- Кёб джат да, бек чаб.
- Нарт сёз – тилни бети.
- Эрни эр этерик да, къара джер этерик да, тиширыуду.
- Ишлегенден, къарагъан уста.
- Бек ашыкъгъан меннге джетсин, дегенди аракъы.
- Сёз – кюмюш, джыр – алтын.
- Ётген ёмюр – акъгъан суу.
- Ач уят къоймаз.
- Акъыл къартда, джашда тюйюлдю – башдады.
- Кийим тукъум сордурур.
- Мухарны эси – ашарыкъда.
- Аурууну келиую тынч, кетиую – къыйын.
- Джангыз торгъай джырламаз.
- Бал чибинни ургъаны – ачы, балы – татлы.
- Шапа кёб болса, аш татымсыз болур.
- Къазанда болса, чолпугъа чыгъар.
- Адамны аты башхача, акъылы да башхады.
- Элге къуллукъ этмеген, элге ие болмаз.
- Къалгъан ишге къар джауар.
- Ёнгкюч къууана барыр, джылай келир.
- Аман къатын сабий табса, бий болур…
- Джылыгъа джылан илешир.
- Байлыкъ келсе, акъыл кетер.
- Билген билмегенни юретген адетди.
- Байдан умут эте, джарлыдан ёгюз багъасы къорады.
- Душманны тышы – акъ, ичи – къара.
- Башсыз урчукъ тюзюне айланмаз.
- Биреуге кёлтюрген таягъынг, кесинги башынга урур.
- Арпа, будай – ащды, алтын, кюмюш а – ташды.
- Иги сеники эсе да, сюйген кесимикин этеме.
- Артына баргъанны, къатына барма.
- Кютгени беш эчки, сызгъыргъаны уа, джерни джарады.
- Адебсиз адам – джюгенсиз ат.
- Ариуну – ауруу кёб.
- Адамны артындан къара сабан сюрме.
- Босагъагъа джууукъ орун болса, ашыгъыб тёрге озма.
- Билеги кючлю, бирни джыгъар, билими кючлю, мингни джыгъар.
- Окъумагъан сокъурду, сокъур ташха абыныр!
- Джыланны къуйругъундан басарынг келсе, аны башы болгъанын унутма.
- Мени джылытмагъан кюн, меннге тиймесин!
- Бозанг болмагъан джерге, къалагъынгы сукъма.
- Тойгъандан сора, ашны сёкме.
- Иесиз малны бёрю ашар.
- Бойнуму джети джерден кессенг да, мен ол ишни этеллик тюлме.
- Чомарт къолда мал къалмаз.
- Аман къатын алгъан, арыр, иги къатын алгъан джарыр.
- Билимсиз иш бармаз.
- Байны оноуу, джарлыгъа джарамаз.
- Акъылсызны джууукъгъа алма, акъыллыны кенгнге салма.
- Биреуню тёрюнден, кесинги эшик артынг игиди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72