Эльбрусоид :: Форум :: Архив форумов

Телиге акъыл салгъандан эсе, ёлгеннге джан салырса.
Къыйынлы джети элни къайгъысын этер.
Рысхы – насыбха къор.
Джарлы джети элни сёзюн этер.
Къошда джокъгъа – юлюш джокъ.
Къонагъы джокъну – шоху джокъ.
Къарыусузгъа кюлме, онгсузгъа тийме.
Орундукъ тюбюнде атылсам да, орта джиликме, де да айлан.
Аш хазыр болса, иш харам болур.
Айтылгъан сёз ызына къайтмаз.
Ашда – бёрю, ишде – ёлю.
Ашда уялгъан – мухар, ишде уялгъан – хомух.
Къазанны башы ачыкъ болса, итге уят керекди.
Юйюнг бла джау болгъандан эсе, элинг бла джау бол.
Ашхы сёз таш тешер.
Соргъан айыб тюлдю, билмеген айыбды.
Нарт сёз – тилни бети.
Суугъа – чабакъ, къаягъа – ыргъакъ.
Акъыл сабырлыкъ берир.
Кийимни бир кюнню аясанг, минг кюннге джарар.
«Ма», - дегенни билмесенг, «бер», - дегенни билмезсе.
Эл ауузу – элек, анга ийнаннган – халек.
Ёнгкюч къууана барыр, джылай келир.
Бал – татлы, балдан да бала – татлы.
Джыланны къуйругъундан басарынг келсе, аны башы болгъанын унутма.
Оюмсуз атлагъан, аджалсыз ёлюр.
Ашлыкъ – бюртюкден, джюн – тюкден.
Тин – байлыгъынг, терен саулугъунг.
Ишлегенде эринме, ишде чолакъ кёрюнме.
Айыбны суу бла джууалмазса.
Билими азны – ауузунда кирит.
Къарнынг ауруса, ауузунгу тый
Билмезни кёзю кёрмез, этмезни къулагъы эшитмез.
Джашны джигитлиги сорулур, къызны джигерлиги сорулур.
Байлыкъ келсе, акъыл кетер.
Халкъны джырын джырласанг, халкъ санга эжиу этер.
Къалгъан ишге къар джауар.
Таукел тауну аудурур.
Баргъанынга кёре болур келгенинг.
Окъугъан – асыу, окъумагъан – джарсыу.
Кёлю джокъну – джолу джокъ.
Къонакъ хазыр болгъанлыкъгъа, къонакъбай хазыр тюлдю.
Аллахха ийнаннган кишини, Аллах онгдурур ишин.
Ата Джуртуму башы болмасам да, босагъасында ташы болайым.
Намыс сатылыб алынмайды.
Суугъа – таянма, джаугъа – ийнанма.
Къайгъыны сюйген, къайгъы табар.
Баш – акъыл ючюн, акъылман – халкъ ючюн.
Акъыллы башны – тили къысха.
Юре билмеген ит, къонакъ келтирир.

Логин:
Пароль:
	Запомнить меня на этом компьютере

Забыли свой пароль?
Регистрация