- Дуния мал дунияда къалады.
- Ата джурт – алтын бешик.
- Гырджын – тепсини тамадасы.
- Кечеси – аяз, кюню – къыш, джарлы къаргъагъа бир аш тюш!
- Билим ат болуб да чабар, къуш болуб да учар.
- Къайтырыкъ эшигинги, къаты уруб чыкъма.
- Иги – алгъыш этер, аман – къаргъыш этер.
- Босагъа таш юйге кирмей эди, тыбыр таш эшикге чыкъмай эди.
- Ачыу алгъа келсе, акъыл артха къалады.
- Элге къуллукъ этмеген, элге ие болмаз.
- Накъырданы арты керти болур.
- Таякъ этден ётер, тил сюекден ётер.
- Ишлерге уял да, ашаргъа табма.
- Мал кёб болса, джууукъ кёб болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сагъыш – къартлыкъгъа сюйюмчю.
- Уллу айтханны этмеген – уллаймаз.
- Тешигини къатында, чычхан да батыр болур.
- Акъдан къара болмаз.
- Чакъырылмагъан джерге барма, чакъырылгъан джерден къалма.
- Тешик этген тынчды, аны джамагъан къыйынды.
- Билмейме деген – бир сёз
- Биреуге кёлтюрген таягъынг, кесинги башынга урур.
- Къулакъдан эсе, кёзге ышан.
- Хазыр ашха – терен къашыкъ.
- Аманны къуугъан, аманлыкъ табар.
- Чакъырылмай келген къонакъ сыйланмай кетер.
- Уллу атлама – абынырса, уллу къабма – къарылырса.
- Къолу уллу – асыу, аягъы уллу – джарсыу.
- Ётген ёмюр – акъгъан суу.
- Ётюрюкню башын керти кесер.
- Сабийликде юретмесенг, уллу болса – тюзелмез.
- Ариу – кёзге, акъыл – джюрекге.
- Элиб деген, элге болушур.
- Намысы болмагъанны, сыйы болмаз.
- Адамны адамлыгъы къыйынлыкъда айгъакъланады.
- Экиндини кеч къылсанг, чабыб джетер ашхам.
- Чыбыкълыкъда бюгюлмеген, къазыкълыкъда бюгюлмей эди.
- Ашлыкъ – бюртюкден, джюн – тюкден.
- Ана къойну – балагъа джандет.
- Халкъны юйю – туугъан джери.
- Къыз тиширыу кеси юйюнде да къонакъды.
- Соргъан айыб тюлдю, билмеген айыбды.
- Ариу сёз аурууунгу алыр.
- Бёрю да ач къалмасын, эчки да ашалмасын.
- Чомарт къонакъ юй иесин сыйлар.
- Туз, гырджын аша, тюзлюк бла джаша.
- Айтхан – тынч, этген – къыйын.
- Кирсизни – саны таза, халалны – къаны таза.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72