- Сангырау къулакъ эл бузар.
- Атынг аманнга чыкъгъандан эсе, джанынг тамагъынгдан чыкъсын.
- Къарнынг тойгъунчу аша да, белинг талгъынчы ишле.
- Малны кют, джерни тюрт.
- Биреуге аманлыкъны тилеме да, кесинге ашхылыкъны тиле.
- Къар – келтирди, суу – элтди.
- Дуния малгъа сатылма, кесингден телиге къатылма.
- Суу да къайтады чыкъгъан джерине.
- Ашхы тенг джолгъа салыр, аман тенг джолдан тайдырыр.
- Къазанчы аман болса, къазаны къайнамаз.
- Ашда – бёрю, ишде – ёлю.
- Тёрде – темир таякълы, къаяда – чыпчыкъ аякълы.
- Нёгер болсанг, тенг бол, тенг болмасанг, кенг бол.
- Эки къатын алгъанны къулагъы тынгнгаймаз.
- Джарлыны тону джаз битер.
- Джарашыу сюйген – джалынчакъ.
- Джан саулукъ бермей, сан саулукъ бермезсе.
- Башланнган иш битер, къымылдагъан тиш тюшер.
- Ашда уялгъан – мухар, ишде уялгъан – хомух.
- Джетген къыз джерли эшекни танымаз.
- Кийим тукъум сордурур.
- Бир онгсуз адам адет чыгъарды, деб эштирик тюлсе.
- Чакъырылмагъан джерге барма, чакъырылгъан джерден къалма.
- Урунуу – насыбны анасы.
- Билмейме деген – бир сёз
- Ёлмесенг да, къарт дамы болмазса?
- Айтхан – тынч, этген – къыйын.
- Ётюрюкню къуйругъу – бир тутум.
- Джукъу тёшек сайламайды.
- Хар зат кесини орнуна иги.
- Акъдан къара болмаз.
- Адебсиз адам – джюгенсиз ат.
- Чомарт джарлы болмаз.
- Нарт сёз къарт болмаз.
- Тиширыусуз юй – отсуз от джагъа.
- Къонакъ аман болса, къонакъбай джунчур
- Къызны минг тилер, бир алыр.
- Дженгил джетерикме деб, узун джолну къоюб, къысхасын барма.
- Ана къолу ачытмаз.
- Тойгъа барсанг, тоюб бар, эски тонунгу къоюб бар.
- Джыйырма къойну юч джыйырма эбзе кюте эди.
- Къыйынлы джети элни къайгъысын этер.
- Сёлеш деб шай берген, тохта деб, сом берген.
- Ашхы сёз таш тешер.
- Ётюрюкню башын керти кесер.
- Юйлю уругъа ит чабмаз.
- Ана кёлю – балада, бала кёлю – талада.
- Къаллай салам берсенг, аллай джууаб алырса.
- Джумушакъ терекни къурт ашар.
- Сакъ юйюне сау барыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72