- Уллу атлама – абынырса, уллу къабма – къарылырса.
- Арпа, будай – ащды, алтын, кюмюш а – ташды.
- Эринчекни аурууу – кёб.
- Таукел тауну аудурур.
- Тешигини къатында, чычхан да батыр болур.
- Ата – билек, ана – джюрек!
- Биреуге кёлтюрген таягъынг, кесинги башынга урур.
- Сакъалы текени да бар, мыйыгъы киштикни да бар.
- Ата – баланы уясы.
- Тёзгеннге, джабылгъан эшик ачылыр.
- Атадан ёксюз – бир ёксюз, анадан ёксюз – эки ёксюз.
- Тенгни тенглиги джашай барсанг билинир.
- Кёбню кёрген – кёб билир.
- Адамны аты башхача, акъылы да башхады.
- Ач къалгъандан, кеч къалгъан къолай.
- Кёб джашагъан – кёб билир.
- Арбаз сайлама да, хоншу сайла.
- Айтхан – тынч, этген – къыйын.
- Байма, деб да, къууанма, джарлыма, деб да, джылама.
- Бозаны арты дауур болур.
- Ишлегенден, къарагъан уста.
- Ат да турмайды бир териде.
- Къайтырыкъ эшигинги, къаты уруб чыкъма.
- Айтылгъан буйрукъ, сёгюлмез
- Ариу сёз – къылычдан джити.
- Къозулугъунда тоймагъан, къойлугъунда тоймаз.
- Эл тойса, тоймагъан, эл къойса, къоймагъан.
- Эртде тургъан бла эртде юйленнген сокъуранмаз.
- Тойгъан антын унутур.
- Ариу сёз джыланны орнундан чыгъарыр.
- Байны къызы баймакъ болса да, юйде къалмаз!
- Уллу сёлешме да, уллу къаб.
- Керти сёзге тёре джокъ.
- Ашхы тенг джолгъа салыр, аман тенг джолдан тайдырыр.
- Урама да – ёледи, сатама да – келеди.
- Намыс сатылыб алынмайды.
- Борчунг бар эсе, хурджунунга ойлаб узал.
- Мени джылытмагъан кюн, меннге тиймесин!
- Эркишиге тары кебек танг кёрюнюр.
- Ханнга да келеди хариблик.
- Ач бёрюге мекям джокъ.
- Тай асырагъан, атха минер.
- Экеу тутушса, биреу джыгъылыр.
- Кёл – къызбай, къол – батыр.
- Мухар, кеси тойса да, кёзю тоймаз.
- Байдан умут эте, джарлыдан ёгюз багъасы къорады.
- Къызны минг тилер, бир алыр.
- Ачны эсинде – аш.
- Билмезни кёзю кёрмез, этмезни къулагъы эшитмез.
- Узун джолну барсанг, бюгюн келирсе, къысха джолну барсанг, тамбла келирсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72