Эльбрусоид :: Форум :: Архив форумов

Илму – джашауну джолу.
Суу кетер, таш къалыр.
Чакъырылгъанны аты, чакъырылмагъанны багъасы болур.
Къанны къан бла джуума, аманны аман бла къуума.
Джырчы ёлсе, джыры къалыр.
Ачылгъан эт джабылыр, кёрген кёз унутмаз.
Юй ишлеген балта эшикде къалыр.
Джукъу тёшек сайламайды.
Ишни ахырын ойламай, аллын башлама.
Садакъачыны джаны – къапчыгъында.
Бастасын ашагъан, хантусун да ичер.
Къартны бурнун сюрт да, оноугъа тут.
Джыгъылгъанны сырты джерден тоймаз.
Таула не мийик болсала да, аууш табылыр.
Ёлюк кебинсиз къалмаз.
Эртде тургъан джылкъычыны эркек аты тай табар.
Эл элде бирер малынг болгъандан эсе, бирер тенгинг болсун.
Термилгенинги табмазса, кюлгенинге тюберсе.
Эл ауузу – элек, анга ийнаннган – халек.
Адам боллукъ, атламындан белгили болур.
Мени джылытмагъан кюн, меннге тиймесин!
Бети бедерден, намыс сакълама.
Танг атмайма десе да, кюн къоярыкъ тюйюлдю.
Мадар болса, къадар болур.
Ауузу бла къуш тута айланады.
Кёл – къызбай, къол – батыр.
Ишлемеген – тишлемез.
Джаз бир кюнню джатсанг, къыш талай кюнню абынырса.
Аманнга игилик этсенг, юйюнге сау бармазса.
Аз сёлеш, кёб ишле.
Хоншуну тауугъу къаз кёрюнюр, келини къыз кёрюнюр.
Ашарыкъда сайлагъаннга – чий гырджын.
Къызгъанчдан ычхыныр, мухардан ычхынмаз.
Чомартха хар кюн да байрамды.
Ашхылыкъ джерде джатмайды, аманлыкъ суугъа батмайды.
Ханы къызы буюгъа-буюгъа киштик болду.
Биреу къой излей, биреу той излей.
Таугъа чыгъаллыкъ эсенг, тюзде къалма.
Келинин тута билмеген, къул этер, къызын тута билмеген, тул этер.
Аман адам этегингден тутса, кес да къач.
Къумурсхала джыйылсала, пилни да джыгъадыла.
Ышармагъан – кюлмез, кюлмеген – къууанчны билмез.
Эки къатын алгъан – эки ташны ортасына башын салгъан.
Кёкдеги болмаса, джердегин кёрмейди.
Ариу сёз – къылычдан джити.
Юйлю уругъа ит чабмаз.
Биреуге аманлыкъны тилеме да, кесинге ашхылыкъны тиле.
Тамырсыз терекге таянма – джыгъылырса.
Аллахдан тилесенг, кёб тиле.
Сагъыш – къартлыкъгъа сюйюмчю.

Логин:
Пароль:
	Запомнить меня на этом компьютере

Забыли свой пароль?
Регистрация