- Терек ауса, отунчу – кёб.
- Къайтырыкъ эшигинги, къаты уруб чыкъма.
- Арыгъан къош чамчы болур.
- Тулпарлыкъ, билекден тюл – джюрекден.
- Ариу сёз – джаннга азыкъ, аман сёз – башха къазыкъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Тёрени джагъы джокъ.
- Ач отунчуну ачыуу – бурнунда.
- Азыкъ аз болса, эртде орун сал.
- Ким бла джюрюсенг, аны кёзю бла кёрюнюрсе.
- Ачлыкъ отха секиртир.
- Ачны эсинде – аш.
- Джыланны къуйругъундан басарынг келсе, аны башы болгъанын унутма.
- Къонакъ болсанг, ийнакъ бол.
- Ёлмесенг да, къарт дамы болмазса?
- Чёбню кёлтюрсенг, тюбюнден сёз чыгъар.
- Сыфатында болмагъаны, суратында болмаз.
- Шапа кёб болса, аш татымсыз болур.
- Кёбден умут этиб, аздан къуру къалма.
- Намыс сатылыб алынмайды.
- Артына баргъанны, къатына барма.
- Джолда аягъынга сакъ бол, ушакъда тилинге сакъ бол.
- Башынга джетмегенни сорма.
- Эртде тургъан джылкъычыны эркек аты тай табар.
- Джеринден айырылгъан – джети джылар, джуртундан айырылгъан – ёлгюнчю джылар.
- Къонагъынгы артмагъын алма да, алгъышын ал.
- Ата Джуртча джер болмаз, туугъан элча эл болмаз.
- Мени джылытмагъан кюн, меннге тиймесин!
- Тамчы таш тешер.
- Ханы къызы буюгъа-буюгъа киштик болду.
- Эркишиге тары кебек танг кёрюнюр.
- Термилгенинги табмазса, кюлгенинге тюберсе.
- Шекер бла туз – бир болмаз, ушамагъан – юй болмаз.
- Насыб бютеу халкъны юлюшюдю.
- Тюз сёз баргъан сууну тыяр.
- Ёмюрлюк шохлукъну джел элтмез.
- Нёгер болсанг, тенг бол, тенг болмасанг, кенг бол.
- Аманны тукъумуна къарама, игини тукъумун сорма.
- Керек ташны ауурлугъу джокъ.
- Кёл ашады да, кеси ашады.
- Окъуу – билимни ачхычы, окъуу – дунияны бачхычы.
- Адеб этмеген, адеб кёрмез.
- Кютгени беш эчки, сызгъыргъаны уа, джерни джарады.
- Къоркъакъны кёзю экили кёрюр.
- Бек ашыкъгъан меннге джетсин, дегенди аракъы.
- Бичгенде ашыкъма, тикгенде ашыкъ.
- Ариу сёз – къылычдан джити.
- Юй кюйдю да, кюйюз чыкъды, ортасындан тюйюш чыкъды.
- Къалгъан ишге къар джауар.
- Намысы джокъну – дуниясы джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72