- Къралынгы – душмандан, башынгы от бла суудан сакъла.
- Адамны аты башхача, акъылы да башхады.
- Ана – юйню кюн джарыгъы.
- Тойну къарнашы – харс, джырны къарнашы – эжиу.
- Сангырау къулакъ эл бузар.
- Гыдай эчки суугъа къараб, мюйюзле кёрмесе, джашма алкъын, дегенди.
- Акъыл аздырмаз, билим тоздурмаз.
- Тилчи тилден къаныкъмаз.
- Биреу къой излей, биреу той излей.
- Ётюрюкден тюбю джокъ, кёлтюрюрге джиби джокъ.
- Сабий болмагъан джерде, мёлек болмаз.
- Айранын берсенг, челегин да къызгъанма.
- Къызын тута билмеген, тул этер, джашын тута билмеген, къул этер.
- Чыбыкълыкъда бюгюлмеген, къазыкълыкъда бюгюлмей эди.
- Хантына кёре тузу, юйюне кёре къызы.
- Ёлген эшек бёрюден къоркъмайды.
- Экеулен сёлеше тура эселе, орталарына барыб кирме.
- Абынмазлыкъ аякъ джокъ, джангылмазлыкъ джаякъ джокъ.
- Ашхылыкъ джерде джатмайды, аманлыкъ суугъа батмайды.
- Ачлыкъ отха секиртир.
- Адамны сыфатына къарама, сёзюне къара.
- Тамырсыз терекге таянма – джыгъылырса.
- Башда акъыл болмаса, эки аякъгъа кюч джетер.
- Байны къызы баймакъ болса да, юйде къалмаз!
- Билмегенинги, билгеннге сор.
- «Ёгюз, джаргъа джууукъ барма, меннге джюк боллукъса», - дегенди эшек.
- Суу ичген шауданынга тюкюрме.
- Ашхы атаны – джашы ашхы, ашхы ананы – къызы ашхы.
- Бек анасы джыламаз.
- Эртде тургъан джылкъычыны эркек аты тай табар.
- Айранны сюйген, ийнек тутар.
- Уллу атлама – абынырса, уллу къабма – къарылырса.
- Намыс сатылыб алынмайды.
- Кёрмегеннге кебек – танг, битмегеннге сакъал – танг.
- Эл ауузу – элия.
- Иши джокъну, сыйы джокъ.
- Къаллай салам берсенг, аллай джууаб алырса.
- Къулакъдан эсе, кёзге ышан.
- Ашатыргъа иш – ашхы, ишлетирге аш – ашхы.
- Джырына кёре эжиую.
- Бетинги сатма, малынгы сат.
- Билеги кючлю, бирни джыгъар, билими кючлю, мингни джыгъар.
- Этни бети бла шорпасы.
- Тели турса – той бузар.
- Ашхы – джыяр, аман – джояр.
- Ётюрюкчюню шагъаты – къатында.
- Айтханы чапыракъдан ётмеген.
- Тойгъа алгъа да барма, тойда артха да къалма.
- Ётюрюкню къуйругъу – бир тутум.
- Мен да «сен», дейме, сен да «кесим», дейсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72