- Харам къарнашдан, халал тенг ашхы.
- Джаш болсун, къыз болсун, акъылы, саны тюз болсун.
- Сабийни джумушха джибер да, ызындан бар.
- Окъуусуз билим – джокъ, билимсиз кюнюнг – джокъ.
- Ариу сёз – джаннга азыкъ, аман сёз – башха къазыкъ.
- Аякъларынгы джууургъанынга кёре узат.
- Билеги кючлю, бирни джыгъар, билими кючлю, мингни джыгъар.
- Ётюрюкден тюбю джокъ, кёлтюрюрге джиби джокъ.
- Ашхы – джыяр, аман – джояр.
- Мухардан ач ычхынмаз.
- Къонакъ хазыр болгъанлыкъгъа, къонакъбай хазыр тюлдю.
- Къартны бурнун сюрт да, оноугъа тут.
- Таукелге нюр джауар.
- Ашыкъгъан cуу, тенгизге джетмез.
- Ишни аллы бла къууанма да, арты бла къууан.
- Адамны джюреги нени кёрюрге сюйсе, кёзю да аны кёрюрге ёч болады.
- Зар адам ашынгы ашар, кесинги сатар.
- Тойгъан джерге джети къайт.
- Телиге от эт десенг, юйюнге от салыр.
- Къонакъ аз олтурур, кёб сынар.
- Юй ишлеген балта эшикде къалыр.
- Итли къонакъ джарашмаз.
- Къарт болгъан джерде, берекет болур, сабий болгъан джерде, оюн болур.
- Эллинг бла джау болсанг да, юйюнг бла джау болма.
- Минг тенг да азды, бир джау да кёбдю.
- Адам къыйынлыгъын кёлтюрюр, зауукълугъун кёлтюрмез.
- Ойнай билмеген, уруб къачар.
- Ариуну – ауруу кёб.
- Аманны тукъумуна къарама, игини тукъумун сорма.
- Чомарт къонакъ юй иесин сыйлар.
- Юреннген ауруу къалмаз.
- Къарт бла баш аша, джаш бла аякъ аша.
- Билмезни кёзю кёрмез, этмезни къулагъы эшитмез.
- Кёб къычыргъандан – къоркъма, тынч олтургъандан – къоркъ.
- Къарнынг бла ёч алма.
- Джаш къарыу бла кючлю, къарт акъыл бла кючлю.
- Айырылмаз джууугъунга, унутмаз сёзню айтма.
- Келинни – келгинчи, бёркню кийгинчи кёр.
- Таукел къуру къалмаз.
- Тыш элде солтан болгъандан эсе, кесинги элде олтан болгъан игиди!
- Ишлегенде эринме, ишде чолакъ кёрюнме.
- Алгъанда – джууукъ, бергенде – джау.
- Тёрени джагъы джокъ.
- Эл ауузу – элек, анга ийнаннган – халек.
- Сютню башын джалагъан къутулур, тюбюн ичген тутулур.
- Насыблы элин сюер, насыбсыз кесин сюер.
- Адамны артындан къара сабан сюрме.
- Бал чибинни ургъаны – ачы, балы – татлы.
- Мураты болгъанны джюрек тебюую башхады.
- Къаллай салам берсенг, аллай джууаб алырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72