- Ачыу алгъа келсе, акъыл артха къалады.
- Керилген да, ургъан кибикди.
- Эшекни не къадар тюйсенг да, ат болмаз.
- Джюрек кёзден алгъа кёрюр.
- Халкъны джырын джырласанг, халкъ санга эжиу этер.
- Ашлыкъ – бюртюкден, джюн – тюкден.
- Нёгер болсанг, тенг бол, тенг болмасанг, кенг бол.
- Джумушакъ терекни къурт ашар.
- Асхат ашлыкъ сата, юйдегиси ачдан къата.
- Ач бёрюге мекям джокъ.
- Тамчы таш тешер.
- Къыз чыгъаргъан – къызыл къымжа.
- Билимден уллу байлыкъ джокъду.
- Аджашханны ызындагъы кёреди, джангылгъанны джанындагъы биледи.
- Къанны къан бла джуума, аманны аман бла къуума.
- Джангыз торгъай джырламаз.
- Эрни эр этерик да, къара джер этерик да, тиширыуду.
- Адеб джокъда, намыс джокъ.
- Булут кёкге джарашыу, уят бетге джарашыу.
- Чомарт къонакъ юй иесин сыйлар.
- Сабий кёргенин унутмаз.
- Къарнынг къанлынга кийирир.
- Насыб бютеу халкъны юлюшюдю.
- Къайгъыны сюйген, къайгъы табар.
- Шайтан алдады, тюзлюк къаргъады.
- Джашынгы кесинг юретмесенг, джашау юретир.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кёб джат да, бек чаб.
- Кёзню ачылгъаны – иги, ауузну джабылгъаны – иги.
- Биреуню къыйынлыгъы бла кесинге джол ишлеме.
- Къар – келтирди, суу – элтди.
- Айтханы чапыракъдан ётмеген.
- Мен да «сен», дейме, сен да «кесим», дейсе.
- Гыдай эчки суугъа къараб, мюйюзле кёрмесе, джашма алкъын, дегенди.
- Тюзлюк шохлукъну бегитир.
- Тили узунну, намысы – къысха.
- Акъылсызны джууукъгъа алма, акъыллыны кенгнге салма.
- Намыс болмагъан джерде, насыб болмаз.
- Махтаннган къыз, тойда джукълар.
- Акъыл сабырлыкъ берир.
- Иесиз малны бёрю ашар.
- Кюлме джашха – келир башха.
- Бёрю да ач къалмасын, эчки да ашалмасын.
- Байдан умут эте, джарлыдан ёгюз багъасы къорады.
- Иги адам абынса да, джангылмаз.
- Башда акъыл болмаса, эки аякъгъа кюч джетер.
- Джылкъыдан – ат чыгъар, тукъумдан – джаш чыгъар.
- Мени джылытмагъан кюн, меннге тиймесин!
- Къартны бурнун сюрт да, оноугъа тут.
- Къызбайны юйюне дери сюрсенг, батыр болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72