- «Ёгюз, джаргъа джууукъ барма, меннге джюк боллукъса», - дегенди эшек.
- Кютгени беш эчки, сызгъыргъаны уа, джерни джарады.
- Джылар джаш, атасыны сакъалы бла ойнар.
- Ишленмеклик адамлыкъды.
- Ишлемеген – тишлемез.
- Таукел тауну аудурур.
- Ариу сёз – джаннга азыкъ, аман сёз – башха къазыкъ.
- Бозаны арты дауур болур.
- Эрни эр этерик да, къара джер этерик да, тиширыуду.
- Ышармагъан – кюлмез, кюлмеген – къууанчны билмез.
- Уллу айтханны этмеген – уллаймаз.
- Керти сёзге тёре джокъ.
- Джумушакъ терекни къурт ашар.
- Сескекли кесин билдирир.
- Къолунгдан къуймакъ ашатсанг да, атаны борчундан къутулмазса.
- Чоюнну башы ачыкъ болса, итге уят керекди.
- Бек анасы джыламаз.
- Эринчекге кюн узун.
- Ханнга да келеди хариблик.
- Игиге айтсанг – билир, аманнга айтсанг – кюлюр.
- Джарашыу сюйген – джалынчакъ.
- Аджал соруб келмез, келсе, къайтыб кетмез.
- Тойгъанлыкъ къойгъа джарашады.
- Кийимни бир кюнню аясанг, минг кюннге джарар.
- Алтыда кюлмеген, алтмышда кюлмез.
- Биреуге кёлтюрген таягъынг, кесинги башынга урур.
- Къулакъдан эсе, кёзге ышан.
- Тойгъандан сора, ашны сёкме.
- Эркишини аманы тиширыуну джылатыр.
- Джетген къыз джерли эшекни танымаз.
- Эли джокъну – кёлю джокъ.
- Къарыусузгъа кюлме, онгсузгъа тийме.
- Уллу къашыкъ эрин джыртар.
- Адам туугъан джеринде, ит тойгъан джеринде.
- Эшекни не къадар тюйсенг да, ат болмаз.
- Тойну къарнашы – харс, джырны къарнашы – эжиу.
- Эки ойлашыб, бир сёлешген.
- Джаз бир кюнню джатсанг, къыш талай кюнню абынырса.
- Айтылгъан сёз ызына къайтмаз.
- Къайтырыкъ эшигинги, къаты уруб чыкъма.
- Ишни аллы бла къууанма да, арты бла къууан.
- Игилик игилик бла сингдирилиучю затды.
- Эски джаугъа ышанма.
- Хаухну атма, ёнгкючню сатма.
- Юре билмеген ит, къонакъ келтирир.
- Билим ат болуб да чабар, къуш болуб да учар.
- Мадар болса, къадар болур.
- Намысы болмагъанны, сыйы болмаз.
- Сууда джау джокъ, кёб сёзде магъана джокъ.
- Ауругъанны сау билмез, ач къарынны токъ билмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72