюрюк баш джармаз, налат кёз чыгъармаз!
- Билими азны – ауузунда кирит.
- Орундукъ тюбюнде атылсам да, орта джиликме, де да айлан.
- Бичгенде ашыкъма, тикгенде ашыкъ.
- Кёзден кетген, кёлден да кетеди.
- Арба аугъандан сора, джол кёргюзтюучю кёб болур.
- Уллу айтханны этмеген – уллаймаз.
- Татлы сёз – балдан татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72