- Ишин билген, аны сыйын чыгъарады.
- Арбаз сайлама да, хоншу сайла.
- Берекет берсин деген джерде, берекет болур.
- Ишлерге уял да, ашаргъа табма.
- Тамбла алтындан бюгюн багъыр ашхы.
- Ёлюк кебинсиз къалмаз.
- Билген билмегенни юретген адетди.
- Ач къарынны, токъ билмез
- Ашатыргъа иш – ашхы, ишлетирге аш – ашхы.
- Джаш болсун, къыз болсун, акъылы, саны тюз болсун.
- Алим болгъандан эсе, адам болгъан къыйынды.
- Адам сёзюнден белгили.
- Таякъ этден ётер, тил сюекден ётер.
- Ашхы сёз таш тешер.
- Къыз келсе, джумуш эте келеди, къатын келсе, ушакъ эте келеди.
- Тай асырагъан, атха минер.
- Аманны тукъумуна къарама, игини тукъумун сорма.
- Чакъырылмагъан къонакъ тёрге атламаз.
- Келинни – келгинчи, бёркню кийгинчи кёр.
- Ишге юренсин къоллары, халкъ бла болсун джоллары.
- Келлик заман – къартлыкъ келтирир, кетген заман – джашлыкъ ёлтюрюр.
- Къарнынг тойгъунчу аша да, белинг талгъынчы ишле.
- Джумушакъ терекни къурт ашар.
- Тёрдеги кюлсе, эшикдеги ышарыр.
- Къазанчы аман болса, къазаны къайнамаз.
- Чакъырылмагъан къонакъ – орунсуз.
- Тойну къарнашы – харс, джырны къарнашы – эжиу.
- Ётюрюкчюню шагъаты – къатында.
- Джырчы ёлсе, джыры къалыр.
- Сютню башын джалагъан къутулур, тюбюн ичген тутулур.
- Босагъагъа джууукъ орун болса, ашыгъыб тёрге озма.
- Ёлген эшек бёрюден къоркъмайды.
- Кенгеш болса, уруш болмаз.
- Тура эдим джата, къайдан чыкъды хата?
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Элге къуллукъ этмеген, элге ие болмаз.
- Айтылгъан сёз ызына къайтмаз.
- Орундукъ тюбюнде атылсам да, орта джиликме, де да айлан.
- Билмезни кёзю кёрмез, этмезни къулагъы эшитмез.
- Аман киши кеси юйюнде – къонакъ.
- Халкъны юйю – туугъан джери.
- Кёлсюзден сёзсюз тууар.
- Къатын къылыкъсыз, эр тынчлыкъсыз.
- Тели турса – той бузар.
- Насыблы элин сюер, насыбсыз кесин сюер.
- Кюл тюбюндеги от кёрюнмейди.
- Айыбны суу бла джууалмазса.
- Аууз сакълагъан – джан сакълар.
- Термилгенинги табмазса, кюлгенинге тюберсе.
- Окъугъанны бети джарыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72