Эльбрусоид :: Форум :: Архив форумов

Биреуню къыйынлыгъы бла кесинге джол ишлеме.
Джети тилни билген джети кишиди.
Адамны аты башхача, акъылы да башхады.
Дуния малгъа сатылма, кесингден телиге къатылма.
Суу кетер, таш къалыр.
Нафысынгы айтханын этме, намысынгы айтханын эт.
Тау башында, тау болмаз, джангыз терек, бау болмаз.
Билеги кючлю, бирни джыгъар, билими кючлю, мингни джыгъар.
Джангыз терек къынгыр ёсер.
Эл бла кёргенинг эрелей.
Биреуню эскиси биреуге джангы болмайды.
Эм уллу байлыкъ – джан саулукъ.
Ашха уста, юйюнде болсун
Айтхан сёзюне табылгъан.
Ишленмеклик адамлыкъды.
Этим кетсе да, сюегим къалыр.
Аманнга алтын чыдамаз.
Джаш къарыу бла кючлю, къарт акъыл бла кючлю.
Атадан ёксюз – бир ёксюз, анадан ёксюз – эки ёксюз.
Ашарыкъда сайлагъаннга – чий гырджын.
Эллинг бла джау болсанг да, юйюнг бла джау болма.
Суу ичген шауданынга тюкюрме.
Тили узунну, намысы – къысха.
Чомартны къолун джокълукъ байлар.
Аш иеси бла татлыды.
Къумурсхала джыйылсала, пилни да джыгъадыла.
Тешигини къатында, чычхан да батыр болур.
Къонагъы джокъну – шоху джокъ.
Къайгъы тюбю – тенгиз.
Хар ишни да аллы къыйынды.
Чомарт бергенин айтмаз.
Къайтырыкъ эшигинги, къаты уруб чыкъма.
Къобан да къуру да къобханлай турмайды, адам да къуру да патчахлай турмайды.
Джуртун къоругъан озар.
Тас болгъан бычакъны сабы – алтын.
Адамны бетине къарама, адетине къара.
Чомарт къолда мал къалмаз.
Джарлы тюеге минсе да, ит къабар.
Келгинчи, къонакъ уялыр, келгенден сора, къонакъбай уялыр.
Мухардан ач ычхынмаз.
Къатын байлыкъны сюер, эр саулукъну сюер.
Билим – акъылны чырагъы.
Рысхы джалгъанды: келген да этер, кетген да этер.
Ашхылыкъ джерде джатмайды, аманлыкъ суугъа батмайды.
Керек ташны ауурлугъу джокъ.
Ёзденликни джайгъан – джокълукъ.
Иги адамны бир сёзю эки болмаз.
Къууут – джелге, берне – бошха.
Орну джокъну – сыйы джокъ.
Аджалсыз ёлюм болмаз.

Логин:
Пароль:
	Запомнить меня на этом компьютере

Забыли свой пароль?
Регистрация