- Тенгинг джокъ эсе – изле, бар эсе – сакъла!
- Кийиминг бла танылма, адамлыкъ бла таныл.
- Адеб этмеген, адеб кёрмез.
- Къошда джокъгъа – юлюш джокъ.
- Ашхы атаны – джашы ашхы, ашхы ананы – къызы ашхы.
- Байдан умут эте, джарлыдан ёгюз багъасы къорады.
- Ач уят къоймаз.
- Ариу сёзде ауруу джокъ.
- Джылар джаш, атасыны сакъалы бла ойнар.
- Сабийни джумушха джибер да, ызындан бар.
- Бек ашыкъгъан меннге джетсин, дегенди аракъы.
- Джарлы эскисин джамаса, къууаныр.
- Aдам боллукъ, сыфатындан белгили.
- Къазанчы аман болса, къазаны къайнамаз.
- Тойгъандан сора, ашны сёкме.
- Кийимни бир кюнню аясанг, минг кюннге джарар.
- Къалгъан ишге къар джауар.
- Соргъан айыб тюлдю, билмеген айыбды.
- Иги сёз – джаннга азыкъ, аман сёз башха – къазыкъ.
- Ариу джол аджал келтирмез.
- Элге къуллукъ этмеген, элге ие болмаз.
- Къар – келтирди, суу – элтди.
- Кёб джат да, бек чаб.
- Ёлмесенг да, къарт дамы болмазса?
- Болджал ишни бёрю ашар.
- Къарын къуру болса, джюрек уру болур.
- Хаухну атма, ёнгкючню сатма.
- Тай асырагъан, атха минер.
- Баш – акъыл ючюн, акъылман – халкъ ючюн.
- Аджал соруб келмез, келсе, къайтыб кетмез.
- Шекер бла туз – бир болмаз, ушамагъан – юй болмаз.
- Эркиши – от, тиширыу – суу.
- Кёз – сюйген джерде, къол – ауругъан джерде.
- Къарыусузгъа кюлме, онгсузгъа тийме.
- Игиге айтсанг – билир, аманнга айтсанг – кюлюр.
- Элде адам къалмаса, ит тахтагъа минер.
- Къарнынг бла ёч алма.
- Тюзлюк шохлукъну бегитир.
- Кюн – узун, ёмюр – къысха.
- Хар сёзню орну барды.
- Акъыллы эркиши атын махтар, акъылсыз эркиши къатынын махтар.
- Телиге от эт десенг, юйюнге от салыр.
- Сабыр джетер муратха, сабырсыз къалыр уятха.
- Биреуге аманлыкъ этиб, кесинге игилик табмазса.
- Чомартны къолун джокълукъ байлар.
- Этни да ашады, бетни да ашады.
- Къобан да къуру да къобханлай турмайды, адам да къуру да патчахлай турмайды.
- Гитче джилтин уллу элни джандырыр.
- Джашда акъыл джокъ, къартда къарыу джокъ.
- Чыкълы кюнде чыкъмагъан, чыкъса къуру кирмеген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72