- Накъырда – кертини келечиси.
- Ачлыкъ отха секиртир.
- Ишни ахырын ойламай, аллын башлама.
- Адамны джюреги нени кёрюрге сюйсе, кёзю да аны кёрюрге ёч болады.
- Ашхы тенг джолгъа салыр, аман тенг джолдан тайдырыр.
- Ишлегенден, къарагъан уста.
- Тили узунну, намысы – къысха.
- Уллу къазанда бишген эт, чий къалмаз.
- Онгсузну – джакъла, тенгликни – сакъла.
- Халкъны джырын джырласанг, халкъ санга эжиу этер.
- Иесиз малны бёрю ашар.
- Керек ташны ауурлугъу джокъ.
- Мен да «сен», дейме, сен да «кесим», дейсе.
- Игиге айтсанг – билир, аманнга айтсанг – кюлюр.
- Шайтан алдады, тюзлюк къаргъады.
- Ашына кёре табагъы, балына кёре къалагъы.
- Эки элинги тыйсанг, джети элде махталырса.
- Ётюрюкчюню шагъаты – къатында.
- Ариу сёз – джаннга азыкъ, аман сёз – башха къазыкъ.
- Джаханимни кёрмей, джандетге кёл салмазса.
- Сёз – кюмюш, джыр – алтын.
- Аджалсыз ёлюм болмаз.
- Къарны аманнга къазан такъдырма, къолу аманнга от джакъдырма.
- Аманны тукъумуна къарама, игини тукъумун сорма.
- Тёрде – темир таякълы, къаяда – чыпчыкъ аякълы.
- Ариу сёз джыланны орнундан чыгъарыр.
- Ишин билген, аны сыйын чыгъарады.
- Азыкълы ат арымаз, къатыны аман джарымаз.
- Байлыкъ келсе, акъыл кетер.
- Адамны бетине къарама, адетине къара.
- Сибиртки да сыйлы болду, кюрек да кюнлю болду.
- Байлыкъ тауусулур, билим тауусулмаз.
- Айыбны суу бла джууалмазса.
- Джогъун бар этген, барын бал этген.
- Ёксюзню къалачы уллу кёрюнюр.
- Дууулдаса – бал чибин, къонса – къара чибин.
- Ана къолу ачытмаз.
- Иги джашны ышаны – аз сёлешиб, кёб тынгылар.
- Игини сыйлагъан адетди.
- Башынга джетмегенни сорма.
- Адебни адебсизден юрен.
- Биреуню къыйынлыгъы бла кесинге джол ишлеме.
- Биреуге аманлыкъны тилеме да, кесинге ашхылыкъны тиле.
- Намысы болмагъанны, сыйы болмаз.
- Аш хазыр болса, иш харам болур.
- Хантына кёре тузу, юйюне кёре къызы.
- Акъыл аздырмаз, билим тоздурмаз.
- Терслик кетер, тюзлюк джетер.
- Джырчы ёлсе, джыры къалыр.
- Кёзю сокъурдан – къоркъма, кёлю сокъурдан – къоркъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72