- Тойгъан антын унутур.
- Айтхан – тынч, этген – къыйын.
- Кёб къычыргъандан – къоркъма, тынч олтургъандан – къоркъ.
- Къазанчы аман болса, къазаны къайнамаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Насыб бютеу халкъны юлюшюдю.
- Босагъа таш юйге кирмей эди, тыбыр таш эшикге чыкъмай эди.
- Aдам боллукъ, сыфатындан белгили.
- Къарнынг къанлынга кийирир.
- Рысхы джалгъанды: келген да этер, кетген да этер.
- Акъдан къара болмаз.
- Аууз сакълагъан – джан сакълар.
- Чомарт джарлы болмаз.
- Уруну арты – къуру.
- Сютню башын джалагъан къутулур, тюбюн ичген тутулур.
- Ач отунчуну ачыуу – бурнунда.
- Кёл – къызбай, къол – батыр.
- Ата – баланы уясы.
- Ашарыкъда сайлагъаннга – чий гырджын.
- Байны оноуу, джарлыгъа джарамаз.
- Гитче джилтин уллу элни джандырыр.
- Башынга джетмегенни сорма.
- Къозулугъунда тоймагъан, къойлугъунда тоймаз.
- Кёз – сюйген джерде, къол – ауругъан джерде.
- Адам туугъан джеринде, ит тойгъан джеринде.
- Тойгъандан сора, ашны сёкме.
- Хоншуну тауугъу къаз кёрюнюр, келини къыз кёрюнюр.
- Къарт болгъан джерде, берекет болур, сабий болгъан джерде, оюн болур.
- Тилчи бир сагъатха айлыкъ хата этер.
- Тойгъа алгъа да барма, тойда артха да къалма.
- Къар – келтирди, суу – элтди.
- Ашхылыкъ джерде джатмайды, аманлыкъ суугъа батмайды.
- Къонакъ хазыр болгъанлыкъгъа, къонакъбай хазыр тюлдю.
- Джол бла сёзню къыйыры джокъ.
- Башы джабылгъан челекге, кир тюшмез.
- Ата Джуртча джер болмаз, туугъан элча эл болмаз.
- Мадар болса, къадар болур.
- Чомартха Тейри да борчлуду.
- Байлыкъ адамны сокъур этер.
- Тили узунну, намысы – къысха.
- Джетген къыз джерли эшекни танымаз.
- Узун джолну барсанг, бюгюн келирсе, къысха джолну барсанг, тамбла келирсе.
- Нафысынгы айтханын этме, намысынгы айтханын эт.
- Ёлген аслан – сау чычхан.
- Татлы тилде – сёз ариу, чемер къолда – иш ариу.
- Рысхы – сют юсюнде кёмюк кибикди.
- Айранын берсенг, челегин да къызгъанма.
- Аджалсыз ёлюм болмаз.
- Ишге юренсин къоллары, халкъ бла болсун джоллары.
- Сакъламагъан затынга джолукъсанг, не бек къууанаса, не бек ачыйса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72