- Тил – миллетни джаны.
- Тил – кесген бычакъ, сёз – атылгъан окъ.
- Тил бла келеди джыр да.
- Юйюнгден чыкъдынг – кюнюнгден чыкъдынг.
- Сютню башын джалагъан къутулур, тюбюн ичген тутулур.
- Тил джюрекге джол ишлейди.
- Тойгъа алгъа да барма, тойда артха да къалма.
- Чомарт бергенин айтмаз.
- Аз сёлешген, къайгъысыз турур.
- Хантына кёре тузу, юйюне кёре къызы.
- «Ёгюз, джаргъа джууукъ барма, меннге джюк боллукъса», - дегенди эшек.
- Джаш къарыу бла кючлю, къарт акъыл бла кючлю.
- Тилде сюек болмаса да, сюек сындырыр.
- Келинин тута билмеген, къул этер, къызын тута билмеген, тул этер.
- Ана кёлю – балада, бала кёлю – талада.
- Хаухну атма, ёнгкючню сатма.
- Алма терегинден кери кетмез.
- Эри аманны, къатыны – аман.
- Бозанг болмагъан джерге, къалагъынгы сукъма.
- Джахил болса анасы, не билликди баласы?
- Къарнынг ауруса, ауузунгу тый
- Сёз къанатсыз учар.
- Аурууну келиую тынч, кетиую – къыйын.
- Байлыкъдан саулукъ ашхыды.
- Намысы джокъну – дуниясы джокъ.
- Къоркъакъны кёзю экили кёрюр.
- Къуллукъчума, деб махтанма, къуллукъ – хаух джамчыды!
- Къонакъ аз олтурур, кёб сынар.
- Джетген къыз джерли эшекни танымаз.
- Шапа кёб болса, аш татымсыз болур.
- Ургъан суудан башынгы сакъла.
- Ариу сёз джыланны орнундан чыгъарыр.
- Джашлыкъ этмеген, башлыкъ этмез.
- Ойнай билмеген, уруб къачар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Айранны сюйген, ийнек тутар.
- Aдам боллукъ, сыфатындан белгили.
- Къолунгдан къуймакъ ашатсанг да, атаны борчундан къутулмазса.
- Къонакъ аман болса, къонакъбай джунчур
- Къазанны башы ачыкъ болса, итге уят керекди.
- Мадар болса, къадар болур.
- Тили узунну, намысы – къысха.
- Къыз келсе, джумуш эте келеди, къатын келсе, ушакъ эте келеди.
- Башда акъыл болмаса, эки аякъгъа кюч джетер.
- Таугъа чыгъаллыкъ эсенг, тюзде къалма.
- Тенги кёбню джау алмаз, акъылы кёбню дау алмаз.
- Тура эдим джата, къайдан чыкъды хата?
- Сакъ юйюне сау барыр.
- Джаралыны джастыгъында сау ёлюр.
- Бет бетге къараса, бет да джерге къарар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72