- Нарт сёз – тилни бети.
- Келинни – келгинчи, бёркню кийгинчи кёр.
- Бек анасы джыламаз.
- Ойнай-ойнай кёз чыгъар.
- Къулакъдан эсе, кёзге ышан.
- Иги – алгъыш этер, аман – къаргъыш этер.
- Азыкълы ат арымаз, къатыны аман джарымаз.
- Баш – акъыл ючюн, акъылман – халкъ ючюн.
- Ашын ашагъанынгы, башын да сыйла.
- Адамны аманы адамны бети бла ойнар.
- Аман адамны тепсинге олтуртсанг, къызынгы тилер.
- Сыфатында болмагъаны, суратында болмаз.
- Сакъ юйюне сау барыр.
- Билими азны – ауузунда кирит.
- Чакъырылмагъан къонакъ къачан кетерин сормаз.
- Къарнынг ауруса, ауузунгу тый
- Ата Джуртуму башы болмасам да, босагъасында ташы болайым.
- Ётюрюкден тюбю джокъ, кёлтюрюрге джиби джокъ.
- Ашда – бёрю, ишде – ёлю.
- Уллу сёлешме да, уллу къаб.
- Юй кюйдю да, кюйюз чыкъды, ортасындан тюйюш чыкъды.
- Ауругъан – джашаудан умутчу.
- Джылкъыдан – ат чыгъар, тукъумдан – джаш чыгъар.
- Къатын къылыкъсыз, эр тынчлыкъсыз.
- Къуллукъчума, деб махтанма, къуллукъ – хаух джамчыды!
- Керти сёзге тёре джокъ.
- Ашха уста, юйюнде болсун
- Айранны сюйген, ийнек тутар.
- Тилчиден кери бол.
- Джюз элде джюз ёгюзюм болгъандан эсе, джюз джууугъум болсун.
- Кюл тюбюндеги от кёрюнмейди.
- Айран тёгюлсе, джугъусу къалыр.
- Хар сёзню орну барды.
- Кирсизни – саны таза, халалны – къаны таза.
- Къонакъ аз олтурур, кёб сынар.
- Билим насыб берир, билим джолну керир.
- Окъдан джара эртде-кеч болса да бителир, сёз джара, ёмюрге къалыр.
- Ауругъаннга – кийик саулукъ, джетген къызгъа – чилле джаулукъ.
- Мен да «сен», дейме, сен да «кесим», дейсе.
- Адам туугъан джеринде, ит тойгъан джеринде.
- Тынгылагъан тынгы бузар.
- Кимни – тили, тиши онглу, кимни – къолу, иши онглу.
- Илму – джашауну джолу.
- Чомартха хар кюн да байрамды.
- Ашыкъгъанны этеги бутуна чырмалыр.
- Танг атмайма десе да, кюн къоярыкъ тюйюлдю.
- Кесине оноу эте билмеген, халкъына да эте билмез.
- Телиге акъыл салгъандан эсе, ёлгеннге джан салырса.
- Ётюрюкню къуйругъу – бир тутум.
- Тешик этген тынчды, аны джамагъан къыйынды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72