- Малны кют, джерни тюрт.
- Джан саулукъ бермей, сан саулукъ бермезсе.
- Бюгюн дуния кибик, тамбла ахыратды.
- Ана къолу ачытмаз.
- Азыгъы аз, алгъа къабар, аты аман, алгъа чабар.
- Зарда марда джокъ.
- Рысхысына кёре, джаш ёсер, къышлыгъына кёре, мал ёсер.
- Тура эдим джата, къайдан чыкъды хата?
- Узун джолну барсанг, бюгюн келирсе, къысха джолну барсанг, тамбла келирсе.
- Эшекни не къадар тюйсенг да, ат болмаз.
- Аман киши кеси юйюнде – къонакъ.
- Биреуню къыйынлыгъы бла кесинге джол ишлеме.
- Мухардан ач ычхынмаз.
- Сангырау къулакъ эл бузар.
- Ата – билек, ана – джюрек!
- Байны къызы баймакъ болса да, юйде къалмаз!
- Джеринден айырылгъан – джети джылар, джуртундан айырылгъан – ёлгюнчю джылар.
- Атадан ёксюз – бир ёксюз, анадан ёксюз – эки ёксюз.
- Ёксюзню къалачы уллу кёрюнюр.
- Ач къарным, тынч къулагъым.
- Айран ичген – къутулду, джугъусун джалагъан – тутулду.
- Агъач халкъгъа алтынды, иссиликге салкъынды.
- Къонагъынгы артмагъын алма да, алгъышын ал.
- Ат басханны джер билед.
- Адамны адамлыгъы къыйынлыкъда айгъакъланады.
- Абынмазлыкъ аякъ джокъ, джангылмазлыкъ джаякъ джокъ.
- Сабийни джумушха джибер да, ызындан бар.
- Ишлемеген – тишлемез.
- Къыйынлы джети элни къайгъысын этер.
- Башы ишлегенни, ауузу да ишлер.
- Зар адам ашынгы ашар, кесинги сатар.
- Таукел адам тау тешер.
- Телини эшигин, махтау джабар.
- Юй ишлеген балта эшикде къалыр.
- Кесине оноу эте билмеген, халкъына да эте билмез.
- Баш болса, бёрк табылыр.
- Азыкълы ат арымаз, къатыны аман джарымаз.
- Шекер бла туз – бир болмаз, ушамагъан – юй болмаз.
- Къошда джокъгъа – юлюш джокъ.
- Къууут – джелге, берне – бошха.
- Тамбла алтындан бюгюн багъыр ашхы.
- Аман хансны – урлугъу кёб.
- Мураты болгъанны джюрек тебюую башхады.
- Къарт бла баш аша, джаш бла аякъ аша.
- Кийимни бир кюнню аясанг, минг кюннге джарар.
- Акъыллы – эл иеси, тели – эл баласы.
- Тамчы таш тешер.
- Алим болгъандан эсе, адам болгъан къыйынды.
- Билим – акъылны чырагъы.
- Бал – татлы, балдан да бала – татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72