- Джюз элде джюз ёгюзюм болгъандан эсе, джюз джууугъум болсун.
- Ач уят къоймаз.
- Игини сыйлагъан адетди.
- Къыз тиширыу кеси юйюнде да къонакъды.
- Мен да «сен», дейме, сен да «кесим», дейсе.
- Ёмюрлюк шохлукъну джел элтмез.
- Байлыкъдан саулукъ ашхыды.
- Халкъны джырын джырласанг, халкъ санга эжиу этер.
- Айран ичген – къутулду, джугъусун джалагъан – тутулду.
- Хунаны тюбюн къазсанг, юсюнге ауар.
- Айыбны суу бла джууалмазса.
- Байма, деб да, къууанма, джарлыма, деб да, джылама.
- Кёз – сюйген джерде, къол – ауругъан джерде.
- Ышармагъан – кюлмез, кюлмеген – къууанчны билмез.
- Тёрени джагъы джокъ.
- Ауругъан – джашаудан умутчу.
- Бир абыннган – минг сюрюнюр.
- Ат да турмайды бир териде.
- Къарыусузгъа кюлме, онгсузгъа тийме.
- Ата – билек, ана – джюрек!
- Чомарт бергенин айтмаз.
- Аууздан келген, къолдан келсе, ким да патчах болур эди.
- Дженгил джетерикме деб, узун джолну къоюб, къысхасын барма.
- Ётген ёмюр – акъгъан суу.
- Тилде сюек болмаса да, сюек сындырыр.
- Зарда марда джокъ.
- Ёлмесенг да, къарт дамы болмазса?
- Юй ишлеген балта эшикде къалыр.
- Билгенни къолу къарны джандырыр.
- Ёпкелегенни ашы татлы болады.
- Эл ауузу – элек, анга ийнаннган – халек.
- Ач бёрюге мекям джокъ.
- Акъыл неден да кючлюдю.
- Джюрекден джюрекге джол барды.
- Ёксюзню тилеги къабыл болур.
- Эли джокъну – кёлю джокъ.
- Джарлы тюеге минсе да, ит къабар.
- Айранны сюйген, ийнек тутар.
- Таукел къуру къалмаз.
- Онгсузну – джакъла, тенгликни – сакъла.
- Ётюрюк хапар аякъ тюбю бла джюрюйдю.
- Джырына кёре эжиую.
- Эркишиге тары кебек танг кёрюнюр.
- Байны къызы баймакъ болса да, юйде къалмаз!
- Тил – миллетни джаны.
- Мухар, кеси тойса да, кёзю тоймаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джуртун къоругъан озар.
- Экеулен сёлеше тура эселе, орталарына барыб кирме.
- Алма терегинден кери кетмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72