- Урунуу – насыбны анасы.
- Ойнаб айтсанг да, эслеб айт.
- Къонагъы джокъну – шоху джокъ.
- Ач, тоймам, дейди, тойгъан, ач болмам, дейди.
- Тойгъандан сора, ашны сёкме.
- Ана кёлю – балада, бала кёлю – талада.
- Джангыз терек къынгыр ёсер.
- Кёл – къызбай, къол – батыр.
- Къаллай салам берсенг, аллай джууаб алырса.
- Суу ичген шауданынга тюкюрме.
- Юй ишлеген балта эшикде къалыр.
- Экиндини кеч къылсанг, чабыб джетер ашхам.
- Джюрек кёзден алгъа кёрюр.
- Орну джокъну – сыйы джокъ.
- Кёзню ачылгъаны – иги, ауузну джабылгъаны – иги.
- Ачылгъан эт джабылыр, кёрген кёз унутмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Бек анасы джыламаз.
- Адамгъа аман кюн соруб келмейди.
- Аманнга игилик этсенг, юйюнге сау бармазса.
- Татлы сёз – балдан татлы.
- Ата Джуртча джер болмаз, туугъан элча эл болмаз.
- Тёгюлген тюгел джыйылмайды.
- Къонакъ болсанг, ийнакъ бол.
- Джюз элде джюз ёгюзюм болгъандан эсе, джюз джууугъум болсун.
- Ургъан суудан башынгы сакъла.
- Къарын къуру болса, джюрек уру болур.
- Ата – билек, ана – джюрек!
- Биреуню къыйынлыгъы бла кесинге джол ишлеме.
- Ач уят къоймаз.
- Джумушакъ терекни къурт ашар.
- Магъанасыз сёз – тауушсуз сыбызгъы.
- Азыкъ аз болса, эртде орун сал.
- Иги бла джюрюсенг, джетерсе муратынга, аман бла джюрюсенг, къалырса уятха.
- Халкъны юйю – туугъан джери.
- Ашхы адам – халкъ байлыгъы, ашхы джер – джашау байлыгъы.
- Адам къыйынлыгъын кёлтюрюр, зауукълугъун кёлтюрмез.
- Атлыны кёрсе, джаяуну буту талыр.
- Къайгъыны сюйген, къайгъы табар.
- Терек ауса, отунчу – кёб.
- Кёл ашады да, кеси ашады.
- Кёлю джокъну – джолу джокъ.
- Насыб бютеу халкъны юлюшюдю.
- Эллинг бла джау болсанг да, юйюнг бла джау болма.
- Баш болса, бёрк табылыр.
- Айтхан сёзюне табылгъан.
- Баш – акъыл ючюн, акъылман – халкъ ючюн.
- Айтхан – тынч, этген – къыйын.
- Къызгъанчдан ычхыныр, мухардан ычхынмаз.
- Аякъларынгы джууургъанынга кёре узат.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72