- Эри аманны, къатыны – аман.
- Эшекге миннген – биринчи айыб, андан джыгъылгъан – экинчи айыб.
- Къазанда болса, чолпугъа чыгъар.
- Тынгылагъан тынгы бузар.
- Ат да турмайды бир териде.
- Тойгъанлыкъ къойгъа джарашады.
- Къайтырыкъ эшигинги, къаты уруб чыкъма.
- Татлы тилде – сёз ариу, чемер къолда – иш ариу.
- Аман къатын алгъан, арыр, иги къатын алгъан джарыр.
- Элиб деген, элге болушур.
- Окъуу – билимни ачхычы, окъуу – дунияны бачхычы.
- Суугъа – таянма, джаугъа – ийнанма.
- Намыс болмагъан джерде, насыб болмаз.
- Агъач – джерни чырайы, кийим – эрни чырайы.
- Бал чибинни ургъаны – ачы, балы – татлы.
- Сакъ юйюне сау барыр.
- Тыш элде солтан болгъандан эсе, кесинги элде олтан болгъан игиди!
- Ач – эснер, ат – кишнер.
- Танг атмайма десе да, кюн къоярыкъ тюйюлдю.
- Ачылгъан эт джабылыр, кёрген кёз унутмаз.
- Баш – акъыл ючюн, акъылман – халкъ ючюн.
- Тамчы таш тешер.
- Тилсиз миллет джокъ болур.
- Адамны сыфатына къарама, сёзюне къара.
- Ашатыргъа иш – ашхы, ишлетирге аш – ашхы.
- Джумушакъ сёз къаты таякъны сындырыр.
- Таукел адам тау тешер.
- Алтыда кюлмеген, алтмышда кюлмез.
- Шапа кёб болса, аш татымсыз болур.
- Бир онгсуз адам адет чыгъарды, деб эштирик тюлсе.
- Аманны тукъумуна къарама, игини тукъумун сорма.
- Ашхы адам – халкъ байлыгъы, ашхы джер – джашау байлыгъы.
- Ёлген эшек бёрюден къоркъмайды.
- Чалманны аллы къалай башланса, арты да алай барады.
- Аш кетер да бет къалыр.
- Билген билмегенни юретген адетди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Хоншуну тауугъу къаз кёрюнюр, келини къыз кёрюнюр.
- Арба аугъандан сора, джол кёргюзтюучю кёб болур.
- Адамны сабийин сюйген джюреги, бычакъча, джитиди.
- Кийимни бир кюнню аясанг, минг кюннге джарар.
- Итли къонакъ джарашмаз.
- Ашыкъгъанны этеги бутуна чырмалыр.
- Биреуге аманлыкъны тилеме да, кесинге ашхылыкъны тиле.
- Мухар, кеси тойса да, кёзю тоймаз.
- Хатерли къул болур.
- Сютню башын джалагъан къутулур, тюбюн ичген тутулур.
- Юйлю уругъа ит чабмаз.
- Ачыкъ джюрекге джол – ачыкъ.
- Сабий кёргенин унутмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72