- Кечеси – аяз, кюню – къыш, джарлы къаргъагъа бир аш тюш!
- Кёб джашагъан – кёб билир.
- Уллу къашыкъ эрин джыртар.
- Иги адамны бир сёзю эки болмаз.
- Иги джашны ышаны – аз сёлешиб, кёб тынгылар.
- Суу кетер, таш къалыр.
- Тёрде – темир таякълы, къаяда – чыпчыкъ аякълы.
- Чомарт бергенин айтмаз.
- Тау башында, тау болмаз, джангыз терек, бау болмаз.
- Кёб джат да, бек чаб.
- Орну джокъну – сыйы джокъ.
- Башы джабылгъан челекге, кир тюшмез.
- Ойнаб айтсанг да, эслеб айт.
- Терслик кетер, тюзлюк джетер.
- Аууз сакълагъан – джан сакълар.
- Ачылгъан эт джабылыр, кёрген кёз унутмаз.
- Зар адам ашынгы ашар, кесинги сатар.
- Джыланны къуйругъундан басарынг келсе, аны башы болгъанын унутма.
- Эринчекни эр алмаз, эр алса да, кёл салмаз, кёл салса да, кёб бармаз!
- Ишлерге уял да, ашаргъа табма.
- Ашыкъгъан cуу, тенгизге джетмез.
- Кёлю джокъну – джолу джокъ.
- Ёпкелегенни ашы татлы болады.
- Ариу сёз джыланны орнундан чыгъарыр.
- Кесине гебен этелмеген, биреуге черен эте эди.
- Джылкъыдан – ат чыгъар, тукъумдан – джаш чыгъар.
- Къарнынг къанлынга кийирир.
- Иесиз малны бёрю ашар.
- Ана кёлю – балада, бала кёлю – талада.
- Акъыл къартда, джашда тюйюлдю – башдады.
- Айраннга суу къош, телиге джол бош.
- Баргъанынга кёре болур келгенинг.
- Бал – татлы, балдан да бала – татлы.
- Чыбыкълыкъда бюгюлмеген, къазыкълыкъда бюгюлмей эди.
- Билмейме деген – бир сёз
- Адамгъа аман кюн соруб келмейди.
- Тыш элде солтан болгъандан эсе, кесинги элде олтан болгъан игиди!
- Ариуну – ауруу кёб.
- Тулпарлыкъ, билекден тюл – джюрекден.
- Ач бёрюге мекям джокъ.
- Чомартны къолун джокълукъ байлар.
- Адам къыйынлыгъын кёлтюрюр, зауукълугъун кёлтюрмез.
- Халкъны юйю – туугъан джери.
- Аман къатын алгъан, арыр, иги къатын алгъан джарыр.
- Ата Джуртча джер болмаз, туугъан элча эл болмаз.
- Этим кетсе да, сюегим къалыр.
- Аджашхан тёгерек айланыр.
- Aдам боллукъ, сыфатындан белгили.
- Къонакъ хазыр болгъанлыкъгъа, къонакъбай хазыр тюлдю.
- Ауурну тюбю бла, дженгилни башы бла джюрюген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72