- Тил – миллетни джаны.
- Ашхы болсанг, атынг чыгъар, аман болсанг, джанынг чыгъар.
- Кечеси – аяз, кюню – къыш, джарлы къаргъагъа бир аш тюш!
- Кеси юйюмде мен да ханма.
- Ана къойну – балагъа джандет.
- Тулпарлыкъ, билекден тюл – джюрекден.
- Шапа кёб болса, аш татымсыз болур.
- Къая джолда джортма, ачыкъ сёзден къоркъма.
- Эри аманны, къатыны – аман.
- Тик ёргени, тик энгишгеси да болады.
- Адам боллукъ, атламындан белгили болур.
- Чомарт бергенин айтмаз.
- Къартны сыйын кёрмеген, къартлыгъында сыйлы болмаз.
- Хар ишни да аллы къыйынды.
- Хатерли къул болур.
- Къыз тиширыу кеси юйюнде да къонакъды.
- Адеб этмеген, адеб кёрмез.
- Ата – билек, ана – джюрек!
- Къарнынг ауруса, ауузунгу тый
- Арпа, будай – ащды, алтын, кюмюш а – ташды.
- Адамны бетине къарама, адетине къара.
- Ач келгенни – тойдур, кеч келгенни – къондур.
- Аякъларынгы джууургъанынга кёре узат.
- Элиб деген, элге болушур.
- Суу да къайтады чыкъгъан джерине.
- Минг тенг да азды, бир джау да кёбдю.
- Ариу сёз аурууунгу алыр.
- Байны къызы баймакъ болса да, юйде къалмаз!
- Намысы джокъну – дуниясы джокъ.
- Сабийни джумушха джибер да, ызындан бар.
- Уллу къашыкъ эрин джыртар.
- Кийимни бир кюнню аясанг, минг кюннге джарар.
- Тойгъа алгъа да барма, тойда артха да къалма.
- Игиге айтсанг – билир, аманнга айтсанг – кюлюр.
- Ёлген ийнек сютлю болур.
- Тойну къарнашы – харс, джырны къарнашы – эжиу.
- Къайгъыны сюйген, къайгъы табар.
- Тёрде – темир таякълы, къаяда – чыпчыкъ аякълы.
- Акъыллы башны – тили къысха.
- Акъыл къартда, джашда тюйюлдю – башдады.
- Бойнуму джети джерден кессенг да, мен ол ишни этеллик тюлме.
- Ат басханны джер билед.
- Джырына кёре эжиую.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Атынг аманнга чыкъгъандан эсе, джанынг тамагъынгдан чыкъсын.
- Бастасын ашагъан, хантусун да ичер.
- Накъырданы арты керти болур.
- Баш болса, бёрк табылыр.
- Азыкъ аз болса, эртде орун сал.
- Гырджын – тепсини тамадасы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72