Эльбрусоид :: Форум :: Архив форумов

Тойгъан джерден туугъан джер игиди.
Байдан умут эте, джарлыдан ёгюз багъасы къорады.
Кечеси – аяз, кюню – къыш, джарлы къаргъагъа бир аш тюш!
Онгсузну – джакъла, тенгликни – сакъла.
Айтхан сёзюне табылгъан.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Мени джылытмагъан кюн, меннге тиймесин!
Кёпюр салгъан кеси ётер, уру къазгъан кеси кетер.
Тынгылагъан тынгы бузар.
Аш берме да, къаш бер.
Таула не мийик болсала да, аууш табылыр.
Къарын къуру болса, джюрек уру болур.
Чоюнну башы ачыкъ болса, итге уят керекди.
Джюрек кёзден алгъа кёрюр.
Рысхы – сют юсюнде кёмюк кибикди.
Джюрекге ариу – кёзге да ариу.
Сескекли кесин билдирир.
Биреуню къыйынлыгъы бла кесинге джол ишлеме.
Къонагъынгы артмагъын алма да, алгъышын ал.
Адамны бетине къарама, адетине къара.
Кюн – узун, ёмюр – къысха.
Айтылгъан сёз ызына къайтмаз.
Байлыкъ тауусулур, билим тауусулмаз.
Бойнуму джети джерден кессенг да, мен ол ишни этеллик тюлме.
Чомарт къонакъ юй иесин сыйлар.
Ичимден чыкъды хата, къайры барайым сата?
Джаралыны джастыгъында сау ёлюр.
Итли къонакъ джарашмаз.
Ашхы сёз таш тешер.
Ургъан суудан башынгы сакъла.
Къарнынг тойгъунчу аша да, белинг талгъынчы ишле.
Кёл – къызбай, къол – батыр.
Джюрекден джюрекге джол барды.
Айныгъанлы алты кюн, тогъайгъанлы тогъуз кюн.
Арба аугъандан сора, джол кёргюзтюучю кёб болур.
Термилгенинги табмазса, кюлгенинге тюберсе.
Магъанасыз сёз – тауушсуз сыбызгъы.
Ишге юренсин къоллары, халкъ бла болсун джоллары.
Ашда уялгъан – мухар, ишде уялгъан – хомух.
Келинин тута билмеген, къул этер, къызын тута билмеген, тул этер.
Илму – джашауну джолу.
Ариу сёз – къылычдан джити.
Эр сокъур болсун, къатын тилсиз болсун.
Акъыллы башны – тили къысха.
Малны кют, джерни тюрт.
Туз, гырджын аша, тюзлюк бла джаша.
Мухарны эси – ашарыкъда.
Джан саулукъ бермей, сан саулукъ бермезсе.
Билмезни кёзю кёрмез, этмезни къулагъы эшитмез.
Ушамагъан – джукъмаз.

Логин:
Пароль:
	Запомнить меня на этом компьютере

Забыли свой пароль?
Регистрация