- Сабий болмагъан джерде, мёлек болмаз.
- Эрни эр этерик да, къара джер этерик да, тиширыуду.
- Экиндини кеч къылсанг, чабыб джетер ашхам.
- Тил – кесген бычакъ, сёз – атылгъан окъ.
- Алгъанда – джууукъ, бергенде – джау.
- Ашыкъгъанны этеги бутуна чырмалыр.
- Чыбыкълыкъда бюгюлмеген, къазыкълыкъда бюгюлмей эди.
- Мураты болгъанны джюрек тебюую башхады.
- Джети тилни билген джети кишиди.
- Кёзден кетген, кёлден да кетеди.
- Кёлю джокъну – джолу джокъ.
- Кийимни бичсенг, кенг бич, тар этген къыйын тюлдю.
- Къатыны харакетли болса, эри къымсыз болур.
- Намыс сатылыб алынмайды.
- «Ёгюз, джаргъа джууукъ барма, меннге джюк боллукъса», - дегенди эшек.
- Тёгюлген тюгел джыйылмайды.
- Эркишини аманы тиширыуну джылатыр.
- Мухардан ач ычхынмаз.
- Къарнынг къанлынга кийирир.
- Ана кёлю – балада, бала кёлю – талада.
- Джаз бир кюнню джатсанг, къыш талай кюнню абынырса.
- Ауурну тюбю бла, дженгилни башы бла джюрюген.
- Джыланны къуйругъундан басарынг келсе, аны башы болгъанын унутма.
- Ойнаб айтсанг да, эслеб айт.
- Берекет берсин деген джерде, берекет болур.
- Этни да ашады, бетни да ашады.
- Бек ашыкъгъан меннге джетсин, дегенди аракъы.
- Баланы адам этген анады.
- Тил бла келеди джыр да.
- Къонакъ аз олтурур, кёб сынар.
- Эм уллу байлыкъ – джан саулукъ.
- Айран тёгюлсе, джугъусу къалыр.
- Насыб бютеу халкъны юлюшюдю.
- Мадар болса, къадар болур.
- Бойнуму джети джерден кессенг да, мен ол ишни этеллик тюлме.
- Уллу сёлешме да, уллу къаб.
- Эри аманны, къатыны – аман.
- Акъыллы эркиши атын махтар, акъылсыз эркиши къатынын махтар.
- Джуртун къоругъан озар.
- Тели турса – той бузар.
- Кёб ант этген, кёб ётюрюк айтыр.
- Кюлме джашха – келир башха.
- Бермеген къол, алмайды.
- Чакъырылгъанны аты, чакъырылмагъанны багъасы болур.
- Тик ёргени, тик энгишгеси да болады.
- Айырылмаз джууугъунга, унутмаз сёзню айтма.
- Кёб джат да, бек чаб.
- Адам къыйынлыгъын кёлтюрюр, зауукълугъун кёлтюрмез.
- Чакъырылмагъан къонакъ къачан кетерин сормаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72